نصيحة للبنات: حتى لا تبتلعك الوحدة… وحتى تستعدّي بحقّ، لا وهمًا لكل من يعرف طعم الانتظار، ويحلم مثلُكنّ بالحلال والسكينة ما أصعب الوحدة لما تتحول لفراغ… وما أخطر الفراغ لما يتحول لاكتئاب، ودوامة قلق، وسؤال موجِع: "هو أنا مش كفاية؟ هو أنا مش مستعدة؟ هو ليه لسه؟" لكن عايزة أقول لك… ربنا لم يوعدنا إن الرزق ييجي بسرعة، لكن وعد إنه ييجي بقدر، وبخير، وبعين راضية. علشان يربيكِ على السعي، مش بس الانتظار. فما العمل؟ ابدئي "الانشغال الحقيقي"، مش الانشغال المزيف. مش بس تتكلمي عن الزواج طول اليوم… لكن تتعلمي كيف تكوني سكنًا لا زينة، قلبًا راشدًا لا جائعًا. مش تقعدي تقولي "أنا جاهزة!" لكن تسألي: جاهزة لإيه؟ لمين؟ مش تزوّقي نفسك لكن تزيني حياتك بالصدق، والصبر، والنية الخفية. كيف أنشغل؟ 1. علم يُربّيك قبل أن يُلمّعك – شاركي في دورات شرعية عن الزواج، فقه الأسرة، تزكية النفس – خدي مثلًا: سلسلة "الرجل والمرأة في القرآن" – د. عبد الرحمن ذاكر "فقه النفس في العلاقات" – الشيخ محمد الغليظ "الراشدون" – د. عبد الكريم بكار فى كتير جدا على اليوتيوب غيرهم 2. مشروع نضج حقيقي اعملي جدول أسبوعي فيه: ورد قرآن بصوتك أنتِ (بيعلّمك معاني السكن والطهارة من جوا) رياضة بسيطة تمشي فيها وتتكلمي مع ربنا ساعة تقري فيها كتاب عن العلاقات والنفس والتفكير 3. مجالس ودوائر جديدة ادخلي دوائر فيها بنات بيكبروا من جوّا مش بيتسابقوا في الصور. – دار تحفيظ – دورة نفسية ناضجة – مجموعة تطوعية محترمة 4. اعملي بإيدِك حاجة تنفعك – مشروَع بسيط هتلقى افكار كتير على اليوتيوب – كروشيه، طبخ، خياطة، قراءة، تفريغ كتب الحياة مش كلها سوشيال… الحياة فيها إنك تحسي بإيدِك قيمة. فى أمثلة لبنات ذكية استغلوا وقتهم وفى وسط الانشغال جه نصيبهم السعي لا يعني الاستعجال… والجهوزية لا تعني الكمال… والله يعطي على النية، مش على ضجيج الانتظار." الزواج رزق… لكن النضج، ده اختيار. والسكن… ما بيبدأش مع زوج… بيبدأ مع سكونك مع نفسك. _ علياء منصور مشرف