🔴 إيران من شوية قصفت مفاعل ديمونة ب 3 صواريخ... ودمرت مبنى تكنولوجي استخباراتي مرتبط بالجيش الإسرائيلي وشركة مايكروسوفت! اللي حصل خلال الكام ساعة اللي فاتوا وانت نايم، يعتبر واحد من أخطر التصعيدات والضربات الصاروخية اللي نفذتها إيران ضد الاحتلال لحد دلوقتي... واتسببت في أضرار غير مسبوقة وهلع رهيب هناك لدرجة ان حركة الزوارق الاسرائيلية الهاربة من الأراضي المحتلة لقبرص زادت أضعاف! ⚫️ طب هو ايه اللي حصل؟ تعالى أحكيلك التطورات كده سريعًا 👇 🔴 شوف يا سيدي... على وقت الفجر كده من ييجي 4 ساعات، إيران أطلقت مجموعة جديدة من الصواريخ ضمن هجمات "الوعد الصادق"، اللي بتنفذها يوميًا ضد الاحتلال... بس المختلف المرة دي بقى هو إن حسب الإعلام الإسرائيلي، الصاروخ اللي تم اطلاقه كان شايل حوالي 300 كيلو متفجرات.. وقدر يصيب بشكل مباشر مقر المركز التكنولوجي في مدينة بئر السبع جنوب فلسطين المحتلة! 🟢 المكان ده مش أي مكان... ده مركز تقني ضخم بيقدّم خدمات تجسس وذكاء صناعي لصالح الجيش الإسرائيلي، وشغال فيه موظفين تابعين لشركات عالمية زي مايكروسوفت وIBM، وضباط تقنيين تابعين لوحدات الحرب الإلكترونية في الجيش الإسرائيلي! المفاجيء في الموضوع هو ان الضربة كانت دقيقة جدًا... هو صاروخ فرط صوتي واحد بس اللي اتضرب بعد ما تم انهاك القبة الحديدية، وحسب الإعلام العبري فهو ما تمش اعتراضه أصلًا، وسقط مباشرة فوق المبنى، وتسبب في خسائر كبيرة في الممتلكات، وكمان نتج عن الضربة حريق ضخم حواليه، وإصابات وسط المدنيين بلغ عددها حسب آخر احصائية حوالي 40 شخص، ده غير تدمير عربيات وتأثر مباني مجاورة... 🔵 المبنى اللي اتضرب تحديدًا هو Gav-Yam 4، وده بحسب الإعلام الإيراني مكان بيتم فيه تدريب عناصر الاستخبارات على استخدام الطيارات المسيرة، وكمان فيه مكاتب مرتبطة بأعمال التجسس التابعة لوحدات الجيش والأمن الداخلي الإسرائيلي.. والأخطر كمان هو إن نفس المنطقة فيها مجمع استخبارات عسكري ضخم تابع للجيش الإسرائيلي، بيضم وحدة "أوفك" التكنولوجية التابعة لسلاح الجو، ومراكز تكنولوجيا سيبرانية تانية، ومعاهم قيادة منطقة الجنوب العسكرية بالكامل! 🟡 وبسبب الفوضى، محطة قطارات بئر السبع نفسها اتقفلت بالكامل بسبب الأضرار اللي حصلت من الصاروخ، وده بحسب القناة 12 الإسرائيلية.. خسارة غير مسبوقة وضربة مباشرة متعرضش الكيان لحاجة زيها في تاريخه كله تقريبًا... 🟣 بس عارف بقى الأخطر من كل ده أيه؟! 🔴 حسب وسائل الإعلام الإيرانية والعبرية وحتى العالمية، ف في 3 صواريخ على الأقل تم اطلاقهم على منطقة ديمونة اللي جواها مفاعل ديمونة النووي.. ولحد دلوقتي الجيش الإسرائيلي فارض رقابة عسكرية مشددة على الموقع، والإعلام متكلمش عن تفاصيل الضربة وفي تعتيم شبه كامل على الخبر.. وغالبًا ممكن تسمع كمان شوية أخبار عن ان المفاعل اتعرض لأضرار أو اصابات في المنطقة المحيطة بيه... 🟢 والموضوع موقفش هنا... خلال الساعات والأيام اللي فاتت، في حركة زيادة غير اعتيادية وغير مسبوقة في اليخوت والزوارق السياحية اللي طالعة من مواني حيفا وأشدود ومتوجهة نحو قبرص.. والإعلام العبري بيوصف اللي بيحصل ده بإنه حالة "هروب جماعي" للمواطنين الإسرائيليين، هربًا من القصف! اللي بيحصل دلوقتي ده يا صديقي مش طبيعي وفوق مستوى التوقعات... ⚫️ إيران بتضرب إسرائيل في عمقها التقني والعسكري، وبتقصف مراكز التطوير والتكنولوحيا اللي بتقود الحرب من ورا الكواليس، وإسرائيل مش قادرة تتعامل مع الهجمات دي بالسرعة الكافية، والدفاعات الجوية – اللي كانت زمان فخرهم – فشلت في اعتراض صاروخ واحد بس دمر نصف مجمع أمني بالكامل! 🔴 هتلاقي صور للأضرار والمباني اللي تم قصفها تحت أهي مع البوست 👇 وكالعادة هسيبلك المصادر في الكومنتات، ومتنساش تعمل شير وتعرف غيرك بالتطورات.. صباحك عسل ❤️ #علام *⭕️ التعليق :تاني جاتنا سيرة السنابك😂😂* *Dr.MOHAMEDZAIN 🇸🇩 ✌️*