"ہر اُس رُوح کے نام... جو زندگی کی دھوپ میں تھک گئی ہے" یہ اُن دلوں کے لیے ہے جو خاموشی سے سب کچھ سہتے رہے، اُن آنکھوں کے لیے جو راتوں میں بھی جاگتی رہیں، اور اُن قدموں کے لیے جو ٹوٹنے کے باوجود چلتے رہے… تم تھکے ہو، مگر ہارے نہیں ہو۔ تم اب بھی روشنی ہو، صرف ذرا سا رُک کر سانس لینے کی ضرورت ہے۔ تم کوئی عام صفحہ نہیں، تم پوری ایک کتاب ہو جسے ہر روز وقت پڑھتا ہے اور حیران رہ جاتا ہے۔ تمھاری مسکراہٹ میں روشنی ہے، تمھاری خاموشی میں گہرائی ہے، اور تمھاری موجودگی میں ایک ایسا جادو ہے جو لفظوں میں بیان نہیں ہو سکتا۔ تم کسی کی تعریف یا منظوری کی محتاج نہیں ہو، کیونکہ تم خود اپنی پہچان ہو۔ تم وہ ہو جو تھک کر بھی اٹھتے ہو، رو کر بھی مسکراتے ہو، اور بکھر کر بھی خود کو سمیٹ لیتے ہو , یہی تمھاری اصل طاقت ہے۔ اپنی قدر پہ شک نہ کرنا، تم کوئی دوسروں سے کم نہیں ہو تم مکمل ہو، اور بے حد قیمتی۔ تمھارا دل، تمھاری سوچ، تمھارا خواب سب خاص ہیں۔ اپنے آپ کو ویسے ہی چاہو جیسے تم دوسروں کو بے لوث چاہتے ہو۔ زندگی تمھیں آزمائے گی، مگر تمھارا حوصلہ ہر بار جیتے گا۔ سنو… اپنا خیال رکھو، کیونکہ تم بہت اہم ہو۔