*قصص وروايات يمنيه ❤‍🔥🔞* `[وحوش لاتعرف الحب]` (الاسم السابق كان أحضان بلا دفئ) *بإداره :آلَٰـُـٰٓجَٰـُـٰٓﯛ̲୭ڪَٰـُـٰٓر ⁞♩⁽💛🪄₎⇣℡* *الكاتب / اسامه* *الفصل (31)* 👇🏻❤‍🔥💛 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ريم ابتسمت:احمم احم عادل لفت لها؛مالش ريم: ولاشي كان شكلك تحفه وانت خازي عادل:وانتي ماتعرفيش تسكتي أحرجتي البنت ريم ضحكت:ماعليك هي غر كانت خازيه منك عادل:ولو مايسبرش اعقلي ي منعاه قد عنزوجش ريم:تزوج انت اول وبعدا بعدا عادل وصل البيت:ناهي يله انزلي ريم؛وانت عادل:شاسير ابسر محمد سيارته متعطله ريم:تمام الله معك عادل:لاتريعوا لي فوق الغداء ماشرجعش الا بعد المغرب ريم:حاضر أوبه لنفسك عادل ابتسم وجلس مريع لها لوما دخلت البيت وتحرك بيحاكي نفسه: سبحان من صور البنت هذي (سكت شويه) عادل:ياااي مالك ي خبير عيب عليك هذي أخت صاحبك مايسبرش الذي بتفعله قر . . عند قمر بعد العشاء عبدالله:كيف لوما خربت محمد:مدري ارتفعت الحرارة وما انتبهتش وفجأة بدأت توقف عبد الله:سهل سهل فدا رأسك غر كن انتبه محمد:ان شاء الله قمر بعصبية:وبسبب السياره هذي اليوم تمنيت الارض تزرطني يخخخ ع موقف بقي عبد الله:خير مالش قمر بسرت محمد بغضب:الكريه هذا خلا صاحبه يوصلني وزد يمني ويعرفه وانا كنت كاشفه وشي يمااااااه والإحراج الله يسامحك محمد:ناهي وانتي عتجلسي تعصدي بهذا المجبر لاغدوه يعني ي أباه مفعل اخليها بالجامعه مرزوعه اتصلت لك ومارديتش والرجال اخته بنفس الجامعه يعني ماطلعتش معه لحالهم وبعدا عادل ثقه قمر: انا داريه إنّو ثقه مش قصدي غر حين ركبت معه حسّيت انه قال في نفسه ماتستحي فاتشه وشها محمد ضحك:استغفر الله اشتي ادرى كيف بتنجحي بالاختبارات وانتي خبلا يعني للمه عيقول هكذا وأخته والكل فاتشه مشو اخبل سعش هو داري ان هذي لبنان مشي صنعاء عبد الله ضحك:ايوه ي بنتي اخوش على حق يعني قدو من بلادنا ونعرفه ويعرفنا احسن من انش تركبي مع واحد مانعرفهش محمد:ايوه وبعدا لو هو بيدي ماخليته يبسرش لكن مفعل بغير رضايا قمر اقتنعت:ناهي خلاص فهمنا(تذكرت الموقف وتبرقطت) . . بعد أسبوع محمد:خلوا بالكم ع الشغل وانا ان شاء الله رح أكون ع تواصل معكم وايش في مستجدات بلغوني فيها عادل دخل:ياخي انت متأكد من السفر هذا يعني اشتي افهم ماصنفت لك محمد:والله قدنا فاقد للبلاد قوي اشتي ارجع اشم هوا صنعاء عادل:كلنا نشتي نرجع غر ليكن مش ذلحين يعني قد احنا بنص الشغل ومريعين نبدا بالمشروع ومش معقول تفلت كل شي وتسافر محمد ابتسم:وانا متأكد انك ماعتقصرش ووجودك يكفي وبعدا كلها كم شهر ونرجع ماشاجلس سنتين ثلاث عادل:خيرة الله قدك اخبر محمد:يله اكيد الكل مريع لي الطيارة بعد ساعتين عادل:يله الله معك كوّن على تواصل معي وأوبهوا لانفسكم لان وضع البلاد مايطمنش محمد:بيني وبينك والله انهي بهذله لكن.... .