*قصص وروايات يمنيه ❤‍🔥🔞* `[وحوش لاتعرف الحب]` *بإداره :آلَٰـُـٰٓجَٰـُـٰٓﯛ̲୭ڪَٰـُـٰٓر ⁞♩⁽💛🪄₎⇣℡* *الكاتب / اسامه* *الفصل (41)* 👇🏻❤‍🔥💛 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ذئاب لاتعرف الحب مريم زقمت طرف ثوبه وأشرت له يهدئ ياسر هدأ نفسه وخطي لاعنده : ابسر ي ابني انا ابوك وادرى بمصلحتك البنت هذي مشي مناسبة لنا وانا مشتيش ابسرك هكذا وضعك مشو عاجبني مابش اب عيرضى بوجع ابنه وعلشان تنسى هذا الوجع ضروري تتزوج وتبسر حياتك وبعدا يمكن تجي المره هذي تنسيك قمر والذي خلفوها احمد : مابش بنت بالعالم عتدخل هذا البيت بصفتها مرت ابنك غير قمر ولا به اي مره عتنسيني قمر ايحين عتفهمووا وتحسوا اهلكتوني انا تعبت من كثر ماقلت لكم هذا الحكا وأنتوا ايحين عتتتعبوا من سماعه حرام عليكم اعتقوني لوجه الله (خرج وغلق الباب بقوووه) ياسر:لاحول ولا قوة الا بالله الولد هذا عيجلطني مريم:خليه براحته ياسر:لاي حين بين ابسر ابني بيدمر نفسه بيده وتشتي أخليه براحته لازم اتصرف مريم سكتت بيأس وحيرره . . في لبنان دق باب الغرفه ودخل ابسر الملازم قبالها عادل:اححححم ريم:ادخل ادخل مابش بيننا رسميات ياسعم انك دخلت غرفة مديرك بالشغل عادل ضحك:ي عيباه واللقانه ريم بدون ماتبسره: ماتشتي حاسه تحت لسانك خبر عادل جلس مقابلها:ايوه اشتيش بموضوع ريم قفلت كل شي وركزت عليه:عيوني لك عادل: مشتيش عيونك خليهن لش انتي عمياء بغير شي ريم ضحكت:ذلحين من اللقن فينا عادل:ناهي اسمعي ريم:ماهو عادل:تذكري حين وصلنا هذك البنت صاحبتش ريم بتحاول تخفي ابتسامتها:ايوه مالها عادل خزي وتراجع: ولا شي خلاص ارجعي ذاكري(قام يشتي يخرج ووقفته ريم وزقمت يده) ريم:اجلس اجلس قولي ماداخلك سؤالك هذا ورآه شي عادل ضحك:اعوذ بالله داخلش جني ريم ضحكت:مابش جني بس اقدر افهم اخي من نظره واحده عادل تنهد وجلس: الله يحفظش ريم:يله قولي ماتشتي تعرف عنها عادل بهرر: من قصدش ريم غمزت له:حبيبة القلب عادل؛إنَّا بطلي خباله لاتفهميش غلط ماهو حبيبة القلب ريم:لا تحاولش كشفتكك وَزد قريت الشعر الذي كتبته عليها عادل عقد حواجبه ومسك إذنها بقوه:ماهووو من ايحين قد بتفتشي بعدي ريم:اييي والله مافتشت شي غر دخلت المجلس وابسرتك راقد بغير دفا والدفتر كان فوق صدرك دفيتك وجاني فضول اقرا وقريت والله ماكان قصدي عادل فلتها: اخر مره ريم:كريه اوجعتني عادل؛ناهي اشتي اسألش البنت مخطوبه والا شي يعني بما انها صاحبتش اكيد تعرفي عنها كل شي ريم:هو مش كل شي كل شي لأنهي كتوومه قوي يعني ماتقدرش تشل منها لاحق ولا باطل بس بالنسبه للخطبه ماشي مشي مخطوبه ولا شي عادل فرح:سااابر ريم:للمه اعجبتكك اعترف عادل ضحكك:بطلي لقافه وارجعي ذاكري مالش دخل ريم:هيا تمام انا الغلطانه أصلا آلذي قلت لك عادل اابتسم وقام ريم بتغني:حن قلبي غصب عني اصله..... . .