Depi yè swa, alè 9 è nan aswè, yon seri atak pa drone kamikaz te fòse plizyè sòlda nan baz "Ti Lapli" yo abandone pozisyon yo, selon temwaryaj ak enfòmasyon ki kòmanse pwopaje. Atak yo, ki te parèt kòdone, te lakòz gwo dega konsiderab nan kan ti lapli a, ak yon kantite viktim ki poko konfime ofisyèlman. Pami sòlda yo, kèk te parvi repliye nan direksyon Kfou, pandan ke lòt te disparèt nan lòt zòn, san yo pa bay detay sou kote yo ye kounye a. Sitiyasyon an toujou konplike nan Grand Ravine. Gen yon lòt pozisyon ki tou pre, ki ta ka afekte tou pa menm atak yo. Sous ki pale anonimman, afime ke pèt yo enpòtan nan kan "Ti Lapli" a, ak "anpil viktim" ki rapòte. Sepandan, okenn otorite ofisyèl poko bay yon bilan egzak, ni yon eksplikasyon sou operasyon drone yo. Atak sa a rive nan yon kontèks eskalade vyolans nan zòn Pòtoprens, kote gang viv ansanm ap atake pèp la. Kesyon an se ki Nou pral kontinye swiv devlopman sitiyasyon an epi mete ajou piblik la selon nouvo ajou yo.