*Tuni May 31 in Kuki Khanglai Lawmpi (KKL) GHQ leh Young Paite Association (YPA) GHQ heutute'n thusuah bawlkhawm uh.* 👇🏻 1. Nam kal buaitheihna ding thu leh la vekte mohpaihna sangpen in ka mohpaih uhi. Unau ihi ua, lungsim munkhatpu a lungmuangtak a khosak leh tenkhop ding ka deih uhi. 2. Melma khat nei a doukhawm ihi ua, ei kisia a kibal thei ihi kei uh chih mipite'n lungsim ah koih chiat ni. 3. Numei naupang leh mivantang thawmhausak thei lel ding thu leh la vekvek leh gelhgelh te'n tawpsan mahmah un, a hunta. 4. Lamka ah Nam chiteng tengkhawmte' lak ah ngaihdan kibang kim thei gige kei mah leh kisiatna leh kihuatna ding bangmah omlou hi. A diak in KUKl leh PAITE (KKL & YPA) kal ah melma dan a kien a kidouna ding thu omlou hi. 5. Hoih deih hetlou mimal bangzah hiam te' kuapeuh in mun awnlou dingin ka hon ngen uhi. 6. School leh College kaite, khut nasem a nekzongte, Bazar kaite, Office kaite banah, khualzin gamvak a mun tuamtuam a khosate lungmuangtakin om chiat ni, buaina ding bangmah omlou ahi.