*Tuni June 19 in Paite Laipau Saipawl (PLS) a Board of Directors (BoD) omkha thei teng in PLS Pisa, PTC Building, Hiangtam Lamka mun ah maban a Tribal Literature Conclave neihna ding toh kisai in houlimkhawmna poimohtak mai nei uhi. Huai hun a paikhawmte'n kituaktak in October 23, 2025 chiang a Tribal Literature Conclave a manpha theipen a neih ding in kituaktak in thukim ua, a sepsuahna lam Sub-committee in hon delhzui ding in koih uhi. Hiai Conclave ahihleh Ministry of Tribal Affairs, Govt. of India senna nuai a neih hi ding in kigen hi.*