الدين للجميع: لأهلنا في #الإسكندرية و في كل مكان في #مصر الحبيبة ....................................................................... _ أولا : ربنا يحفظكم و يسلمكم و يلطف بكم وينجيكم من كل سوء ... _ ثانيا : دي مش الرسالة الأولى اللي جات لنا ، ده جالنا فيروس ، وأمطار و زلازل ، وعواصف ، ورياح ، وغلاء ، وبلاء ، ونكد ، وأحزان ،و....،و....، فيا ترى هل ده شيء عادي ؟ 👈مثلا ... - اللي حصل من شوية في الإسكندرية وغيرها ، حصل فجأة ، واستمر لمدة ٣٠ إلى ٤٠ دقيقة ... وكانت نتيجته : - بيوت غرقت ، و بيوت البلاعات فيها ردت المياه و غرقتها.. - المحلات قفلت ، والشوارع باظت .. - المواصلات والسيارات وقفت تماما ، بسبب تلك الأمطار والعواصف .. _ كهرباء فصلت .. - ذعر وخوف ورعب علشان ٤٠ دقيقة فقط ... - قرى و أراضي تابعة للمحافظة محاصيلها باظت .. - ناس تضررت في معيشتها - لما تحط ده كله +ظهور الزلازل في بعض الأماكن + التواطؤ على المسلمين في أرض الرباط ، والسودان وغيرهما + الإعانة على الفساد والظلم وانتهاك الحرمات +التمرد على الله +الغفلة عن اتباع دين الله +أكل الحرام + استحلال ماحرم الله + أكل أموال الناس بالباطل+ الزنا + تسليع المرأة +......+ ....... = هتعرف النتيجة 👈لو ده كله مش هيخلينا نراجع نفسنا ، و نخاف من ربنا يبقى مفهمناش مقصود آيات ربنا لينا ؟! ............................................................................. 👈ربنا قالنا اللي حصل قبل كده لأهل مصر في زمن فرعون قال تعالى : " فَأَرۡسَلۡنَا عَلَیۡهِمُ ٱلطُّوفَانَ وَٱلۡجَرَادَ وَٱلۡقُمَّلَ وَٱلضَّفَادِعَ وَٱلدَّمَ ءَایَـٰتࣲ مُّفَصَّلَـٰتࣲ فَٱسۡتَكۡبَرُوا۟ وَكَانُوا۟ قَوۡمࣰا مُّجۡرِمِینَ " -👈مش مطلوب إن إحنا نلغي المنطق العقلي للظواهر دي ، وأسبابها المادية ، وطرق التصدي لها ... 👈بس في نفس الوقت مش كل حاجة لازم نفسرها من منطلق قوانين الطبيعة المادية ، و ننسى إن ربنا هو اللي بيقدرها لحكمة 👈نخرج من كل ده بإيه 👉 .................................... ١-{مَا قَدَرُوا اللَّهَ حَقَّ قَدْرِهِ ۗ إِنَّ اللَّهَ لَقَوِيٌّ عَزِيزٌ} [الحج : 74] ودي رسالة لكل متكبر متمرد على الله يتحدث بكبر ، وبيحسبها بطريقة مادية بحتة ، وبيتكلم من منطلق قوته ، وممتلكاته ، ومعارفه .. ٢-كل ده رسالة لكل كائن علماني بيتكلم بعنجهية وبتمرد على الله ، وقاعد بيفاخر بحاملات الطائرات ، و الصواريخ العابرة للقارات ،و الترسانات والاستعراضات ،وبقى شعاره .."من أشد منا قوة ".. 👈 ونسي أن من كان قبله كانوا اشد منه قوة ، ورغم ذلك مقدروش ينجو من عذاب الله .. 👈فإياك و الظلم و التكبر ، فلا يدوم الإنسان على حال.. - وصدق ربي ... ( يا أيها الإنسان ما غرك بربك الكريم ) ٣-يقولون ..لقد انتشر الإلحاد بين الشباب ، وإن الكثير من الناس بقى بيؤمن بقدرة البشر وقوتهم المطلقة، وظن المتجبرون وضعفاء الإيمان أن الإنسان المتجبر لن يقدر عليه أحد.. - فإذا بالله يرسل آياته تترى - الأمراض والأعاصير وغيرها - فيسبِّح المؤمنون ويزدادون إيمانًا ، ويوقنون بأن العاقبة للمتقين _ مهما طال الزمان _ .. 👈 وفي المقابل .. يزداد العلمانيون والإلحاديون والإباحيون والمتجبرون وأذنابهم طغيانا، رغم إنهم مساكين ليس بأيديهم شيء إلا ما أقدرهم الله عليه؛ قال ربي .. {وَمَا نُرِيهِمْ مِنْ آيَةٍ إِلَّا هِيَ أَكْبَرُ مِنْ أُخْتِهَا وَأَخَذْنَاهُمْ بِالْعَذَابِ لَعَلَّهُمْ يَرْجِعُونَ } [الزخرف: 48] وقال .. {وَمَا نُرْسِلُ بِالْآيَاتِ إِلَّا تَخْوِيفًا}[الإسراء: 59].. وقال محذرا .. {وَنُخَوِّفُهُمْ فَمَا يَزِيدُهُمْ إِلَّا طُغْيَانًا كَبِيرًا} [الإسراء: 60]. 👈وده رد تفصيلي على شبهاتهم .. بعنوان : "الجندي المجهول " https://youtu.be/RA2CHKW2VVI ٤- الدنيا كلها ...اللي بنتقاتل عليها لا تساوي عند الله جناح بعوضة ، وهي سجن للمؤمن ، وجنة الكافر .. ٥-لكل حد بيستظرف بطل هزار واستخفاف بظواهر الله الكونية .. الموضوع جد مش هزااااار .. المفترض إننا نفهم الحكمة من اللي بيحصل ده .. - الأمطار والرياح والعواصف دي ممكن تكون رحمة بمن يستحق ذلك .. - أو تكون رسالة من ربنا علشان نفوق ، ونتوب ، ونرجع تاني لربنا -اللي بيستظرف وبيطلع الحتة الكوميدية الليجواه ..هيفوق امتى .. لما يموت ، وينفخ في الصور ، ولا لما تطلع الشمس من مغربها 👈وأخيرا ... _ اسألوا الله العافية ، وأكثروا من الحمد ، والاستغفار ، وإياكم والقنوط ، وإساءة الظن بربكم.. _ حاولوا تساعدوا المتضررين من هذه الأمطار ، وتقفوا جنيهم ، لأن ده من أقرب القربات يوم القيامة .. _ افتكروا إخوانكم وأهلكم في أرض الرباط اللي بقالهم أيام وشهور و سنين في قهر وخوف وجوع و إبادة و قتل و......و ...... .. _ تخيلوا أن ما حدث في هذه الدقائق لكم ، كم يساوي أمام ما رآه أهلنا في أرض الرباط ، فهل أدركتم الأمر ده ؟ كلما أضاء الرعد تذكروا القنابل المضيئه ، وكلما سمعتم صوته تذكروا صوت الاستهدافات ، وكل ما تشوفوا الغرق والحياة الواقفة تذكروا الحياة اللي انعدمت تقريباً هناك ، افتكروهم ، وساندوهم ، ولا تخذلوهم 👈وكتبه ناصحاً لبني شعبه #الشيخ_علي_قاسم