🎯 港股仲值唔值得投資？我點解決定清倉？ 最近好多朋友問，恆生指數仲值唔值得再投資？我上個星期五其實就已經做出行動——清倉咗大約三分之二嘅倉位。剩低嘅三分之一，我預計喺今個禮拜內都會清晒。 🟡 咁我幾時會再考慮入場？ 要再入市，起碼要等恆指回到 21,500 點先會再部署，因為個市要有一定回穩信號先值搏。 📌 背後邏輯係咩？——環球資金聯動同宏觀背景轉向 依家你見到市場表現唔單止係一個地區嘅事，美國一旦進入貿易戰、自損800傷人1000，根本唔可能只係美股升、港股唔郁，或者反過來，因為資金係全球流動。 你回顧過去三年，港股都冇咩升，只有美股升，點解？ 👉 因為美元強勢 + 美國高息吸金效應，資金自然流向美國。 💡 但依家出現變數：降息周期將至 隨住美聯儲可能開始減息，資金會搵風險更低、估值更吸引嘅市場，即係話資金可能會由美國流出，轉向： 長期被低估嘅市場（例如中國） 政策利好 +經濟逐步回穩嘅地區（例如日本） 📊 中國市場方面： 目前中國大部分股票估值仲喺 P/E 13 以下，從基本面嚟講，比美國市場健康得多。 📊 但熱錢未必一定嚟中國，亦可能選擇日本： 你見到巴菲特近年都加大咗對日本市場嘅投入，值得大家去深入研究。 📺 下一集YouTube我會重點分析日本市場，帶大家睇清楚： 中、美、日三個市場點樣聯動 邊個市場最值得做長期部署 我會點樣根據大方向進行資產配置 📍 記得留意我 YouTube 嘅更新！ 下一集會有完整圖表講解，唔好錯過！