*KHANTOU DING ITIU LEH EI LE EI KITOSOT DAN HETLOI ANGAIYE:* Kangpokpi khopi leh akimvel a um jousen Kangpokpi District sunga dinga TRENDS SHOPPING MALL inei sun uhi itosot diu angaijin ahi. Meilhei ten Phaisunga konin loulaiya lut gancha dellin eihin kideldoh un ahileh, senapati Bazar langa ichukit tauvin ahi. Eimite hin ikhopi sunga thilchoh ding kiti hi neona/khantou louna a igel jing nalai uham? Senapati shopping Mall um hoa thil hachohpen eimi ho ahiuve tithu akijan ahi. Ahin ikhopia um shopping Mall khat um sun² geuthit thet in ikoikit un koima jong thilcho aumpon ahi. Kuki kiti nam mite hi, midang hon, mingol a eimuva einoiseu hi adih natah aumtan ahi. Khantou dingle kikhel ding kitosot toding kiti la platform jousea seiya kichai jengthei ahipoi. Ijakai athua iseitam uva, iseihoi uva iseichai uleh ikichaisah kit jeng uhi ipi khantounan eilhun khum diu hitam? Senapati khu hatah in semdoh jongleu hen eihoa ahipon, nikhat leh vohnou della eihin kidel thokit thou² diu ahi. Ijatvei ham khat jong senapati khopi sunga kona Kuki kiti jouse umthei lou ding tia thuphon kibolsa ahitai. Kpi, Lamka, Moreh, khopi ineihou hi phatah in bopsoh keileu hen achamlouvin igamsunga economy hoijintin, igama economy ahoiteng leh khantouna thu ho chu sei² ngailouva aumsa hijenga ahi. *Igamsungu kikhelsah tauhite, Igamsung KIKHEL NA ding eiho khutna aume*