كلمات الشاعر / حسن ذيبان اليافعي مرسلة للشاعر / قايد علي القطنة الحجاجي يا قايد الخُمس هل قريت به لصاحب الكهف او عادك عنيد بالامس شفت اهل منزل قاطبة استسلموا للخوارج والعبيد من كهف صعدة بنية خاربة ضيع بهم في شعاره والنشيد كسر قرون التيوس المرجبة واصبح على روسهم حاكم وسيد هات الحقيقة وحذرك وانتبه تشطح علي بالهراء ذي ما يفيد حلل كلامي بنظرة ثاقبة من دون تهديد فارغ او وعيد دموع صنعاء بتمسي ساكبة من بعدما طالها الظلم الشديد وانتوا تغنون بعد الحاطبة ما حد ذكرها بجمعة او بعيد ماحد مع الام صلح واجبه حتى بكلمة لطيفة من بعيد معها وقفتوا مواقف سالبة واصواتكم في عدن ترعد رعيد تجرون بعد الصلاة الراتب واهملتو الفرض والركن الاكيد يا مسلمين الصلاة الواجبة اولى بكم من بدع عبدالمجيد ---------------------- وحنا حنبنا بتلم الشاجبة عاد الفوانيس فينا يا عصيد اما اخرجونا بصورة عاجبة ولا خرجنا الشوارع من جديد ما وحدة الفيد شفها راسبة من بعد ما سمها عمك حميد ون شفتها بالسلاسل حانبة ما با يفل الحديد الا الحديد لا تحلموا بالوعود الكاذبة ذي خدروكم بها عبر الوريد صالح غلط عند ما اقصي نائبه والبيض ضيع كنوزه والرصيد الدور دور الرموز الشابه والامن والعدل والعيش الرغيد ----------------------- والمشألي بعدما رحبت به حاولت صيده لا طاعك تصيد الناس من فعلتك مستغربه هاجمت ضيفك وهو فوق العصيد حاولت في عقر دارك ترهبه لكن طلع ذيب ماشي له نديد زلزل كيانك بكلمة غاضبة واعطى الجشع درس من نوعة فريد ختمت بدعي وما دونت به وانت بالرد ماريدك تحيد ان شي معك للسؤالات اجوبه ولا دفنته بصندوق البريد اخرج من الباب ذي غرزت به واجعل هموم الوطن بيت القصيد جيتك في الشهر ذي حجيت به لله .. من اجل اجري بك يزيد شفتك بحالة وصورة مرعبه جمهورك انهار واصبحت الوحيد وبالحبيب الذي امنت به ختمت مشوار نظمي والقصيد 14/6/2025 جواب ابو رعد القطنه الحجاجي قال الفتى يا حسن زر الحبه اربط حزامك وكن جيد ابن جيد حافظ على طابعك لا تقلبه يا زاير البيت فدنا واستفيد والكذب والزور حذرك تقربه مادام حجيت كن عابد زهيد واستغفر الله ربك واطلبه مهما طلبته لدى ربك مزيد م انسان مسكين مثلك سيبه كما معه با يقل ماشي رصيد حجيت والنفس ماهي طيبه قلبك على بن علي شاني حقيد تحرش وتربش وسمك تدربه بين العسل للقطنه والعصيد من وين ما جيت مابا تغلبه اقولها لك وكررها وعيد قلب الاسد يعرفه من جربه ما يشبهه غير هارون الرشيد والخمس ذي في حسابك تحسبه من هاجسك للدعايا هات زيد لفطرت بالكذب م اتعشيت به ماشي خمس عندنا نار الوقيد حمراء مقلم وزيتي ذايبه نحرق بها كل متغطرس عنيد من مقصدك بهل منزل قاطبه احنا العلا والمعالي والسنيد احرار واشرار عند النايبه نرجع السيل مطلع يا بليد والعاصمه ذي حصل فيها اشطبه انته وانا نعرف العلم الأكيد لولا مواقفكم المتذبذبه ما زيد يا صاحبي خرج يزيد ولا الحصيني شرد من ارنبه ولا مشرد يحكم في عميد اما قرون التيوس المرجبه تستاهل الكسر بالفاس الحديد خلوا بلاد السعيده مجدبه عاشوا وعاثوا وذا الساعه شريد وانتوا دخلتوا طرق متشعبه غبني عليكم من الوضع النكيد تلعب بكم قوم حمقاء مجربه من عهد الاجداد الى عصر الحفيد سبعه وستين أفشل تجربه قتل السلاطين من اجل العبيد واليوم عادت عدن متأهبه للسلطنه والمشايخ من جديد نفس الدماء والأسر متعاقبه وبأسكم بينكم بأساً شديد اليافعي عسكري في منصبه والضالعي ماسك الدوله بالايد بالمختصر ويش ذي با تكسبه يا اليافعي من وجودك في زبيد وحده معاكم صراحه متعبه هجرتكم الهند هي الراي السديد قلت الحقيقه وذي ما يعجبه يدق راسه في الجوس الصليد والمشالي جاء وبادرت اكسبه لانه بيسعى على كسر الجليد حتى ولو هو طلبني نصبه مكان شايف محمد بالقصيد على لحوم الكباش المثربه يشتي يكون الخليفه والعقيد وقلت له في لغه متأدبه ان الخلافه تبا عاقل رشيد يصبر ويهدأ ويمكن لقبه لما العوايق من الساحه تحيد هذا اللقاء ذي جمع بو رعد به والشيخ قاسم على الموقف شهيد واختم بمن نور الله حاجبه شفيع يوم القيامه والوعيد