صحيح إن الحياة صعبه والظروف مضغوطه على أغلب الناس، بس الأطفال مالهم ذنب.. ما يعرفوا لا قروض، ولا غلاء، ولا ديون، ولا همومنا. من حقهم يعيشوا لحظتهم، يفرحوا ويلعبوا ويضحكوا، ويحسوا بطعم العيد، نثل ما إحنا حسينا به يوم كنا صغار. لأن التفاصيل اللي يعيشوها اليوم، هي اللي بتظل فـ ذاكرتهم لآخر العمر، مثل ماترسخت في اذهاننا ذكريات أعياد طفولتنا الرائعة. ليش نخليهم يكبروا على أعياد باهتة.؟ ليش نخلي العيد يمر عليهم كأنه يوم ثقيل.؟ طول السنة وإحنا مشغولين ومضغوطين، ويمكن بدون ما نحس، قصرنا في حقهم، فـ خلونا هذا العيد نعوضهم شوي، ولو بالحُب، ولو بلحظة حلوة، نشاركهم لعبهم، وضحكتهم، ولبسهم، حتى لو على قدّنا. نحسسهم إنهم مهمين، وإن العيد جا علشانهم. صدقوني كل التكاليف والمظاهر ماله معنى، لو ما كانت سبب في فرحة عيالنا. وفرحة الأطفال هي العيد الحقيقي.. والباقي مجرد تفاصيل. هل توافقني الرأي نعم 🔚👍🏻 لا. 🔚👎🏻