*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *كبر البحر بحبك♥️* *❴🔢❵☟الـــبـــــــــــ❴1️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ محمد ضابط بالأمن العام عمر 26سنة العسكري. احترامي سيدي سيدي وصلتنا رسالة من المدير العام للأمن وأمر بحضور هي البنت لعندك محمد. اي ومين هي ؟ العسكري. سيدي ما اعطونا معلومات ابدا الا البنت وهي الرسالة محمد. طيب العسكري. احترامي سيدي محمد فتح الرسالة وقبل ما يقرأها ، شو اسمك انتي ؟ البنت. اسمي اسماء محمد. طيب ارتاحي ليش واقفة محمد بدء بقراءة الرسالة ( السلام عليكم ظابط محمد انا وكلتك هذه المهمة وعندي الثقة الكاملة بأنك قادر عليها ، هذه البنت توفى والدها و والدتها واخاها الصغير الذي يبلغ عمره عامين بحادث سير مؤلم وليس لديها احد هنا يقربها ابدأ ولكن لديها ابن عمتها بالسويد خرج للدراسة وهو ليس لديه القدرة على اخذها عنده ولا يستطيع تحمل مسؤليتها هذا ماقاله عندما تواصلنا معه ، تدبر امرها انت وان لم يسأل عنها احد تصرف انت خذها الى ميتم او الى عائلة كي تبقى عندهم ، انا اوصيك بهذه البنت وانا اعرف انك قادر على تحمل المسؤلية لذلك كلفتك انت بها وشكرا . سكر محمد الرسالة وبدأ ينظر الى اسماء اسماء خافت من نظراته لها وتقول في نفسها ليش عم يتطلع فيني هيك طيب شو مكتوب بهي الرسالة وشو بدهم مني انا ماعملت شي ليش جابوني لهون 😔 نظرت الى محمد وهو لا يزال ينظر اليها تلبكت وخافت ودموعها على وشك النزول محمد. بتعرفي ليش انتي هون ؟😒 اسماء. لا مابعرف ، بس انا ماعملت شي شو بدكن مني😢 محمد. مابدنا شي ليش خايفة ، ع كل حال رح تبقي هون كم يوم وبعدين مابعرف اسماء. شو يعني مابتعرف وكيف بدي ابقى كم يوم يعني بالحبس محمد. ههههه لا مو بالحبس بس هيك اجانا الامر انو تبقي كم يوم ، طيب عندك مكان تروحي عليه ؟ اسماء. لا ماعندي ومابعرف حدا محمد. كم عمرك انتي اسماء. 14 سنة محمد. لساتك صغيرة 🤔 محمد عم يكلم نفسه ومو عارف شو يعمل ، وين بدي خليها طيب واذا طلعت انا من المكتب وين بدها تبقى اووووف من وين اجتني هالشغلة محمد. اسماء اسماء. نعم محمد. اسمعي انتي رح تبقي هون بمكتبي فترة قصيرة وفي جوانيت المكتب غرفة صغيرة وفيها تخت وحمام واي شي بدك ياه قوليلي وانا بجبلك ياه ولا تخافي من شي ابدا اسماء. اي بس ليش.. قاطعها وقاللها هلأ عندي شغل ادخلي ع الغرفة ارتاحي اذا بدك اسماء. لا رح ابقى هون محمد.اوك بعد مرور 10 دقائق ماقدر يشتغل بوجود اسماء لأنو كل شوي عم يتطلع فيها ويصفن ومو عارف شو يعمل واسماء حلوة كتير عيونها وساع ولونهن اخضر وجها ابيض ومدور وشعرها كيرلي وطويل لونو اسود وهي ناعمة كتير وجريئة ونظراتها بتاخد العقل والقلب اما محمد اسمراني طويل شعره اسود حلو كتير عصبي كتير لدرجة مابيعرف حدا اذا عصب وشغلو الو دور كبير بعصبيتو لأن هيك طبيعة شغلو مابيرحم واذا كان مروق سبحان الي خلقه ما اهداه وما اروعه كريم وبحب بصدق بس قبل مايتعرف ع اسماء كان حظو قليل وحياتو مو هادية بنرجع ل محمد ماشال عيونو عن اسماء طبعا مو بقصدو بس عيونو كانت تسرق النظر الها😍 . اسماء عم تطلع فيه وتقول شو بدو مني مو عأساس عندو شغل قطع تفكيرها دخول العسكري العسكري. احترامي سيدي وصل المتهم رياض محمد. طيب دخلو محمد. اسماء هلأ رح يدخل شخص لهون ومابدي يشوفك فوتي ع الغرفة بس شوي حتى خلص شغلي معو اسماء. طيب طبعا الغرفة مابتطلع مترين وفيها تخت مفرد ومكركبة كتير والجو حامي كتير وداخلة الشمس من الشباك ومافيها مروحة دخل الموقوف رياض محمد. عمار سجل اقوالو عمار. حاضر سيدي محمد. اي قلي كيف سرقت الشنتة من ايد البنت و وين المصاري الي كانو فيها 300 الف رياض. انا ماسرقت شي الشنتة وقعت من ايدها وانا اخدتها لأعطيها اياها كنت ناوي ساعدها مو اكتر بس هي جزات الي بيعمل منيح😔 محمد. ولك حيوان احكي الحقيقة البنت اشتكت عليك وقالت انك عامللها مشاكل كتير وانك استخدمت هويتها واعطيتها لبنت وسخة وخليتها تمشي عأساس انها صاحبة الهوية لحتى توسخ سمعتها رياض. سيدي هي وحدة كذابة وفلتانة وبيطلع منها كل شي عم تتهمني هيك لحتى تبرأ حالها من عمايلها الوسخة محمد وقف وراح لعند رياض وبعصبية ضربه كف.. وتنين .. وتلاتة ظل يضربه حتى نزل الدم من فمه محمد كان الشرار عم يطلع من عيونو لأنو بيعرف البنت منيح وهي بتقربلو واستنجدت فيه وهوا بيعرف تربايتها واخلاقها منيح ظل محمد ورا رياض حتى اعترف رياض. شوف رح احكيلك كل شي😔 محمد. قول سيدي ولك حيوان😒 رياض. يا سيدي انا بعترف بكل شي عملتو هيا مرة ضربتني كف قدام كل طلاب الجامعة بس لأنو طلبت رقم تلفونها وعنوان بيتها ومارضيت وفهمتني غلط وانا حبيت دفعها ثمن هالكف ومابنكر اني طلعت عليها اشاعات مو منيحة وخليت بنت مو منيحة تستخدم هويتها عأساس انها هيا وهيك بكون انتقمت منها وسخت سمعتها والباقي انت بتعرفو هي اشتكت علي وماسكتت وانا هلأ ندمان😔 محمد. خدوه ل هالكلب😏 طبعا اسماء كانت متخبية ورا الباب وعم تتفرج ع محمد كيف ضربو بقوة وخافت منو ع قد ماكان عصبي اسماء عم تفكر مو معقول اديش قلبو قاسي كيف بدي ابقى معو هون اففف ياه احترقت من الشمس حم كتير احسن شي قلو انو عندي قرايب وبدي روح لعندهن 🤔 قطع عليها تفكيرها محمد وناداها اسماء .. اسماء اسماء. نعم محمد. تعي اقعدي هون جوا حم كتير اسماء. لا معليش رح ظل بالغرفة محمد. شبك خايفة كان باين عليها الخوف قام محمد لعندها وقلا شبكي ليش خايفة مسك ايدها وقعدها ع الكرسي مقابل مكتبو كانت كتير متوترة ومتلبكة محمد. ع فكرة انا ماباكل حدا😊 اتطلعت فيه وابتسمت ابتسامة صغيرة بعد 3 ساعات خلص محمد شغلو محمد. بما انو هلأ ماعليي شي شو رأيك تحكيلي قصتك بالتفصيل اسماء. شو بدي احكي محمد. هههه طيب ولا يهمك رح احكيلك ليش انتي هون اسماء. ليش محمد. لانو انتي ... وقطع حديثهم دخول العسكري العسكري. سيدي اتصل المحامي الي موكلو رياض وقال لازم يقابلك ضروري وقال الامر مهم كتير وانت بتعرف شو ممكن يصير اذا مارحت صار محمد يفكر وين رح تبقى اسماء وكيف رح يأمن عليها والفايت فايت ع المكتب والطالع طالع والدنيا المسا محمد. اسماء انا طالع نص ساعة عندي شغل ومابتأخر اسماء. وانا بروح معك لأن ماببقى هون لحالي محمد. كيف بدك تروحي معي وانا رايح بشغل اكيد سمعتي بأدنك انا رايح قابل المحامي مابتأخر خافت كتير ماعرفت شو تعمل كيف بدها تبقى لوحدها اسماء. الله يخليك والله بخاف ظل لحالي محمد. مين قلك انو لحالك شوفي كم واحد واقف برا ماحدا بيسترجي يقرب منك وهني موجودين يلا انا رايح راحت لعندو ومسكت ايدو وقالتلو وين مابتروح بروح معك😢 محمد. لا اله الا الله ع هالعلقة اسماء. الله يخليك محمد. انتي الي الله يخليكي عم قلك مابقدر اخدك معي خلص افهمي رح تظلي هون اسماء. طيب ليش😭 محمد. لأنو الي رايح شوفو ابن حرام ومابخاف الله مابدي يشوفك يعني اذا بتظلي هون ارحملك ترك ايدها ومشي وهي صارت تبكي وصل محمد ع المكان الي متواعدين فيه محمد. السلام عليكم المحامي. اهلا .. اهلا محمد نورت .. طمني عنك محمد. الحمدلله .. ياريت تحكي شو عندك بسرعة لأني مستعجل طبعا المحامي من قرايب رياض وكانو اخوة رياض مهددين محمد بالقتل اذا ماطالع رياض ومع هيك اجا ع الموعد المحامي. اي ماقلتلي كيفو رياض محمد. منيح بيستناك تدافع عنو 😏 المحامي. اهااا ، شوف يااا محمد رياض بريئ وانت رح تطالعو محمد. واذا ماطالعتو المحامي. خلي القصة تنحل بلا مشاكل انت بتعرف انو رياض عندو 4 اخوة وبكسرو اكبر رأس لهيك طلاع منها وخليك براني وماتكبر القصة لفلفها ومابنقصر معك محمد. يعني هاد تهديد🤔 المحامي. اي تهديد بس مو مني من أخوة رياض محمد:أها في المكتب اسماء. ياربي والله مليت صرلو ساعتين وعأساس مايتأخر احسن شي دور ع الرسالة الي بعتولو ياها مشاني واقرئها وبالغلط اسماء فتحت الرسالة الي كانو باعتينها اخوة رياض لمحمد وكان مكتوب فيها اذا مابيطلع رياض براءة رح نطلع بروحك تذكرت اسماء انو العسكري قال عندك موعد مع محامي رياض اسماء. مو معقول اذا هالحكي صحيح كيف هيك مهددينو بالقتل ولسا عم يقابلهم كيف هيك بخاطر بحياتو انا لازم احكي معو هلأ طلعت لعند العسكري وقالتلو انا بدي احكي مع محمد هلأ العسكري. قصدك الظابط محمد اسماء. اي العسكري. اذا بدك شي قوليلي انا بجبلك اياه اسماء. لا بدي احكي معو هوا اتصلي عليه العسكري. طيب رح اتصل .. الو سيدي البنت الي تركتا بالمكتب عم تقول بدها تحكي معك محمد. اي اسماء شو بدك قوليلي في شي اسماء. لا محمد. لكن ليش بدك ياني اسماء. انا قرأت الرسالة الي كانت بالدرج بمكتبك محمد. اه الي بعتوها الصبح اي شبها اسماء. لا مو هيا قرأت الي مهددينك فيها بالقتل محمد. شوو لك انتي ليش فتحتيها مين سمحلك 😒 اسمعي ماتحكي هالشي قدام حدا انتبهي ها اسماء. طيب تعال هلأ محمد. مابقدر هلأ بدي نص ساعة اسماء. عم قلك تعال هلأ والا بخبر الكل هون محمد. لا لا .. لا تخبري حدا هلأ جايي شوي وبكون عندك اسماء. اي باي محمد خلص حديثو مع المحامي وقلو المحامي انا حذرتك ومحمد ما اهتم للتهديدات وقلو الي بيطلع بأيدكم اعملوه طلع محمد بطريقو ع المكتب بس وصل ع المكتب وشاف اسماء وحاكاها محمد معصب. مين سمحلك تقربي ع الرسائل اصلا ليش هيك عملتي😒 وبتتصلي تهدديني اما بترجع او بخبر الكل اسماء. انا كنت😔 محمد. كنتي شو .. انتي بتعرفي انك نزعتي علي شغلي ومانك مهتمة اسماء. انت رحت وهنن مهددينك بالقتل وباعتينلك رسائل محمد بعصبية. هادا شغل وانتي ماتتدخلي فيه مو يعني اذا رح تبقي هون كم يوم رح تسببيلي مشاكل مابقى تعيدي هاد الشي الي عملتيه فهمتي ومشان يخوفها قلا انتي بتعرفي لو مراقبين الخط وسمعو مكالمتك والله ليقتلوكي اسماء تبكي. انا اسفة والله ماكان قصدي بس لما شفت الرسالة خفت عليك انت قلت انو الي رايح تشوفو مو منيح😭 محمد. اي واذا هاد مو شغل بعد مرور عشر دقائق اسماء لسا عم تبكي ومحمد لسا معصب منها بس تقطع قلبو عليها لانو بيعرف انها كانت خايفة عليه مو اكتر محمد. اسماء .. اسماء خلص لا تبكي انا اسف .. اسف اني عصبت عليكي اسماء. انا الي اسفة وبعتذر منك والله ماكان قصدي شي محمد. ولا يهمك .. اتطلع فيها وابتسم وقلا يلا بكفي بكي وهي اتطلعت فيه وابتسمت 😊 محمد عم يتطلع بالساعة .. اففف وبعدين مع هالحالة لسا الساعة ماصارت 10 ايمتى بدو يمضى الليل اسماء شاردة ومانها بهي الدنيا ، افكار تاخدها وافكار تجيبها انو شو رح يصير فيها وكيف مستقبلها رح يكون بدون اهلها محمد تذكر انو اسماء لساتها بلا اكل من وقت الي اجت محمد. الو .. ليك جيبلي عشا هلأ ع المكتب لا تتأخر وصل الاكل ومحمد قلا لأسماء تاكل بس ما الها نفس محمد. اسماء يلا كلي لساتك بلا اكل اسماء. مابدي مو جايي ع بالي محمد. لك يلا بلا دلال 😒 اسماء. طيب اكلت لقمتين وقامت محمد. لك ليش ما اكلتي اسماء. لا شبعت الحمدلله محمد. طيب براحتك حتى محمد ما اكل وطلب قهوة وهوا عم يشرب حاسس انو اسماء بدها تحكي شي وكان ناطرها لتحكي اسماء. يعني ماقلتلي ليش رح ابقى هون ولأيمتى محمد. شو خطر ع بالك هلأ تسألي اسماء. لا ولشي بس حابة اعرف محمد. هي الرسالة من المدير وطالب فيها انو تبقي كم يوم وانو انتبه عليكي وشارحلي قصتك وشو صار معك وموصيني فيكي بس هيك ... ارتحتي هلأ اسماء. طيب وبعدين شو رح يصير فيني و وين رح روح محمد. ماااابعرف ماعندي فكرة سكتو لتنين وظلو يتطلعو ببعض من الملل وبعدين محمد راح وقعد جنب اسماء تفاجئت وماعرفت شو السبب فتح موبايلو وقلا شو رأيك ورجيكي صور اهلي اسماء. متل مابدك فتح الصور وأول ماطلع صورة امو محمد. هي امي اسماء سكتت شوي وقالت. الله يخليلك اياها محمد بنفسو يا الله لك اهلا متوفين وعم ورجيا صور اهلي كيف هيك🙄 محمد. اسف اذا دايئتك اسماء. لا ابدا ولا يهمك .. يلا كمل محمد. اي وهي اختي الكبيرة اسما وعد .. وهي الاصغر منا اسما هيفاء اكبر مني تزوجت وسافرت .. وهي هناء مخطوبة وعرسها بعد فترة .. والشباب هاد مؤيد الكبير وهاد الأصغر اسمو مهند .. وهاد عادل اكبر مني بسنة اسماء. ليش انت كم عمرك محمد 26 اسماء. العمر كلو محمد. يسلم عمرك محمد وبعد تفكير طويل محمد. اسماء اسمعيني انتي ما الك مكان تروحي عليه ومابتعرفي حدا والمدير قالي خليكي كم يوم هون وبعدا حطك عند عيلة يعني تعيشي عندهن وانا من وقتا مو عارف شو اعمل ابدا لهيك ماطلع ببالي الا شي واحد انا رح بقلك عليه وانتي فكري ع مهلك اسماء. شو هوا .. وانت ماقلتلي هالحكي محمد. وهي هلأ قلتلك .. رح باخدك لعند اهلي بكرا وبتتعرفي عليهن واكيد رح تحبيهن ويحبوكي وبالأخص امي اسماء. كيف بدي روح لعندهن وانا مابعرفهن ولا بيعرفوني .. بصفتي شو .. وصارت تبكي😭 محمد. هلأ مو وقت البكي .. فكري منيح مو حابب انك تبقي هون بعد يومين رح يسألوني وين وديتك واذا عرفو انك لساتك هون رح ياخدوكي ومابعرف لوين اسماء تبكي. لك كيف بدي روح لعند اهلك شو بدي قلن😭 محمد. مابدها كل هالقد القصة بسيطة انا رح كون معك وامي رح تعاملك كتير منيح ولا تخافي اخواتي الشباب مو بالبيت كل واحد طالع بمهمة وبدن شهور ليرجعو يعني مافي بالبيت الا امي واختي الصغيرة ومرت اخي و و .. فكر محمد منيح قبل مايقول مين في كمان .. ف قرر انو مايقول محمد. بكرا بتشوفي رح يحبوكي اسماء. طيب متل مابدك😢 محمد. مو متل مابدي .. متل مابدك انتي .. شو موافقة ؟ اسماء. اي محمد. طيب لكن يلا قومي نامي بالغرفة وهلأ بجبلك مروحة لأن بكرا طالعين بكير نامي بكير اسماء. مابدي نام الغرفة بتخوف كتير مارح نام محمد. لك لا تخافي مافيها شي الا كم صرصور مابخوفو اسماء. شووو والله مارح بنام فيها 😲 محمد. ههههههههه مافيها شي والله بمزح معك يلا قومي اسماء. طيب تصبح ع خير محمد. وانتي بخير محمد مانام ظل طول الليل يفكر واوقات يلعب بموبايلو واوقات يحاكي حالو حاسس بشي غريب احساس اول مرة بحسو شي جديد دخل ع حياتو وبنفس الوقت مخربط كتير مو عارف شو يعمل محمد. لنام احسن شي سكر تلفونو ونام وغرء بالأحلام وهيك مرق اول يوم تاني يوم فاقت اسماء ودخلت ع الحمام غسلت وجها وبلت شعرها الي كان منكوش وطلعت لقت محمد ناطرها محمد. صباح الخير.. يلا انتي جاهزة اسماء. صباح النور.. هلأ رايحين ؟ محمد. اي اذا جاهزة خلينا نمشي طلعو بالسيارة وكل واحد فيهن عم يفكر كيف رح يكون اللقاء وماحكو ولا كلمة لحد ما وصلو ع البيت نزلو من السيارة وشافت اسماء البيت ترددت كتير ومابدها تفوت مسكها محمد من ايدها ومشيو بأتجاه باب البيت دق باب البيت ام مؤيد وكنتها نسرين عم يشربو القهوة قامت نسرين لتفتح باب البيت فتحت الباب وطلع محمد بوجها نسرين بأستغراب. محمد !!! محمد. اي محمد🙄 نسرين. اهلا وسهلا بس تفاجئت بشوفتك تفضلو نور البيت ام مؤيد. مين عالباب يا نسرين نسرين. حماتي هاد سلفي محمد ومعو ضيوف دخلو ع الصالون ام مؤيد. يا ميت اهلا وسهلا اشتقتلك يا امي والله طولت الغيبة .. ليش ماخبرتنا انك جايي محمد. كيفك طمنيني عنك ام مؤيد. الحمدلله كيفك انت يا غالي نسرين. مين هالحلوة الي معك ماعرفتنا عليها😍 محمد وهوا عم يتطلع بأسماء .. هي اسماء .. محمد غمز نسرين وقلا خديها نسرين معك ورجيها البيت 😉 نسرين. طيب تعي اسماء معي .. ماشاء الله عليكي متل القمر اسماء وهيا تطلع ب محمد مابدها تتركو بس انجبرت ام مؤيد. مين هالبنت وشو قصتها وليش جايبها معك وليش.. قطع حديثها محمد وقاللها هي البنت توفو اهلها بحادث سير وما الها حدا والمدير خلاها عندي بالمكتب عأساس تبقى كم يوم لحتة نعرف اذا حدا رح يسأل عنها ولحتى نعرف وين بدنا نوديها هي كل القصة وانا جبتا لهون مابدي تظل معي بالمكتب لأن ما بأمن عليها هنيك المشاكل كتيرة ام مؤيد. ياويل قلبي عليها الله يعينها ويصبرها ع فراق اهلها والله لساتها صغيرة رح حطها بعيوني وخلص صارت من مسؤليتي وامانة عندي وسعرها بسعر خواتك محمد. الله يخليلي ياكي شو حنونة وقلبك طيب في غرفة نسرين نسرين. اسماء كم عمرك اسماء. 14 نسرين. اه والله .. العمر كلو اسماء. تسلمي قطع حديثهن دخول محمد محمد. شو بتعملو نسرين. ولشي عم نحكي محمد. اي امي بدها ياكي نسرين. يلا رايحة محمد. نسرين هيا مرت اخي عادل الي حكيتلك عنو اكبر مني بسنة اسماء. ايوا في الصالون ام مؤيد حكت لنسرين قصة اسماء ام مؤيد. والله يا نسرين هي كل القصة نسرين. ياحراااام والله قطعتلي قلبي عنجد مابتستاهل شو ذنبها تعيش وحيدة بس هي ارادة الله منيح انو محمد جابها لعنا .. حماتي قوليلو لمحمد خليه يخليها عنا وما ياخدها ع مكان تاني نحنى بنهتم فيها ام مؤيد. اي ليش لا والله البنت فورا فاتت لقلبي .. لنشوف شو الله بيسر في غرفة نسرين محمد. طب يلا نطلع لعند امي ونسرين اسماء. انت رح تبقى معي هون ولا رح تروح محمد. انتي شو حابة ؟ اسماء. خليك لا تروح محمد. مارح روح يلا نطلع اسماء. يلا الكل قعدو بالصالة وفجأة بتطلع وحدة من الغرفة التانية شعرا منكوش شكلا بخوف سمينة مابتنهضم ابدا وهلأ فايقة من النوم مريم. هااا هي محمد هون .. خير يا طير شو سر هالزيارة 😏 ومين هي الشرنة الي معك بالله ؟ شبكن ماتحكو نسرين. هي بنت اجت مع محمد مريم. اي شبها ليش جاية محمد. لا تبلشي بالنكد وبأسئلتك كالعادة لسا هلأ وصلت خلينا رايقين الله يخليكي مريم. بالله شو .. انت اهم شي خليك رايق ام مؤيد. لك خلص انتي وياه شو اجاكن .. تعي لهون مريم هلأ بحكيلك مين هي مريم. شو بدك تحكيلي مبينة الطيور على اشكالها تقع مابعرف من وين بجيب هالأشكال😏 محمد. لك مريم مشااااان الله بس اليوم لا تنكدي علي واعتبريني مو موجود مريم. انا مابنكد عليك انت بتنكد ع حالك لانو نحنى ناقصنا هيك اشكال محمد. خلص مريم اخرسي والله مو متحمل كلمة منك اخرسي وانقلعي ع الغرفة مريم. اي رايحة 😒 اسماء قاعدة بجنب محمد وسألتو مين هي وليش هيك عم تحكي محمد. هي *الـــــــــ͢ـོ͓ـــنهـــــــايـــــــོـ͓ـــ͢ــة* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```