*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *قلبي عليك❤️🥺* *❴🔢❵☟الـــبـــــــــــ❴2️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ كنت معكرة لدرجه راح ليراضيها اصلن ما رجع للبيت قضيت يومي بس عم افتل من المطبخ لغرفتي لشباك غرفتي الي بيطل على مصفط سيارتو ما بين مليت عنجد حضرت المسلسل لحالي بدون نفس وهيك انقضى يومي لا شفتو ولا حكيتو ولا حتى اطلعت من البيت معقول راح ليراضيها سهر معها يمكن او معزوم عندها او هي عندو وعم يتغزلو ببعض البيت بدونو بشع وبالليل متت رعبة صوت الهواى برا والشجر حسسني اني بفيلم رعب غمضت وحطيت راسي تخت لمخدة كنت عم ارجف مع الذكرى الي عم اتذكرها هلأ وانا عم اتراجاه ل جميل يبعد عني وما يقرب مني الا لنتزوج كان مو طبيعي وحش عنجد ما حكى معي ابدن وضل ساكت وبعيونو الي صارو بلون الدم عم يطلع فيني بغضب وفوق كل هاد رماني برات الشقه بعد ما حطمني 😭😭 تاني يوم ما اقدرت اتحرك من مكاني ما الي نفس وازا ما بيرجع جواد راح اترك كلشي وفل من البيت احسن ما اتعزب وانا عم شوف جواد كيف رومنسي وحباب مع ميسا ليش ما حبيت رجال متلو يركض ورا رضاي هههه هاد مو بس بيركض بيموت ازا بيزعلها ... خليني دور ع جميل على بكير معقول جواد لانو بيعرف شو صاير فيني ما بيقبل يطلع فيني باعجاب ليش راكضه وراه انا ....يعجب ولا بكيفو الاهم انا معجبة فيه تجلست شوي شوي وتوجهت للمرايا اطلعت ب وشي كتير متغيرة بس لساتني اروى القديمه عبالي اتغير بس لا شو يعني اصبغ شعري اصلن جواد بيحب الشعر الاسود وحواجبي ما بدهن نتف ابدن زابطين ورموشي حلوين وبلا مسكارا وبشرتي بيضه وعيوني خضر ماني قصيرة طولي وسط وجسمي كتير متناسق خلص لازم بلش الفتلو نظرو يعني غير كل هالاواعي والبس شي جديد بس ما معي مصاري وبخجل اطلب منو صار لازم اعتمد على حالي واشتغل لو براتب بسيط يعنني لايمتى بدي ضل عندو للافندي كنت متوقعه انو يوصل باي وقت بس ما وصل دخلت للمطبخ وما اقدرت ادقر اي شي قعدت بالصاله وع الفاضي مافي شي اتسلا فيه ابدن صحيح كان يطلع كل شوي بس كان يسليني نص لنهار يلا بيرجع الله كريم وراح اطلب منو يدورلي على شغل وبعدها بيعرف انو ناقصني مصاري وبيعطيني من حالو بعرفو بيلقطها ع الطاير تحممت والبست بنطلون جينز فاتح وبلوزة صوف لتحت الركبة لونها اخضر ربطت شعري ورطبت وشي وطلعت وانا حاملة جراباتي بايدي لالبسهن وانا اتفرج ع المسلسل على صوت فتحه الباب ما اهتميت 😭😭مشتاقيتلو والله كتيير وينك عني ازا بطلع فيه يمكن ابكي لهيك ما اهتميت سمعت صوت نفسو دخل للصاله حطيت رجلي ع الطاولة ولبست اول فردة جواد:كيفك رور اروى:اهلا ابو جوج جواد:شو بردانه اروى:ههه لاني تحممت جواد:اي نعيمن نزلت رجليي واطلعت ب التلفزيون بدون اهتمام فيه جواد:شو تغديتي اروى:اي جواد:شو طبختي اروى:مشيت حالي ب سندويشه لبنه جواد:كان بدي اعزمك ع عشى اروى:لا طلع المسلسل جواد:ع راحتك دخل لغرفتو لمحتو وهو داخل ورجع لعندي بعد ما بدل تيابو كنت حكيتلو ما اكلت خليني انعزم منو على عشى مدلل يلا بدل تيابو وولا يمكن لسى يتحرك قعد ليتابع معي عندي أسئلة كتيرة وطلبات بدي ادلل عليه 🤣 اروى:شو وين ما طليت ولا سالت عني ما كان لازم هيك احكيه بس لساني بيكرج لحالو حكي حيلا اطلعت فيه اطلع فيني عيوني بلشو يحكو لعيونو اني اشتقتلو وضعت بدونو كانو حس على نظراتي وابتسملي جواد:ما سالت عنك ههه ليش لاسال شو صاير عليكي اروى:بعرف بس فكرت صايرلك شي وحبيت اطمن عنك بس ما عرفت كيف لمحتلو انو بدي تلفون 😅🤣بدي صير اشتغل ع الاشارة هههه اشحد مو بيع علكه جواد:وهي اطمنتي اروى:وين كنت جواد:هي اول سؤال اروى:ههه جواد:اكتبيهن ع ورقه وانا بحل الاسئلة ولي على قلبي 🤣النكته بتطلع منو غير شكل اروى:بلا وين كنت جواد:هههه عزمت ميسا وميسا عزمتني 😤😤يلعنك ويلعنها بلعنه وحدة اروى:امممم وبس جواد:اي بس اروى:وين نمت جواد:عند اهلي يا مخلوقه اروى:اي طول بالك عليي ليش عصبت جواد:ما عصبت وين الناس بتنام اروى:ع التخت جواد:🤣اخ على حظك يا جواد اروى:شبو حظك خطيبة بتجنن واهل ولا احلى جواد:وانتي ولا اروع من هيك اروى:تسلم خجلتني جواد:ههه اروى طلعي من راسي اروى:ليش ....طيب انا بدي ناقشك لموضوع جواد:شو اروى:انو صير اشتغل جواد:مين ماسكك اروى:لا ولا حدا بس قلت دورلي على شغل انت جواد:هه انا..بشركة بابا يعني اروى:اي منيح جواد:شو معك شهادات اروى:شهادات:!!حسن سلوك....لا حتى هي ما عندي ..شهادة وفاه بتنفع جواد:بقصد شهادة دارسه اروى:اه....انا للرابع واصله يعني بس مو عندي ببيت اهلي شهادتي جواد:ياربي دخيلك 🤣معك رابع...رابع شو اروى:رابع ابتدائي جواد:ههه لك هلا الزبال بتعرفيه بدو شهادة بكلوريا اروى:والله؟! ما بيطلعلي اشتغل يعني جواد:قهوة وشاي بنفع اروى:بس وغيرو جواد:... اروى:انا بدي طالع مصاري عرفت ...يعني حابة دلل حالي جواد:خدي هي مصاري اروى:لا لا فهمتني غلط...انا ما بدي منك والله بس بقصد لاعتمد على حالي جواد: ليكون قصرت معك بشي اروى:لا ابدن ...بس يعني انت بكرى راح تتزوج وانا ما بقدر ضل هون صح وقبل تتجوز لازم دورلي على شغله استاجر بيت جواد:هههه وين بدك تستاجري اروى:هون جواد:ع اساس لبيوت بتستناكي اول شي مافي تاخدي شقه مستقله يمكن تقدري تاخدي شقه مشتركه ما راح ترتاحي ساعتها ويمكن يصيبك شي اصعب من الي صابك اروى:لايمتى يعني جواد:هلاانا صرت متجوز وخايفه ارميكي برا اروى:مو بس هيك جواد:شوفي اروى:خلص ولا شي راح علينا نص المسلسل جواد:بشو عم تفكري عادي احكيلي لا تخجلي اروى:هيك حابة انو اشتغل مو بشركه يعني بمحل البسه جواد:بتعرفي تحسبي اروى:بعرف جواد:يعني حافظه جدول الضرب اروى:ضروري جواد:اي لكن كيف بدك تحسبي وتحاسبي اروى:طيب بتعلمو ريح انا بعرف جدول الواحد ولتنين والعشرة جواد:ههه امانه اروى:ههه والله جواد:طيب ماشي وشو كمان اروى:عم تتمسخر جواد:لاقيلك شغله تانيه اروى:بمطعم جرسونه جواد:وشو في كمان اروى:بربي قالبني مسخرة ابوك انت جواد:لا والله شو كمان بدك تشتغلي اروى:اي شي طالع منو مصاري جواد:طيب خلص بس ما بوعدك اروى:حاول انت جواد:ما قلتيلي اروى عن شو جواد:ليش بدك تشتغلي معتازة مصاري يعني اروى:اي لا...قصدي بدي اتسلا جواد:اطلبي مني ما بزعل اروى:لك والله ما قصدت اشحد والله جواد:بتسميها شحادة هي...مو من اول يوم حكيتلك اطلبي وكاني اخوكي اروى:... جواد:يعني انا لو مو معتبرك اختي بحويكي عندي ....انتي مقامك بمقام اختي جمانه اروى:الله يجبر خاطرك كان ناقص بس هالكلمه لتزيد حرقه قلبي انا ما بشوفك اخ...اي معجبة فيك وبشخصيتك كتييرر وبطيبة قلبك كمان اروى:يعني ازا بطلب منك عادي جواد:اي ادللي انتي اروى:😍😍بدي اشتري اواعي جديدة جواد:اي ليش لا يلا قومي اروى:لا مو اليوم بكرى جواد:بكرى عندي شغل اروى:بروح لحالي جواد:ليش اروى:هاد المحل قريب حواد:بضاعتو كتير عادية اروى:حابة روح لحالي جواد:بوصلك ما بنزل معك اروى:ايمتى جواد:مو بكرى اروى:شو عندك جواد:شغله ما راح اقدر خلص ....بعد بكرى اروى:على راحتك خلص سكتنا سوى شي ربع ساعه اخ شو بدي احكيلك لاحكي اروى:يعني مع ميسا مشوارك بكرى جواد:لا اروى:بكرة بتجن هي جواد:لا بتعرف لوين رايح اروى:لوين رايح جواد:هههه ميسا بتطلع نقطه ببحر أسئلتك اروى:من الملل والله...يعني طالع برا البلد جواد:هيك شي اروى:احكيلي امانه جواد:رايح زور شخص عزيز عليي مرضان اروى:ييي سلامتو جواد:ارتحتي هلا اروى:هههه اي والله ارتحت من هلا عم فكر كيف بدي اقضي نهاري بدونو اروى:بترجع بنفس اليوم جواد:بدي نام عندو اروى:بتعرف انا كتير نعسانه ..وجوعانه جواد:هههه هيك الناس بتحكي اروى:كيف لكن جواد:احكي جوعانه بعدين انعسي اروى:ههه يلا تصبح على خير جواد:بدك تنامي جوعانه اروى:احسن دايت قاسي جواد:اطلبلك شي اروى:لا عنجد بدي نام خفيفه باي جواد:باي رجعت لغرفتي راسي عم يوجعني قال بدك مصاري هي مصاري...شو مفكرني ولا لسى ما فهمت عليه وقت سكت لاني حكيتلو بدي اشتغل شغله طالع مصاري منها....حسيتو بدو يفرط ضحك عليي وقلبني مسخرة الي خلفو لازم ما طلبت منو اواعي بمشي حالي فيهن بكرى بدي انزل دور على شغل وبنفس الوقت ما بدي هين حالي لهاد وهاد وجواد معتبرني اختو يا الله شو كزاب اصلن بيكزب كتير هو ليش يعني اختو بيقبل على اختو وضع متل وضعي تسكن مع شب غريب ولحالهن بس هو بيعرف حالو ما بيغلط عليي ولا بيفكر فيني هيك وهيك ملتزم كتير 😂احلى شي وقت دوقني الكيكه من الشوكه الي بياكل منها 🤣وما تردد واكل من شوكتي والله راح جن من معاملتو اللطيفه معي ومو بس هيك لانو بكرى راح ينام عند رفيقو 😭😭 ... تاني يوم كان بشع لدرجه اطلعت من البيت اتمشى بعد ما افطرت وقعدت بالحديقه القريبه شم هوى وغير جو كنت كل ما شوف شب اشقر ضل عم راقبو هيك لحتى اتاكد مو هو كنت جدبة هههه متخيلة يكون قريب عيوني ما كانت تفارق الشباب والصبايا وكنت كل ما شوف شب حلو وحدو بنت عادية احكي بحالي ليش بحبها طبعن بعرف انو الحب مبني ع الاهتمام والثقه ومو ضروري يكون الشخص حلو لنحبو وشفت شبين وبنتين قاعدين ع العشب وعم يشربو عصير ودخان شباب وصبايا يعني هاد اسمو تحرر ولا قلة حيا بالاخص السيكارة للبنت وبالكافيه بشوف البنات عم تاركل وين اهاليهن عنهن ...وانا وين اهلي عني ...يشوفو وحيدتهن شو عملت بحالها نهايتي القتل اول ما يلمحوني اخواتي دغري شخت حطيت ايدي على رقبتي وغص قلبي ....وطيت روسكن ريتني متت ولا هربت كان القبر سترني وقفت وحطيت ايدي بجيبه الجاكيت وبلشت بمشي بطيء قضيت نهاري برا البيت وقبل لغروب وصلت شغلت الاضوية والتلفزيون البست بيجامه ورجعت اتسلا غافلني الوقت ونعست فجاة وقت ادفيت وغفيت كمان بس ارتعبت من صوت دقه الباب صرت ارجف بعدها وقفت ورحت للباب صوت الدقات متتاليه دخلت لغرفتي شوي شوي وفتحت الشباك وشفت سيارة ميسا ولي على هالعلقه رجعت طفيت التلفزيون والضو بالصاله ورجعت طليت عليها عم تتصل وتهز برجلها وبعدها طلعت بسيارتها وراحت معاد قدرت اتحرك من غرفتي قفلتها على حالي وغفيت مو مسدءة ايمتى يرجع لاحكيلو لياخد احطياتو منها بكرى بتزعل وبتحرد 🤣عقبال ما يتركها كمان شو لئيمه يااروى .... .... من الصبح عم اختار اواعي لانزل معو واشتري شي جديد حاطه ببالي جيب اواعي مميزة البست بلوزة خمريه لفوق الركبه بشوي وبنطلون اسود وبوط ابيض وجاكيتي الشتوي الاسود وضليت بالصاله انطرو بعد الظهر لرجع وقت اسمعت صوت السيارة شلحت الجاكيت لحتى ما يضحك عليي ومسكت الريموت ع اساس عم اتسلى واطلعت عليه وقت دخل واجى لعندي جواد:هاي اروى:اهلا جواد:شو وين كاينه اروى:هون جواد:اي فكرت اروى:قبل انسى....اجت مبارح ميسا لهون ع البيت جواد:انشالله فتحتيلها اروى:لااا شو افتحلها ما رديت ولا فتحت جواد:اي ساعه اروى:تسعه او اكتر بشوي دقت الباب وخبطت اخر شي برجلها وكانت ماسكه موبايلها وعلى ما اظن عصبت جواد:مع انها بتعرف انا برا البيت اروى:احكيلك شغله ما بتزعل جواد:شو اروى:يمكن لانو الضو شاعل والتلفزيون صوتو عالي شوي جواد:عنجد..الله يصلحك اروى:والله الاغنيه كانت حلوة وما قدرت اتسمع عليها الا بصوت عالي وبعدها اغفيت جواد:كمان اروى:اي جواد:لكن انا رايح لعندا اروى:وانا جواد:شو انتي اروى:... جواد:بدك شي اروى:لا ولاشي خلص طلع دغري وضرب الباب وراه 😫راح المشوار عليي يا ربي دخيلك ليش حكيتلو انا ليش ما رجع كمان كل لنهار قضيت الليلة دموعي عم يسيلو على مخدتي بدي اطلع مشوار وبدي اشتري اواعي وكمان اشتقتلو...ما شفتو الا خمس دقايق دوبو هدا وراح ونسيني ...نسي شو بدي منو...ما اعطاني مصاري دبر حالي فيهن بدي اتواصل معو شو عم يعمل نايم ولا صالحها شو بررلها شو حكالها كيف صالحها...اكيد باسها وهي دغري رضيت بلشت غني بقلبي _...كلما اضوي بظلمتي شمعه امل ترجع شموعي تنطفي ....تنطفي كلما اخلي بسمتي بوجه الزمن تظهر البسمه وتختفي تختفي بين الهدب دمعه بين الهدب دمعه بيها جروحي وعبرتي ...بيها جروحي وعبرتي دمعه بعيني حايره ماتدري وين تطيح صارت وعود الناس ريشه بمهاب الريح من وين الاكيها ...من وين الاكيها تجريح في تجريح ....تجريح في تجريح ليلي انا يمر بحزن شك والم وظنون حته المرايا بغرفتي تكذب علي وتخون عمري كضيته بندم ...عمري كضيته ندم طير بقفص مسجون...طير بقفص مسجون💔😭 ....... صحيت متكسرة وعم اسعل حردت انا عنجد مين بدو يعبرك لك اروى فكرك جواد يراضيكي ببوسة 😂انا اختو عادي شو ما بيبوس جمانه تجلست بصعوبة سندت ظهري وحطيت وراي مخدة وتغطيت اكتر كنت عم اتزكر مبارح تخيلت اقضي نهار حلو معو... لازم اكسب منو قبل يتجوزها وينساني لدرجه بحبها تركني وراح كسرلي خاطري المكسور ازا ما بييجي اليوم راح اترك البيت اسمعت صوت الباب عم يفتح وارتحت كتير زبطت شعراتي لانو ما بدي رد عليه خليه يفوت يشوفني كيف مرضانه بعد خمس دقايق لدق الباب اروى:فوت فتح الباب شوي شوي واستغرب جواد:من زمان صحيتي اروى:من شوي جواد:فطرتي اروى:لا ابدن جواد:بدي خبرك انو جاي صاحبي اليوم لعندي اروى:اي يعني روح انا جواد:وين بدك تروحي اروى:لكن ليش بتخبرني جواد:لحتى تلتزمي الغرفه وما تطلعي ابدن اروى:وبيطول عندك جواد:هههه سكر الباب وراح لعمى مو مبين انو تعبانه ومريضه فزيت للمرايا يمكن ما لاحظ لازم سعلت قدامو طلعت اتفاهم معو كان عم يغسل وشو والحمام مفتوح كنت عم اتاملو اروى:ايمتى جاي جواد:ع الطريق اروى :روح انا مشوار جواد:روحي اروى .... جواد:شو ناطرة اروى:ايمتى ارجع جواد:ما بعرف ليش بدك تروحي خلص خليكي بالغرفه اروى:وازا طول جواد:لا ما بيطول معزومين ع السهرة نحن اروى:كمان....وين جواد:ههه ميسا خانم ما دخلك اروى:ههع الله يسامحك ...بربك وين كان عم يمسح وشو وضربني على راسي ع الخفيف باصبعتو جواد:حشريتك بطليها اروى:وين جواد:معزومين ع سهرة اروى:بس وين فهمت سهرة جواد:ما اتفقنا والله اروى:يعني مو راجع للبيت جواد:لايمكن ارجع اروى:لاترجع جواد:ليش اروى:مرتاحه بدونك اخدت راحتي جواد:هههه اروى:انت افطرت جواد:اي من زمان اروى: تصالحتو جواد:ههه اعمليلي قهوة اروى بس جاوبني تصالحتو جواد:خهه فات وسكر غرفتو شو بتقهرني هالحركه يطنشني عملت القهوة وقعدت انطرو ليرجع قعد قبالي اروى:شو اسم رفيقك جواد:جميل اروى:عنجد جواد:هههه بتمسخر عليكي دمعو عيوني منو بس تماسكت وسكرت تمي جواد:اسمو عمر اروى:.. جواد:.. بلشت اسعل حسيت بضيق من وراه جواد:سلامتك اروى:تسلم جواد:اروى اروى:شو جواد:زعلتي صح اروى:لا جواد:بمزح معك...انتي كل ما سمعتي بحدا بعرفو بتضلي تحكيلي شو اسمو يعني من كل عقلك كل الي اسماءهن جميل هو اروى:... جواد:اعطيني مواصفاتو بدي جيبو لهون لعند رجلك راكع اروى:ليش جواد:لترتاحي اروى:ههه حدا حكالك انو بقدر واجهو ...بخاف جواد:لكن ليش بدك تشوفيه اروى:شبعرفني غباء جواد:شو شكلو اروى:اشقر بعيون زرق طويل وهيك متل جسمك جواد:شو عندو علامات مميزة بوشو اروى:مافي شي مميز ابدن جواد:الله ينتقم منو اروى :امين ياااارب كنت بدي احكيلو ما بدك تعطيني مصاري ....ما بدك تاخدني لنروح مشوار كنت عم جهز الكلام بس شفتو عم يتصل بحدا جواد:اي حبيبتي ميسا:بالبيت انت جواد:لا انا بمشوار ميسا:لوين جواد:رايح جيب عمر ميسا:اي كتير منيح جواد:بدنا نسهر الليلة اي حبيبتي ميسا:اكيد متحمسه جواد:وانا اكتر يا قلبي اسمعت صوت دقه الباب ودغري اشرلي روحي للغرفه ووقف ليفتح استناني لدخلت وفتحلو جواد:اهلا ابو عمير عمر:لك وينك يا زلم جواد:بالبيت عمر:لك مو هيك اتصلت فيك جواد:ههه فوت فوت عمر:شو نظافه ع غير العادة جواد:اي اسكت انت عمر:ليكون مصاحب بنات وعم تزبط جواد:شو هالحكي عمر:المشكلة دافنينو جواد:الله عليك شو بتحب تمزح عمر:مزح مين...دخلك صفاء وين صارت جواد ولك اسكت خلص عمر:بتضحك انت ليش اسكت...مو كزبت عليها انت جواد:لك هي ايام ولدنه هلا انا عقلت عمر:ههه عم تمثل ع ميسا مو عليي دافنينو سوى جواد:وجعتلي راسي عمر شو بتحب تشرب عمر:ليكون عندك حدا جواد:اوف.... كنت عم استغرب من حكي رفيقو الو ولااا جواد عم يبيعو ادب واخلاق هههه بيعرف اني سامعه كلشي عم يمثل ع ميسا هههه والله لبشارة ل عمر.... يمكن لحقو ع المطبخ واسمعت صوتو عمر:شو فنجانين قهوة مين كان عندك جواد:لحالي عمر:له يا ابو شريك عم تخبي عليي ....مو مشان شي لنسهر للصبح الليلة جواد:بدنا نسهر عمر:ايوا يعني واعدتلك كم بنت جواد:بدي اسهر معك ومع ميسا وبدي عرفك ع نسرين عمر:مين هي جواد:اخت ميسا عمر:يا حبيبي....ناقصني انا نفسيات مريضه جواد:ههه عمر:بربك كيف متحملها التصنع بدمها ماشي جواد:هههه عمر:عبرلي عن رايك فيهتا جواد:خطيبتي هي عمر:هه لك عمر انت سهرت يوم الخطبة عندي ههه شو نسيت بربك كم مرة كفرت يومها جواد:عمر سد حلقك خلص عمر:ليكون ميسا حاطيتلك كاميرا هون او تسجيل صوت وخايف جواد:.... عمر:اي حكيلي ليكون حبيتها بس ع فكرة لبسها كتير صايرر اوفر جواد هي حرة عمر:هههه قال حرة وليش انت رجال خوفها جواد:ههه عمر:جواد ليش مخريط هههه جواد:لعنت ابو جواد انت خلص عمر سكرلي اياه مشان الله عمر:ههه بسيطه لا تحكي بس راح اعرف جواد:هههه حكي عمر بيجنن بيفتح النفس فضحو قدامي خلال ثواني ههه ولا لسى جواد خايف وعنجد مخريط عمر:وهي نسرين متل ميسا ولا احلى جواد:احلى....لا مو احلى عمر:جواد عبالي اعرف جواد:الله يجيرني عمر:لعبت عليها وجبتها لهون جواد:لا لا ما قربت منها عمر:اي طبعن الخوف بيعمل اكتر من هيك جواد:ههه عمر:بس كيف صابر عليها جواد:عمر مشان الله خلص وطي صوتك عمر:لا وبدو يقنعني انو لحالو بالبيت جواد:.اوف منك حكيك كتران بتشرب عمر:ايه شو عليه يا جواد لا تحكيلي جواد:شو احكيلك عم:ر في حدا غيرك هون بالبيت جواد:ما راح تفهم عمر:راح فتش انا شكلو مسكو وبلش يترجاه جواد:خلص عمر بربك لا تخليني اندم عمر:مين عندك جواد:ولا حدا عمر:ههه اي منكمل لكن جواد:شو عمر:اي حكيلي اخر بنت جبتها لهون جواد:كل سيرتك بالنسوان خلص يا زلمه عمر:هههه متاكد عندك مراة هون جواد:اخ يلعنك ويلعني ويلعن كل النسوان عمر :ازا ما وقعت بينك وبين طولان ما بكون اسمي عمر جواد:هههه عمر:طيب الي عندك حلوة فرفورة جواد:... عمر:ههه بدي طالع روحك والله جواد:حرام عليك عمر ما عم تفهمني انت عمر:ههه اي ما فهمت خبرني بسد حلقي جواد:سدو مشان الله كركرت ضحك عليهن بدي شوف عمر اكيد حلو ومهيوب متل جواد ههه بيضحكو والله سكتو شوي وراحو للصاله عمر:قهوتك مو طيبه جواد:ههه عمر:يا ربي دخيلك قهرتني جواد:ليش عمر:مو انت جواد الي بعرفو والله متغير عاملتك حجاب ميسا جواد:هههه عمر:عيارك يومين ما رجعت طبيعي مرجعك للحشيش جواد:ههه جايب معك عمر:اي كم جواد عندي من النوع الفخم خليك تزهزه جواد:ههه عمر:وكاسه عرق وحرقها لعيون الصبايا جواد:بطلت المشروب انا عمر:له ليش جواد:ضربلي معدتي اخرسهرة اسعفوني بتعرف الوجع ما همني بس بهدلة بابا هههه عمر:بهدلك ليش مو هو بيسهر بالكبريه جواد:هههه من وين بتنكش الحكي انت عمر:ههه اي وارتحت بعد ما بطلتو....فكري ما بتتركو هيك جواد:شو اعمل حذرني من انو اشرب عمر:الدكتور اول مرة بسمع صوت ضحكه جواد هيك عاليه جواد:عهههه لك لا بابا عمر:اه....وامك جواد شو عملت فيك جواد:حرام ما زعلتني عمر:يا حرام...اصلن لولاها بتشحد جواد:اي والله لولاها ما معي الليرة عمر:ههه حليان يا زلمه شو بتاكل عسل جواد:ههه عمر:عسل مستورد باين مصاحب مزة حلوة جواد تصاحب قردة عمر:هههه جواد جواد:يلعن جواد وساعتو عمر:حلوة ساعتك من وين اما هالعمر نهفه حبيتو خلص معاد فيني لازم شوفو كيف عم يخجل جواد هههه ولي على قلبي عمر:اي شو بدك تغديني جواد:بدي طالعك مشوار عمر:ايوا هيك لكن جواد:عمر عمر:شو جواد:لا تلمح ل ميسا على شي عمر:ليش جواد:هي جانه هالفترة يعني ...كيف بدي أشرح لك اياها تهامسو معاد اعرفت اسمع شي عمر:جواد....من ايمتى هيك متغير جواد:والله هاد انا عمر:خلص بحاول اتفاداها بس ما بوعدك جواد:انت لا تلمح وخلص عمر:طيب ماشي..... ..... بعدها سكتو صوت غرفه جواد تسكرت وانا قفلت الغرفه على حالي واتمركزت ع الشباك لشوفهن هههه ما سدءت ايمتى طلعو وشفتو ل عمر هههه بطول جواد بس حالق كل شعراتو على نفس المستوى جواد كان لابس جينز وبلوزة سودة نص كم مفصله عضلات ايديه وحامل جاكيتو بايدو رماه ب السيارة من ورا وطلعو سوى بسيارة جواد وراحو اخ شو اكتشفت خلال ثواني نسونجي سكرجي محشش وعم يتظاهر بالاخلاق قدامي وفوق كل هاد ما بدو ميسا معقول كل هالحب والغيرة ما بحبها اووف هاد متل الحجر ما بيحكي معي بخصوصياتو بس لازم ادحش انفي اكتر وهو التزم بعد ما جابني ع البيت معقول لانو حكيتلو قصتي وانا عم ابكي تعاطف معي اكيد هالحنون بسيطه فيه ما رجع ع البيت ما حسيت على حالي الا وغفيانه بس صوت دقه باب غرفتي خلتني استوعب رحت اركض صوت الدقه خفيفه بصوت واطي حكيت اروى:مين جواد:افتحيلي اطلعت ب الساعه كانت تلات بعد نص ليل شو جاي يعمل عندي فتحتلو شوي شوي دخل وسكر الباب اروى:شو القصه جواد:نايمه اروى:شو رأيك لانت جواد:لك عمر نايم هون اروى:وين هون جواد:بغرفتي اروى:وانا شو دخلني جواد:لحتى ما تطلعي ابدن اروى:وازا بدي روح للحمام جواد:بس لينقلع اروى:بس هيك جواد:اي بس اروى:فكرتك جاي تنام هون جواد:ههه لا ولووو اروى:يلا روح جواد:طيب ماشي لا تعملي اي شي اروى:ايمتى رجعت جواد:من ساعه واستنيت لغفي واجيتك اروى هههه جواد:كملي نومتك اروى:رايحه للحمام وراجعه كمل نوم طلع هو من الغرفه ودخل لغرفتو وانا دخلت للحمام ورجعت ل غرفتي خلاني صحصح كيف بدي انحبس بالغرفه ولايمتى ويمكن زيارة رفيقو تكون طويلة وانا !! اوووف ع الذل والبهدلة . ...... الهدوء التام بالغرفه بس البيت مو هادي في صوت كركعه وتخبيط بالمطبخ طبعن ما راح اقدر اطلع منها نطرت ساعه وبعدها سمعت صوت جواد جواد:شو عم تعمل عمر:بيض وبندورة جواد:يا حسرة عمر:ليش جواد:نفسي لعت من الي حكيتو ومن ريحه الزنخه عمر:خهه تعال افطر جواد:... عمر:ليش نمت بغرفتي جواد:غرفتي هي عمر:في غرفه تانيه جواد:مسكرة هي عمر:خلص انا بنام فيها الليلة جواد:اوف ومين حكالك بدي اياك الليلة عمر:ههه ومو لحالي راح جيب الحبايب جواد:عمر بربك عمر:ههه موالك الي انا بس جواد:لا عم تمزح عمر:هه واعدتها ومشي الحال جواد:لك انت من وين اطلعتلي عمر:هه من وين يعني...بس بيضتها مع ميسا مبارح ...هيك بتبوسها قدامنا جواد:.... عمر:هههه جواد:خلص فطورك وروح عمر:لوين ليكون ارجع لبيروت اليوم جواد:دبر حالك عمر:كلهن شهر جواد جاي تنام عندي شهر عمر:اي ما خبرتك جواد:لا عمر:وهي ادريت جواد:... عمر:ليش في شي يعني...ازا مصاحب وحدة وخايف عليها مني جواد:كل حكيك وسخ وعن النسوان عمر بربك خلص عمر:طيب خلص خلص انا رايح جواد:كمل فطورك عمر:لا خلص عنجد انا شبعت ولازم امشي جواد:بس لتفهمني راح تعذرني عمر:لا ولا يهمك جواد...انت اخي ما بزعل منك على كلن بشوفك بالكافيه جواد:وين بدك تسهر عمر:حسب بس راح شوف ريان جواد:اوك راح بعد ربع ساعه معقول ما زعل منو ما طلعت من الغرفه الا لطلع بسيارتو عمر ودغري رحت ع المطبخ اروى:منيح انو راح جواد:... اروى:شو هالمطبخ هاد جواد:... اروى:تشرب قهوة رماني بنظرة كتير بشعه حسيت انو بسببي زعل رفيقو ودغري نزلت عيوني للارض وبلشت افرك ايديي اروى:ازا مشاني جواد:اروى اسكتي اروى:. جواد:. بلشت رتب بالمطبخ جواد:بجيب مين ينظفو اروى:انا هون جواد:اتركي خلص اروى:لا عادي جواد:خلص اروى خلص😡 اروى:ليش جواد:اتركي كلشي من ايدك اروى:شو اعمل لكن جواد:بدك تفطري افطري ورجعلي لغرفتك هزيتلو براسي بس كفيت شغل حطيتهن بالمجلى وبلشت اجلي اجى لعندي حسيتو بدو يتفشش فيني مسكلي ايدي وشد عليها جواد:لا تكسري كلامي خلص اروى:مو حرزانين تجيب خدامه او حدا ينظف البيت انا بجليهن جواد:مانك مجبورة اروى:...خلص جواد وجعتني عنجد جواد:بوجعك اكتر روحي لغرفتك اروى:.... كنت عم شد ع الليفه والسكين الي بأيدي بالقصد لاجرح حالي وبالفعل ضربت اصبعي الباهم مو جرح جرحين بعد ما انفتح الجرح رجعت ضربت اقوى لبلشت تنزف اصبعتي جواد:لك....جرحتي حالك كنت عم اطلع بعيونو ما بتحمل منو معاملة مو منيحه عودني ع الدلال وصرلو فترة متغير عليي وطنش طلباتي وتاركني بدون مصاري ...بس هو مو مجبور فيني معو حق جواد:لا تطلعي فيني هيك فتح المي وغسل ايدي وقعدني ع الكرسي وجاب مناديل وبلش يمحسلي اصبعتي ما كنت حاسه بالوجع بس بالاهانه انا بستاهل سحبت ايدي وحطيتها بحضني وشديت ع الجرح الي بلش يوجعني نزلت راسي للارض ومعاد شفت غير دموعي كيف عم يتجمعو وانهمرو راقبتهن لوصلو على ايدي جواد:انا؟؟ ....ليش عم تبكي...اصبعك عم يوجعك بقلبي لا والله يا جواد قلبي جواد:هلا هاد الجرح بيوجع ... فتحت عليه كان عم ينزف بكثرة جاب شوية بن وكبس اصبعتي فيهن لحتى شوي انقطع ورجع سال الدم جواد:جرحتي حالك بالقصد ....شو عملت لزعلتي اه ما بدي تشتغلي شي وبس. كنت ساكته وعم ابكي سكرت على اصبعي وحطيت ايدي المجروحه بالجيبة والتانيه على جبيني وغمضت عيوني اروى:اتركني ارتاح جواد:انجرحتي جرح اكبر من هاد ليش عم تبكي اروى:تعبانه شوي جواد:طيب على راحتك تركني وراح وانا كفيت بكي. — *الـــــــــ͢ـོ͓ـــنهـــــــايـــــــོـ͓ـــ͢ــة* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```