*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *قلبي عليك❤️🥺* *❴🔢❵☟الـــبـــــــــــ❴4️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ لساتو بالبيت طلعت بعد المغرب من غرفتي جوعانه طبعن الدخان معبي المكان بيضحك جواد معصب سلكت بسندويشه زعتر وكاسه شاي وبعد ما خلصت رجعت لعندو كان متمدد ع الكنبايه وعم يدخن مغمض عيونو والسماعات بادنيه ههه مو منتبهلي مو سامعني اكيد ولا بس خلص السيكارة رماها ع الارض في خدامه عندو الاخ .. المنظر لا يمل منو ههه وصوت الاغاني حزين هيك واضح معي ههه معقول زعلان مني او عليي مو مشكلة رحت صوبو قلت قبل يفتح ويشوفني قعدت ع الطاولة 😅وسحبت السماعه وضحكتلو فتح عيونو ب ملل اروى:ههه زعلان جواد:... اروى:ههه شو قالب على هاني شاكر هههه عيد ميلاد جرحي انا جواد:شو دخلك اروى: الشب الخاطب بيسمع اغاني رومنسيه ما بعرف كيف بنظرة بتمعل هيك هههه جواد:كمان اروى:كملك اياها جواد:شو بدك اروى:شايفك لا حس ولا احساس خدني مشوار جواد:هع روحي لحالك اروى:ههه لا بدي تروح معي او اعطيني مصاري بدي اواعي جديدة جواد:خدي من جيبه الجاكيت بالغرفه اروى:من حالي ما باخد جواد:روحي جيب الجاكيت اروى:حاضر دخلت ع غرفتو جبت الجاكيت ريحتو بتجنن نيال المصاري الي فيه رحت لعندو واعطيتو اياه كان متجلس وحاطت تلفونو ع الطاولة قعدت حدو طالع مصاري واعطاني اروى: كتار هدول جواد:لا مو كتار اروى:يسلمووو جواد:هلا رايحه اروى:اي هلا جيبلك معي شي جواد:لا سلامتك اروى:وصلني يا حقيرر جواد:هيك لكن اروى:ليش زعلان مني امانه لا تزعل جواد:منك ما زعلت من تفكيرك اروى طيب انا اسفه جواد:ههه اروى:شو معاد بدك تسمع اغاني جواد:لا مليت اروى:اعطيني اسمع فيه جواد:خديه اروى:اي افتحو جواد بدون ما ينفتح اروى:اه فى خصوصياتك جواد:اي منيح بتفهمي اروى:بس انا بدي اغنيه محددة يمكن ما عندك اياها جواد:شو هي اروى:ما بتعرفها جواد:ببحث عنها اروى:بتنزلها يعني جواد:اي اروى:هي مو أغنيه شارة مسلسل جواد:هف يااا شو هي اروى:انا بعرفها دمعه بعيني حايرة جواد:هلا بشوفلك اياها اروى:حلوة كتيير جواد:عنوانها حلووو بتمسخر عليي كان عم يدورعليها لطلعت وانا مسكت السماعه وحطيتها بادني جواد:هي اخد الفردة التانيه وحطها بادنو اروى:ايي....اعطيني اسمع لحالي. جواد:لا حلوة موسيقتها بدي شوف شو عاجبك فيها اروى:بتعبر عني جواد:اه يا حزينه انتي اروى:ههه مقبولة منك جواد:زوقك مو حلوو اروى هههن اعطاني التلفون كلو وراح وتركو مفتوح غريب استنيتو ل راح وفتحت ع الصور كنت عم فتش على صورو مع ميسا يا بمطعم يا بكافيه او بالبيت شو بيتصورو وفتحت على محادثتو معها كلها بوسات وقلوب وورد ومقاطع فيديو اغاني وتصبحي على خير يقلبي وتصبح على خير يا عمري لحد ما اجى وطفيت التلفون ورحت لغرفتي جواد :جهزي حالك اي اروى:اي جهزت حالي بسرعه كان ناطرني بالسيارة وطلعنا سوى ما نزل معي صفت بعيد وضل بمكانو ما خليت شي بنفسي ما جبتو والاهم جاكيت حلوو ومرتب وبيلبقلي وكلشي اشتريتو احلى من الي تخيلتو ورجعت لعندو كان لساه ناطرني ما مل وحدو في علبة اروى :طولت عليك جواد:لاا عادي اروى:جواد شكلك تعبان او زعلان صارحني جواد:لا بس مرضان شوي اروى:سلامتك من شو مرضان جواد:معدتي رجعت انتكست اروى:ليش معدتك بتوجعك جواد:بكون خبصت بشي اكلة لا تشيلي هم اروى:اعملت تحاليل جواد:مافي داعي اروى:لازم وضروري جواد:لا بس لازم امشي ع الحميه اروى:اي امشي جواد:ههه امشي وين اروى:بطريقك..😂ع الحميه جواد شال العلبه واعطاني اياها جواد:اشتريتلك تلفون ما بعرف ازا بيعجبك اروى:مافي داعي😍 جواد:لا منضل ع اتصال ارةر:بدك تسافر ههه جواد:ههه لا اروى:جوعان انت جواد:عازمتيني يعني اروى:فلافل وتمشايه شو رايك جواد:ومين اكل زعتر اه اروى:ما شبعت جواد:ههه اوك يلاا بلشت افتح العلبة حلو كتير الموبايل لجديد متل موبايلو وبنفس اللون كمان اطلعت فيه باعجاب 😍وابتسمتلو وقال شو بحكي لحالي لازم ما اعجب فيه ما عم اقدر بدل هالنظرة 😭😭بالاخص وقت كون حدو او ماشيه معو انو شوفوني مع الشب لكيوت انا هههه صحاب نحن ما حدا متلي .... اشترى فلافل متل ما طلبت وقضينا الليلة تسكيع بالشوارع ليلة ولا بالاحلام رغم الجو البارد بس انا دفيانه وما عم اتعب من المشي وجواد على كيفي جاي جواد،بتعرفي صارلنا ساعه منمشي اروى ههه بعرف جواد،برد والله اروى،يعني نرجع للبيت جواد،عبالك للصبح تمشي اروى،يااااريت عبالي احضر شروق الشمس جواد،مو هون الناس بتشوفو ع البحر اروى،وين بدي شوف البحر...امنيه حياتي شوفو جواد،ولا مرة رحتيلو اروى،لا ابدن جواد،وعد اخدك شي يوم بقلبي اي وما حدا يكون معنا لاحكيلك انو انا بحبك 😍معاد فيني جواد عم اتعزب منك ومن حبي الك وانت ولا على بالك والي مريحني وجودك حدي صحيح مو الي بس عم تهتم فيني قلبي وروحي وعمري لو بعطيك ما بكفي الي عوضتني عنو حمايتك الي خوفك عليي كل هاد وراح ضل مقصرة بحقك يمكن اخواتي ما بخافو عليي متلك وبهتمو فيني ياريت حس انك عم تبادلني الشعور هاد بس والله ولا على بالو انا متاكدة جواد،ليش سكتي اروى،ههه بفكر جواد،بشو اروى،شي خاص فيني جواد،ايه نيالك ارور،اخ على شو جواد،على كل شي اروى،😅لا حد يسمعك ويسدءك جواد،ههه اروى اروى،شو جواد،مبسوطه اروى يييي كتير طايرة من الفرحه جواد،ليش شوفي عندك اروى،خهه ولا شي بس مبسوطه جواد،شو رايك بسباق للسيارة والي بيسبق اروى،بياكل فستق جواد،خههه يلا اروى،...جاهزة انا جواد '1'2'3 كنت ما عم سابقو المهم ان عم يتشاكس معي سابقني ب اربع خطوات انا وراه شو بدي لحق فيه صار بعيد بس لسى عم اركض قد ما فيني لحتى انقطع نفسي كان واصل للسيارة وناطرني وعم يضحك عليي وياخد نفس وصلت لعندو واستندت حدو اروى هف شو هاد جواد،عهه خسرتي اروى،اكل فستق لحالك جواد،كنت متعاجز ارجع ورجعت بسرعه اروى،ولي ما اسرعك يخرب بيتك شو هاد جواد،ههه انتي بطيئة سلحفاه اروى،يوووه انت شو جواد،انا جواد اروى،شو يعني جواد،ههه جواد من اسماء لحصان وسلامه فهمك😜 اروى،👌🏼😭بتجاكرني جواد،لكن ...وبعدين بيحكو كل واحد الو صفات من اسمو وهي وحدة من صفاتي غير اني اصيل اروى،😅لا ياااا كانك معجب بحالك انت جواد،ههه بدي اعجب فيكي يعني اروى،والله انا حلوة ومهضومه جواد،ههه وشو كمان اروى،حبابة وقلبي طيب جواد،وجدبة بينضحك عليكي بكلمتين اروى،كيف جواد ههه لا ولاشي نرجع ع البيت اروى لا بدك تفهمني شو يعني جواد،بتسدءي كل الناس وبس اروى: معك حق قلبي تشتوش وجدبة جواد،ههه يلا خلينا نمشي اروى،بدك تسهر معي الليلة جواد،ليش اروى،بعدين بحكيلك بس مسهرتك مسهرتك جواد،ههه وانا جاهز بدي العب معو اكشن هالاصيل بس ما بسخى فيه مدوب قلبي والله اروى،شغلي اغنيه حلوة جواد،اي انتي وحظك اروى،ههه حظي شغل اغنيه عشوائية كانت موسيقتها كتير حزينه ودغري غيرها لطلعت اغنيه __ما بيغلى عليك يا عمري اي غالي __كرامة عينيك والله بقتل حالي __امرني يا عمري وما بعمري بقلك لا لا .....دمعه من عيونك بفني الدني كرمالا ... __ما بيغلى عليك ما بيغلى عليك ....يا عمري اي غالي __كلشي مسموح بالدنيا الا تزعل وحسك مجروح ووردات خدودك تدبل __تغنج يا روحي وع قلبي ضل ادلل روحك حلوة وحقا تزيد بدلالا . كنت منسجمه كتيير اخ والله معاد فيني شو هالزوق الحلوو حسيت حالي كتير مبسوطه هرمون السعادة مرتفع معي وكل هاد لانو جواد حدي 👌🏻🤩 ..... بالسهرة جننتو طبعن بعد ما فرجيتو اكتر الاواعي ولا كان عندو اعتراض على كم بلوزة نص كم وحفر قال ممنوع تلبسي هيك لبس ههه والله مافي منو جواد يعني خطيبتو شفاف وقصير وانا ممنوع وقال شو انا بمقام اختو هههه وبعد ما اعتمدت على جينز غامق وبلوزة صفرا جبت الموبايل ليشغلي اياه جواد:جيبي وصله الكهربا بدو شحن اروى:ماشي تشرب شي جواد:اي بشرب اروى:اوك عملت القهوة ونطرنا ل شحن التلفون كان عم يعلمني ع الموبايل ههه ع اساس اختراع صاروخ بس انا منسجمه معو ع الاخر بعد ما نزل كلشي في برامج وشغلي خط اتصالات ونت علمني على كلشي وبعدها تصورنا صورة كتير حلوة من ايد جواد كلشي حلووو بعتلي مسج ع الوتس ودغري فتحتو عم يتبارد جواد:كيفك اروى:اهلا جواد:هي بتعرفي تكتبي اروى ههه عم دور ع الاحرف حكاني وهو عم يضحك جواد:بربك اروى مو بتتعاطي اروى:ههه شو اتعاطى جواد:حشيش اروى:لا ما بعرفو جواد :قال عم تكتب ودور ع الاحرف احكيلي اياهن كتبتلو اروى:شو سهران جواد:ههه يا عفو الله اروى:ههه مو وعدتك سهرك سهرة جواد:انا فكري راح لبعيد زورتو وفتحت عيوني ع وسعهن اروى:شو قصدك جواد:ههه بمزح بمزح اروى:فكرت مسدء حالك يا اصيل يا سريع انت جواد:ههه بعتلي ضحكه وفتح ع محادثة ميسا ميسا:يا عمري سهران جواد:اي سهران ميسا:تحركشنا جواد ههه شو عاملة يا قلبي ميسا:عندي رفيقتي...وين ما طليت ولا سألت جواد: كنت نايم وطلعت فتلة ورجعت بعتتلو صورة ودغري فتحها وطبعن شفتها " بك سأودع عام مضى وأبدأ معك عام جديد " بعتلها بوسات 😭😭وانا هيك صار وضعي لهيك سحبت حالي ودخلت للغرفه اتفرج على صورتي وصورتو بتجنن حضنت التلفون وغمضت عيوني وسمعت صوتو جواد:اي ما عندي شي...ادللي انتي وبس....لك جواد كلو ع حسابك 😫😫 جواد:بعرف يا روح جواد انتي ...طيب شدي همتك ومنتجوز ع بكير بتعرفي لو من سنه تجوزنا كان معنا بيبي ولي عداد عمري صار صفر يتجوز ...وانا موت قهر اي كلشي صار معي بكفه وانو حبيت جواد وبعرف انو مو الي بكفه عم احترق بنار غيرتي وقلبي مشغول فيه وعليه وهو ولا ع بالو بال ما فيني ما اتسمع ع كلامو الحلو معها وشو مشتهية يكون الي هالكلام موجه جواد:اي كتير ...هههه...يعني وين بروح.....اي لكن عندي شوفتك بتكفي .....يلا هانت ....دخيل عمرك .لا لا تفكري ابدن وعد الحر دين.....بدي ابعتلك صورة الي هلا استلمي واغنيه مني الك اي ع رواق اسمعيها وحسي بكل كلمه لا سلامتك يا روحي ديري بالك على حالك ...باي كنت عم اخد نفس عميق وكتبتلو اروى:تصبح على خير جواد:تعالي طلع فيلم اروى:لا نعسانه جواد:لك تعالي بدي حضرلك بوشار اروى:لا تغريني ما بدي جواد:ههه عقلك مطفي تعالي وليه اروى:شو بدك فيني جواد:بدي علمك ع الموبايل اروى:صواريخ عم تخترع انت جواد:ههه يلا تعالي بربك ما طاوعني قلبي يترجاني كمان طليت عليه بدون نفس جواد:اعمليلي بوشار اروى:اها هيك لكن جواد:والله بدي اياكي تسهري معي مالل اروى:ماشي حاضر يا اصيل رحت للمطبخ حضر البوشار وشغلت اغنيه عشوائية لاتسلى وما بعرف انو البوشار بينشرب معو شاي جواد:اعمليلي شاي اروى:اي حاضر جواد:خليه سكر زيادة اروى:والله جواد:وتعالي بلش الفيلم اروى:حاضر حضرت كلشي بدو اياه ورحت لاسهر معو جواد:ليلة راس السنه راح اعزمك ع حفله اروى:عنجد جواد:اي مو جاي عبالك تحضري حفلات اروى:اييي كتير جواد:خلص حضري حالك اروى:اي خلص ..جواد وميسا جواد:شبها اروى:بدها تسهر جواد:ههه هي عزمتني اروى:ههه توقعت ....ليش حكيتلها انك نعسان جواد:ما دخلك انتي اروى:بتكزب عليها كتير جواد وشو بهمك انتي اروى:بس بدي اعرف عنجدبتحبها جواد:هههه اروى:لانو عندك الكزب وصف الكلام متل شربه المي جواد:وشو علاقتك فيني اروى:لا بس حبيت خبرك جواد:هههه اروى:جواد بربك بتحبها جواد:ليش اروى:يعني ليش خطبتو جواد:ههه حسيت إنو لازم نخطب اروى:مين بادر جواد:يعني كنا بحفله خاصه وهيك اعلناها للكل وخطبتها اروى :من وين بتعرفها جواد:بالجاامعه تعرفت عليها اروى:ايه الله يهنيكن ببعض جواد:... سكتنا كتير كنت نعسانه بس بنفس الوقت ما بدي روح نام سندت راسي على ايدي وغمضت عيوني بس فكري شغال بكلشي حكاه معي ومع ميسا يلا انعزمت على سهرة منو لنشوف الاجواء هنيك . .... متل الجدبة كنت ماني عرفانه شي السهرة بالديسكو ميسا لابسه فستان ازرق لعند الركبه وحفر وعاملة شعرها ونسرين اختها متلها لابسه وجواد لابس قميص ابيض وجينز غامق وجاكيت رمادي وعمر لابس جاكيت جلد اسود وجينز وبلوزة بيضة وانا لابسه بنطلون اسود وبلوزة بيضة كتيررحلوة وناعمه وفاردة شعري لاول مرة كنت مستغربه المكان والاصوات كنت حس ال دي جي عم يضرب بقلبي ما شاركتهن الكلام والضحك بس هنن منسجمين للاخر ودخان حتى البنات بدخنو وميسا كمان وكل شوي تسحب جواد ويضحكو سوى وانا راح موت غيرة منها وعليه ولسى بضيفها وهي بتضيفو يمكن حشيش على قولتهن كنت شوفو كيف مبسوط عم يتهامسو بادنين بعض ويفرطو ضحك يا ترى شو الحديث هي السهرة والله بشعه ومقرفه لدرجه حاولت انبسط ما اقدرت هالشي عم يخنقني ويمكن عمر ملاحظ شرودي فيهن حكالي بصوت عالي شوي عمر:بشووو سارحه اروى:لا ولاشي عمر:ما عجبك المكان اروى:بشع كتير عمر:ههه عنجد....جواد جواد:اي شو بدك عمر:اروى مو عاجبها المكان جواد نعستي يعني اروى:لا بس انطوشت ميسا:هههه نسرين:هلا بيطفو كرمالك جواد:كمان شوي. ميسا:لااا ولا شوي بدنا للصبح نحييها جواد:اي وهو هيك للصبح عمر:شو اطلبلكن جواد:انا ما بدي ميسا:ييي لا لا بدك تشرب جواد:بفتح معكن بس ما بقدر معدتي بتأزم عليي نسرين:بس الليلة .... جواد:يلا متل ما بدكن عمر:اي ها اقتنع منكن راح عمر ليجيب المشروب والكاسات والله عم يلعبو هنن كانو عم يخضو المشروب ويفتحوه على بعض شو هاد مو طبيعي جنانهن يا عيب بس فتحو علبه وصبو بالكاسات ودئوها ببعض ييي كنت شوفهن بالمسلسلات بس هلا عم شوفهن ع الواقع عمر:شو ما بدك تشربي اروى:لا لا عمر:عم تمزحي اروى:ما بشرب انا عمر:ليش اروى:...ما بعمري شربت قرب الكاسه من تمي عمر:شفيلك شفه بعدتها عني اروى:ولا بعمري شربت وما بقدر عمر:يعني حكولك انا كل يوم بشرب بالسنه مرة اروى:مو بدوخ هاد عمر:ههه لا شو بدوخ بالعكس بعبي الكيف شفت كيف ميسا عم تشرب وتشرب جواد وهو عم يشرب ومبسوط عمر:يلا لا تخليني اترجاكي اكتر اروى:قلتلك ما بدي ما بحبو جواد ضرب ع الطاولة جواد شو هاد عمر عمر:بدي شربها جواد:لا ما بدها...اصلن ما بتشرب هي ميسا:ليش جواد:هيك اروى:بس انا بدي اشرب جواد :ممنوع اروى:شو على كيفك جواد:اي على كيفي ميسا:حبيبي شبك اتركها حبيبها وبدو يشربها هههه كان سكران جواد باين انو مضيع جواد:اروى لا تشربي بعد الكاس عنها عمر:ههه اروى:هف شبو هاد شو دخلو فيني ميسا:يمكن جواد انضرب مخو هههه نسرين:خربط فيكي وفيها اروى هات الكاس عمر جواد:لك اروى هلا بجن عليكي عمر:ههع فضحتنا يا زلمه شفيلك شفه اول مرة هيك بكون مبسوطه هههه ميسا خلتو يطلع عليها وانا كنت عم مثل انو عم اشرب هههه وبدل ما اشرب فضيه تحت الطاولة لحتى خلصتو وراحو يرقصو سحبني عمر معو على اغنيه اجنيه كتير رومنسيه ما كنت بعرف الرقص ابدن وهو ياخدني يمين شمال ويخليني لف كانو عيوني على رقصه جواد وميسا كتير باردة بس غامرين بعضهن اخ الله يلعنها شو وسخه بس هي احسن مني لانها عم ترقص مع خطيبها انا عم ارقص مع واحد غريب مفكرني سكرانه التقو عيوني بعيونو ما اقدرت ارمش ولا هدي ضربات قلبي وهو عم يبادلني نفس النظرات لحتى خلصت الرقصه ما خلاني عمر ارجع لعندهن طلعنا من الديسكو اروى:شو لوين اخدني عمر:نكفي سهرتنا اروى وين عمر:وين ما بدك اروى وجواد عمر:جواد مع حبيبتو اروى:وانا عمر:ههه انتي معي انا أروى خليني خبرو عمر:مو فاضيلك انتي معي ليش خايفه اروى:... عمر:ما تخافي مني اروى بس لو جواد يعرف بكون احسن...خليني روح خبرو وراجعتلك شدني بقوة واطلع فيني. عمر:هلا بتضيعي الحضور كبير خلينا ننهي السنه مبسوطين اروى:وجعتني اتركني عمر:انتي رقيقه وحساسه اروى اوف منك ...اتركني عمر مشاني لسيارتو فتحلي الباب وهو سكرو ما رضيت اطلع فيه كنت عم راقب الباب ليطلع جواد يشوفني انا مع عمر...بس جواد شرب ويمكن معاد وعي على حالو وانا لازم ما ضل مع هاد الرجال😫هلا بدو يتكركر فيني سيناريو جميل انا بعرف اروى:لوين اخدني عمر:ع البيت .اروى:ما معي مفتاح عمر:اي انا معي اروى:بس عمر:شو يعني بس ما فهمتها اروى:انا عمر:اي فهمت عليكي لا شو بدي منك بس سهرة هيك منفضفض لبعض اروى:خود نسرين انا بلا هموم عمر:هعه اي اقتنعت خايفه من جواد ما بيزعل اصلن هو بعالم تاني اروى:شو دخلني فيه عمر:لك اروى....والله انتي حلوة وبتنحبي اعطيني مجال صغير اروى:انا عندي مشاكل عمر:ههه بتخافي يعني...انا بحللك كل مشاكلك انتي ارمي كلشي هون على ظهري وخلص اروى:بس بترجاك ما تعمل معي شي اي عمر:ههه اي لوقتها منتناقش شغل السيارة ومشي كنت عم حاول اتصل ب جواد اي مو فاضيلي ابدن لوصلنا للبيت نزلنا سوى فتح هو الباب ودخلنا للصاله دغري شغلت الضو اروى:تشرب شي عمر:لا ما في داعي قعدت ارتاح واجى لعندي عمر ما شربتي صح اروى:لا اشربت عمر:لا ما شربتي اروى:... عمر:لو شربتي كنتي تغيرتي اروى:ولا انت شربت عمر:ههه اي ما شربت ابدن اروى:جواد تعبان ليش شرب عمر:بتخافي عليه اروى:لا ...انت مو على اساس دورلي على شغل عمر:بهدلني جواد هددني ازا بقرب منك اروى:لهيك خايف منو عمر:ههه اي تركتو مبسوط اروى:ليش شو بدك مني عمر:نتساير ونتشارك لهموم اروى:... عمر:جواد ما خبرني غير انك بتعرفيه من بعيد ..انا هلا بدي اعرف شو علاقتكن ببعض اروى:متل ما خبرك جواد عمر:للاااا ما اتفقنا اروى:على شو عمر:لازم تعرفي انو انا ما راح اتركك الليلة بحالك يا اما بتحكيلي شو طبيعه علاقتكن يا اما اروى:شوو عمر:اي والله الي سمعتيه اروى:ما راح تسدء عمر:بس فيني اتاكد اروى:... عمر:بتعرفي هو بيكون مبسوط مع ميسا اروى ... عمر:فكرك انا مو ملاحظ انك بتحبيه ههه لا شو بتحبيه بتموتي فيه اروى باين عليي عمر:كتير ...لدرجه الاعمى بيشوف اروى:لا ما بحبو عمر:امبلا بتحبيه هو حلو صح اروى:... عمر:بدك تنسيه ل جواد اروى كيف عمر:هلا بنسيكي اياه اروى .. طالع سيكارة وضيفني اروى:ما بشرب عمر:طيبة اروى:عنجد ما بشرب عمر:هي راح تنسيكي حالك اروى:ما بقدر عمر:بتنسيكي جواد اروى:عنجد عمر:أي بتنسيكي كل همومك اروى:والماضي عمر:والحاضر وكل شي ...جواد بيشرب منو اروى:هاد الي بيحكولو حشيش عمر:أي هو جربي راح تنسي اروى:يعني وما بتزكر ابدن عمر:لا لا راح ينمحى كلشي بثواني اروى:طيب ماشي مسكتها وغمضت عيوني لسى منظرو معها عم يشتتني شغلي اياها وشغل الو وحدة ما اقدرت ما اسحب منها طعمتها كتير طيبة رغم اني سعلت كتير بس في شي كان يشدني الها لخلصتها حسيت بدوخه خفيفه لهيك سندت راسي عمر:شو كمان وحدة اروى:ياريت شغلي التانيه وانا عم غمض وفتح عيوني من التعب عمر:اي هلا احكيلي ليش بتحبي جواد اروى:ما بعرف...هو بينحب بيهتم فيني كتير ويخاف عليي عمر:من مين اروى:من كلشي عمر:كيف تعرفتي عليه اروى:صدفه ...سألتو عن منطقه وبعد نقاش خمس دقايق حكيتلو انو انا تايهة هربت من بيت اهلي مع شب وعدني يتجوزني دغري لانو اهلي كانو بدهن يخطبوني ل ابن عمي متجوز وعندو ولاد هربت مع جميل بنص الليل وصلنا ع الفجر لهون وطالعني للشقه كنت خايفه مو منو من عملتي مع اهلي وعلى اساس هو يجيب شيخ لنكتب كتابنا ونتزوج بطريقه مشروعه بس الي صار مو متل ما توقعت عمر:شو صار اروى:جميل ما تركني بحالي بالاول ترجاني وبعد ما عندت انا هو اصرارو زاد لحتى جبرني عمر:يعني ... اروى:اي اي قولها ...اغتصبني عمر:وبعدين اروى:رماني برا الشقه وهرب هو دغري حاولت كتير اني اتماسك ما اقدرت ركبت بتكسي ليوصلني ع الضيعه وخبرني انو لازمني مشفى وهو اخدني لهنيك بعد فحوصات فتحو محضر وخبرتهن بكلشي صار وصفتلهن جميل بس تفاجئت بالاخير انو حكو الحق عليي وسكرو المحضر نويت ارجع للضيعه اتصلت ب مرت اخي وحكتلي بيت اهلي انسرق منو مصاري ودهب وانو اتهموني انا فيهن معاد اقدرت صرت اشتغل بنفس المشفى لحتى نام وطالع كم ليرة وتعرفت ع جواد بعدها عمر:وحبيتيه اروى:اي بحبو...بس هو ما بحبني عمر:معو حق وحدة متلك ما بتنحب اروى:انا والله ما عملت شي عمر:بس نحن الشباب ما منفكر متلكن اروى:قصدك انا رخيصه عمر:لا بقصد ما منقبل نحب متل هيك حالات بس عادي منلعب لعب اروى:بس جواد ما بيعلب معي ابدن عمر:ههه الله يصلحو بدك تسايريه اروى:بعرفو عنيد عمر:جواد ما عندو عناد ولا حتى خجل اروى:معقول عمر:اي انا بعرفو اكتر من حالي ...شو حبيتي فيه اروى:كامل الاوصاف او يمكن لانو مطنشني بموت غيرة عليه من ميسا ما بحس فيني بحس انو انا لازم كون معو عودني على حالو حسيتو عم يروضني على كيفو لحتى صارت صحبتنا كتير قوية عمر:وانا لازم سدء انو مافي بنتاتكن شي اروى:اي مافي حب من طرفي وبس عمر:خليه يحبك اروى ياريت عمر:ههه بس بدي تساوي الي بقلك عليه اروى:اي انا جاهزة عمر:لتصحصحي وساعتها منحكي اروى:انا تعبانه وراسي راح يتفجر عمر:سلامتك *الـــــــــ͢ـོ͓ـــنهـــــــايـــــــོـ͓ـــ͢ــة* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```