*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *شغف💞* *❴🔢❵☟الـــبـــــــــــ❴2️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ هاندا:لك رح طق رح طق راسي رح ينفجر لي ماعم لاقي حل حلا:انا مليت كتير هاندا:اووف ياربي شو بدنا نعمل حلا:امشي نطلع لشي مكان ونفكر على رواق هاندا:ما الي مراق حلا:يلا ولوو احسن من القعدة والهم هاندا:طيب طيب ماشي قومي لشوف حلا:ياسلام عليكي ____ زياد:اكل واكلنا وقعدة وقعدنا بشرفك قوم يا زلمة والله رح طق حيدر:مابدي عندي شغل زيادة: لك يلعن ابو الساعة الي اشتغلت فيا اطلع عليه حيدر بنظرة بلكمتو زياد:يا اخي قوم برجع بساعدك حيدر؛لا زياد:اوف شو انك عنيد ولوو قام وطلع من الغرفة وطبش الباب حيدر :اوف وجعني راسي فتح الباب زياد وضربو بالمخدة يلي بسرعة مسكا حيدر:لا تروح بس مارح قلك مين رح يكون بالحفلة حيدر: ما بهمني زياد وهو عم يسكر الباب:اي اي ماشي خلص نحنا شوبدنا ب هاندا اذا هلا نزلت منشور اول ما سمع اسما لمعو عيونو بشر وحكا:لحظة زياد:خير حيدر:غيرت رأيي ولازم اخد استراحة زياد:صرنا تنين وانا غيرت رأيي بدي اشتغل حيدر: ليك ولا اقسم بلله بلطلع بروحك زياد؛ماشي بس مابطلع لحتى تقلي شو في ببالك حيدر: رح احكيلك ع الطريق زياد:ابشر يامعلم ____ بحفلة هادية ع الشاطئ كانت هاندا وحلا عم يدردشوو وزياد وحيدر ع طاولة وعيون حيدر ع هاندا حتى انتبهتلو حلا؛ لك هاندا مو هاد الشب يلي دفع عنا الحساب اطلعت هاندا عليه وشافتو وابتسملا وهي ردت الابتسامة حلا:ياويل قلبي على هالضحكة هاندا:انضبي ولي حلا: بس بتعرفي عم يطلع عليكي كتير هاندا:مابهم حلا:بتعرفي منيح ماقلتي بالمنشور انك مع قرة عينك كان كشفك وخصوصي اذا متابعك هاندا:اي والله صح حلا:والله واجت على ايديها ورجليها هاندا:مافهمت حلا:ضليكي غبية رح فهمك الشب باين انو معجب فيكي من نظراتو وهاد انسب حدا حتى توقعيه هاندا اطلعت عليه وكان هوي عم يطلع وحاطت ايديه بجيابو هاندا:معك حقك بس كيف بدي اتحركشو وخليه يجي حلا غمزتا:شغلتك هاندا:اي منشوف قامت من مكانا واتجهت للبار زياد لحيدر :لك يموو على الله شو هاد لك هيي صاروخ حيدر: انضب ولا شد براغيك زياد:لك اي براغي ما ضل شي بعد شفت هالقمر قربت هاندا من البار وطلب؛ واحد بيرة لوسمحت اتفضلي انسة هاندا:شكرا اخدتها ورجعت على طاولتا واول ماوصلت على طاولة حيدر اظهرت انو تفركشت وكبت كل الكاسة على تياب حيدر:ييييي سوري حلا ع طاولتها:الله لايوفقك هاندا:انا جد بعتذر كتير والله موبقصدي حيدر بانزعاج هوي وعم ينفض قميصو:ولايهمك مافي مشكلة هاندا:خليني ساعدك قربت منو ومسكت المحرمة عم تمسحلو وتحكي:مابعرف كيف ما توازنت وانكبت الكاسة كتير بعتذر زياد:عادي فداكي شوو القصة اطلع فيه حيدر وزورو:انو شفتك ساكت قلت بحكي عنك حط حيدر ايدو عايدا وسحب المحرمة:قصة بسيطة ماصار شي ولوو هاندا بابتسامة:بتسمحلي لكن نزلك كاس على حسابي ضحك حيدر:ياستي مقبولة منك هاندا:مارح عطلكن اكتر من هيك شباب سهرة حلوة زياد بابتسامة عريضة:ولو ياهلاا مشت عم تتمايل بثقة وعيون حيدر ماعم تفارقا وعم يبتسم زياد:لاتقلي جذابة حيدر: بس كذابة قعدت عالطاولة وشربت من الكاسة :شو رأيك حلا:يخرب بيتك من حالك بس قليلي شو استفدتي هاندا:كتيير وحياتك عيارو بكرا او الي بدو يكون عم يحاكيني هيك احسن مايتمقطع فيني حلا:برابو عليكي ______ نزل من السيارة وانظار الكل عليه باناقتو وجاذبيتو الملفتة وصل للمكتب كانت هيا ناطرتو:صباح الخير هيا:صباح النور استاذ اطلع على ساعتو كانت اتجاوزت التسعة ونص:ماوصلت هديك العارضة هيا:قصدك هاندا اي انتبهت لوراه كانت داخلة بكل ثقة ورنت كعبا خلت انظار الكل تتوجه الها هيا باعجاب:ليكا حط ايدو بجيبتو واول ماوصلت عندو كان ملتفت اتفاجئت وقت طلع بوجها:صباح الخير تطلع على ساعتو وحكا لهيا:دقيقة بالمواعيد الانسة هاندا هاندا:كان عجقة سير عنجد حيدر:ولايهمك تفضلي على مكتب المدير حتى تتفقو رافقيها هلا هلا:تفضلي من هون دخلت وفتحتلا هيا الباب وقعدت عم تطلع عالمكتب باعجاب كبير وقت انفتح الباب ودخل حيدر بسرعة وقعد ورا المكتب كانت عم تطلع فيه بعدم فهم هزلا راسو:شبك هاندا:مين حضرتك حيدر:انت لوين اجيتي هاندا:قابل المدير حيدر:اي وليكو قدامك ضحكت :تشرفنا حيدر:نحنا للاكتر دق الباب ودخلت هيا معا قهوة ضيفتن وطلعت:تفضلي قهوتك هاندا:توقعت تكون حدا من الشركة بس ماخطر ببالي لولا لحظة تكون ال حيدر:المصمم والمدير هاندا:تماماً بس لي اخترتني انا بالذات حيدر:هي المجموعة الصيفية مهمة كتير بالنسبة الي اشتغلت عليها لفترة طويلة دائما العرض بينجح بس هالمرة حابب الاصداء تكون غير وخصوصي بمشاركتك وسبق وخبرنا اي شروط مقبولة هاندا:بس انا لسا ماقبلت حيدر بابتسامة:رح تقبلي هاندا:ايمت العرض حيدر:١٧ الشهر بعد ٣ ايام اذا حضرتك كنت جاهزة هاندا:فيني شوف التصاميم حيدر:مو قبل التوقيع هاندا:يعني خايف تتسرب التصاميم حيدر:مابتعرفي قدي طاقم الشركة تعب بالمجموعة اشتغلو ليل مع نهار وغالبا بهيك وقت اشخاص كتير بتحاول تسرق التصاميم هاندا:بفهمك سيد حيدر انا جاهزة رفع التليفون :هبا اطلبيلي مدير العلاقات العامة والمحامي على مكتبي سكر الخط واطلع فيها:حاليا نحنا منسعى نعرض قطعة الاحذية اكتر من اي شي لهيك في مصمم ازياء خاص فينا رح يصمم لكل حذاء اللبس الي بليق فيه وطبعاً كلو باشرافك ومتل مابتحبي او اذا في مصمم خاص هاندا: لا ابدا مافي مشكلة دق الباب ودخل المحامي :يعطيك العافية استاذ حيدر _____ هيا:اي وقعو العقد وكلو تمام ولو تشوفا وقت شافت التصاميم ماعاد عرفت كيف بدا تعبر عن اعجابا اقل مايقال انذهلت والمسيو جعفر وعدا بتقديماول قطعة الها هدية زياد:اوووو كذاابة هيا:متل ماعم قلك زياد:يعني حيدر حيدر قدملاا التصميم الاول هدية هزت راسا :اي نعم زياد:وينا هلا هيا:شوعرفني كانت فاتحة بث مع متابعينا عم تخبرن بالموضوع بس مااعلنت عن الشركة زياد:عم قول مستحيل حيدر يقبل هيا:لهيك قالتلن في عرض لكوليكشن جديد ومختلف ولو تشوف تفااعل بلالاف طلبو موقع الحجز حتى يقدر يحجزو القطعة زياد:شعب تافه بالرغم من انو ماحدا بيقدر يحكي حرف على تصاميم حيدر هنن من قبل مايشوفو لمجرد حمل اسماا بدن يحجزو هيا:هي هنن الاشخاص الي مغرومين بالشخصيات المشهورة بشكل موطبيعي زياد:ستي يسطفلو هيا:اي كانت صافني فيه وغمزا:شو ياحلوة هيا:انت قلي شوو زياد:ليكي بروح قلو لحيدر انك عم طبقيني هااا بخليه يقلعك هيا:قعود قعود بدك يمسح فيني الاراضي بعدين انا عم طبقك اناا مو انت نقرت مخي لاقبل فيك زياد:اقبل فيك ليش ياعيونا لاامك مكرسح ليكي حبيبتي الف وحدة حاطا عينا عليي بقا ديري بالك هيا:نعم؟شو قلت عيد زياد:ماقلت شي عم امزح هيا:لا بالله تقول زياد:مشغول مشغول بشوفك باي ركد بسرعة قبل ماتمسكو هيا:بفرجيك يازياد بفرجيك _______ حلا:كتير كتير فرحتلك رح يكون شي خيالي انا متأكدة والكل رح يحبك فيه هاندا:وهوي هيك انا متأكدة من اليوم رح يبلش الشغل للعرض مامعنا وقت كتير التصاميم بتجنن شي وكأنو بالخيال حلا:ماتوقعت انو هوي يكون المصمم يعني مبين جنتل اوك ماختلفنا بس هيك شي جدا غريب وخصوصي بهالصدفة هاندا:هي هي تركيبة الرجال دائما ببينو بشكلن البسيط قد ماكان معقد او صعب حلا:وشو دخل هاندا:دخل انو هوي اليوم بقلب شركتو حدا كتير جدي وصاحب مسؤولية وبنادر ليبتسم هالوضع اختلف كتير عن وقت التقيت فيه كانت ابتسامتو لورا ادنيه هاد بيعني انو دائما اي شي وكل قوتو بينحطو بالجيبة عند اي انثى وخصوصي اذا حطتو ببالا اي بينضحك عليهن بكلمتين جدبان حلا:ليك مين عم يحكي ليك هاندا:اي شو عم اكذب بكرا شوفيه كم يوم ومنحطو بالجيبة حلا:انت والله عم تلعبي بعداد عمرك انتبهي كتير منيح على حالك ومن جنانك هاندا:ماشي ماشي هلا قومي روحي سبقيني عالبيت لانو بدي بلش شغل احسن مايقولو اني موقد شغل حلا:اوك سلام هندوش هاندا:سلام حبيبي تراجع حيدر فورا عن الباب ومشي بسرعة:اي شوعليه ياست هيك طلعنا لكن اذا مابندمك على كل كلمة قلتيا مارح كون حيدر دخلت عم تبتسم:انا جاهزة حيدر:تفضلي لكن بلشو الشغل وهاندا تقيس الاحذية ويلتقطو صور بكل جهة حتى يقدر يبينو كل تفصيل بالحذاء بعد شغل استغرق ساعات؛اووف انا تعبت حيدر:يعني عندكن قدرة تلبسو كعب نهار كامل وتمشو فيه وهلا تعبتي هاندا:في شغلة انو الكعب بعد اول ساعة بكون تعودت هون كل ماتاخد رجلي على واحد منكون غيرنا وعدا عن هيك نوعية الكعب مختلفة مرة طويل مرة قصيرة مرة عريض وهيك حيدر:حقك علينا تعبناكي بس الصور بتجنن رح نعلن عنن تاني يوم العرض فوراً هاندا:تمام حيدر:بكرا والي بعدو رح يكون بروفاا مع التياب والمشي عالستيج بحيث اي اشكالية نقدر نصلحا فورا هاندا:اتفقنا قرب وهمس بادنا:وهلا بتسمحيلي اعزمك على فنجان قهوة ابتسمت وهمستلو:اي اكيد حيدر:تفضلي لكن هاندا:دقيقة وبجيب غراضي _____ كانت ماشية وعيونا بموبايلاا وقت كان زياد داخل من باب الشركة بسرعة وضربو ببعض بقوة كانت رح توقع عالارض بس لحق ومسكا:اوووه اطلعت فيه بصدمة وعم تاخد نفس بقوة وساعدا حتى توقف: انت منيحة. حطت ايدا على قلبا:منيحة منيحة حاسي قلبي رح يوقف من الصدمة ضحك:اي لانك خبطي بسيارة ولاعامود حلا:ماشالله عنك حيط انتبهت حلا لحالا شو حكت وزياد ضحك:بلأخير بطلع حيط اي الله يسامحك حلا:مو بقصدي بس انوو ضحك زياد:عادي عادي ماصار شي بس تاني مرة انتبهي عالطريق مافي داعي عينك تبقى عالموبايل حتى وانت ماشية قرب وهمسلا:ماحدا هربان وتركا ومشي:لحظة لحظة شو قصدك زياد:انا ولاشي حلا:لا انت قصدت شي زياد:انو شو بدي اقصد عم قلك ماحدا هربان يعني لاحقا تحكي معو لحبيب القلب حلا:حبيب ميين ومالقيت غير انا يااحسرة اخر مرة كان عندي فيا حبيب كنت صف رابع وقت طعميتو سندويشتي قلي خلص انت صرتي حبيبتي وذهب لم يعد نسي الوعود الحقير فرط زياد ضحك:تعي ارتبطي فيني حلا:عفواً زياد:عم نلطف جو ياحلوة سلاام تأخرت على شغلي بالمناسبة انت بالحقيقة احلا من الصور الي بتنزل هاندا تركا ومشي عم يضحك وهي بقت واقفة عم تبتسم:والله انت الحلو يخرب بيتك ياهاندا شو هالشركة هي كل واحد بقول لتاني زيح انا احلى ايييه الله يطعمنا ______ قاعدين سوا بكافية وعم يشربو قهوة:فينا ناخد سيلفي؟ ضحك حيدر:اذا بدك تنزليهاا عالانستا فورا لا ضحكت هاندا:لالاا بس انو ذكرة شغل بينا عادي حيدر:موافق فتحت هاندا موبايلا وصورت كذا صورة:ابتسم شوي كتير عابس اي هيك طلعو حلوين كتير بس لي مابتحب نزلن حيدر:مابحب الشهرة هاندا:حلوة حيدر:مزعجة هاندا:يمكن حيدر:انت كيف بتشوفيها هاندا:بكل فترة بشوفا شي مختلف احيانا بتكون شي كتير حلو واحيانا بتمنى يختفي كلشي وارجع حدا طبيعي بعيد عن الاضواء والناس حيدر:قرأت شوي من كتاباتك حلوين كتير هاندا:شكراً حيدر هوي وعم يشرب القهوة:سمعت انك خاطبة بلعت هاندا ريقا بخوف:انا؟ حيدر:اي قصة حبكن حلوة كتير واخدي اصداء كبيرة من الناس هاندا:اي حيدر:شو بيشتغل اذا مافيها تدخل بخصوصياتك هاندا:لا لا ابدا هوي هوي بيشتغل حيدر:اي هاندا:اييي اطلعت على ساعتا:يييي ماحسينا عالوقت كتير تأخرنا عالبروموو يلا يلاا حيدر:ماخلصتي فنجانك هاندا:بعدين بعدين لاحقين للقهوة هلا الشغل اهم ابتسم حيدر وهوي فهم قصدا وحاسب وطلعوو سوا عالشركة وبلشو شغل وتصوير حيدر:لا هيك في غلط هانداا نحنا عم نظهر قطعة الاحذية اكتر من اي شي هاندا:مافهمت حيدر:لازم نخفف اكسسورا وحتى نعتمد الشي البسيط بالتياب وبذات الوقت انيق في مشكلة هاندا:لا ابدا مافي مشكلة شباب خلونا نخفف اكسسوار قرب حيدر منا:انا بساعدك وقف وراها وقريب منا كتير وهي زاحت شعراتا وانفاسو قريبة منا كتير وفك الطوق وعطاه للمساعد:هيك احلى وماشالله مانك بحاجة بعدت عنو بتوتر:اي منكمل لكن حيدر:تفضلو ______ دخل عالبيت ورما المفاتيح وزفر بتعب :اووووف مشي شوي بصالة ورما حالو عالكنباي بتعب غمض عيونو وعم يتذكر __فلاش باك____ كان كلشي واقع بلأرض ومكسر كانت قاعدة وعم تبكي وترجف كانت نظراتو عم تطاير شرارة وقهر:كيف فيكي عملتي هيك فهميني كييف بقت ساكتة وعم تبكي اتحرك من مكانو بعصبية ومسكا من ايدا بعصبية وقفا وصرخ فيها:لك جاوبيني لاتسكتي ليش عملتي هيك ليش كانت عم تبكي بصوت عالي وترجف هي وبين ايديه رماها بقوة عالكنباي واتحرك من مكانو ورجع كمل وكسر كلشي قدامو:عطيتك كلللشي كلششي غيرت بحالي كرمالك كنت عم حاول كون متل ما انت بتحبي واتصرف على طريقتك صرت شخص تاني كلو لانو حبييتك عم تفهمي حبييتك وقفت بعصبية عم تصرخ:وانا بكرررهك عم تفهم بكرهك ولابعمري حبيتك ولارح يجي يوم حبك فيه بقي عم يطلع فيها بقرف وحقد وساكت كارول:انت بعمرك ماكنت اختياري كل القصة انو قبلت فيك كرمال صفقة مع ابي وبس هيك رجع بخطواتو لورا مومصدق الي عم يسمعو:حيدر انت حدا منيح حتى انك اطيب واحن شخص بالدنياا بس سامحني قلبي مو الي حيدر:من ايمت كارول:حيدر صرخ فيها بصوت مرعب:قلتلك من ايمت وانت عم تخونيني نزلت راسا بخجل :ماخنتك رفعت راسا بعصبية وهجمت عليه ودفشتو:ماخنتك ماخنتك فهااام انا خنتو الو معك خنتو الو وقت قبلت خطبتك وقت صرت على اسمك قدام الدنيا كلاا لاتاخد دور الضحية حيدر:ههههه طلعت انا الغلطان انو يجي ابوكي يرميكي بخلقتي وانك تفرجيني وجهك الملاك وتخليني حبك واتعلق فيكي بكون انا غلطت اي معك حق غلطت انو حويت وحدة متلك عندي هجم عليها ومسكا من ايدا بقوة:شو عم تعمل تركنييي سحبا واخد جزداناا ومشي فيها بسرعة:حقيرة مابتستحقي حبي فتح الباب ودفشا بقوة لبرا:حيدر حيدر بصريخ:انقلعييي لاتفرجيني وجهك مرة تانية انقلعي سكر الباب بقوة ودخل كان عم يتلهت:خاينة خاينة كلكن هيك كللكننننن قعد عالارض عم يبكي وحاطا راسو بين ايديه __عودة____ فتح عيونو واطلع على ساعتو كانت تجاوز الوقت نص الليل قام وطلع على غرفتو دخل اتدوش وبدل تيابو وقف قدام المراي:خلص كلو انتهى انا هلا حدا جديد ____ تاني يوم الصبح كان زياد وهاندا كل الوقت بالشغل وحيدر مختفي زياد:فينا ناخد بريك يعطيكن الف عافية كلو تمام قربت هاندا منو:كان بدي اسألك زياد زياد وعيونو بالكميرا عم يقلب بالصور:اي قليلي هاندا:وينو الاستاذ حيدر مختفي رفع راسو واطلع فيها عم يضحك وغمزا:شوبدك فيه هاندا:ااا لا ابدا مجرد سؤال بس انو بالعادة بكون حاضر زياد:اي عندو شغل بمكتبو اذا حابي تشوفيه طلعي لعندو هاندا:انا لا عادي زياد:ايه براحتك انا رايح اخد استراحتي مع حبيبتي بلاذن تركا هوي وعم يضحك اطلعت بالموظفين :شباب انا فوق بالشركة تركتن وطلعت __ كان عم يشتغل بالمكتب لما دق الباب حيدر:أدخل. فتحت الباب ؛صباح الخير ممكن أدخل حيدر؛يا صباح النور اكيد ممكن الك الصدارة والنا العتبة ابتسمت هاندا ودخلت حيدر: اتفضلي قعدي هاندا: شكرا حيدر:كيف الشغل والتحضير هاندا:كلو تمام وجاهزين مافي اي مشاكل حيدر:ممتاز اذا احتجتي اي شي خبريني هاندا:ماشفتك اليوم قلت اطلع سلم عليك حيدر:بفهم انو تأثيري بين عليكي هاندا:ما فهمت حيدر:يعني اشتقتيلي ابتسمت ورجعت خصلة من شعرها لورا ادنها :اكيد لا قلتلك حبيت سلم بس حيدر:طيب متل مابدك هاندا:اي حيدر: يلا لكن هاندا: لوين حيدر :لا تسألي امشي وبس قرب منا ومدلا ايدو اطلعت عليها وبعدا عليه ومدت ايدا وساعدا حتى تقوم طلعو سوا من الشركة وكان زياد رح يدخل:وين كنت زياد:جعت طلعت جبت اكل حيدر:بس كأنو مكبر الوجبة شو في حدا بدو ياكل معك زياد:ااا لاا انا جوعان بعدين بتعرفني فجعان يادوب يشبعوني حيدر:اي معك حق زياد:شو هاندا طلع كلامي صح وغمزا هاندا بخجل:مافهمت عليك استاذ زياد زياد:ليش هالاستاذ زياد حاف من تمك بتطلع معزوفة ولا اروع حيدر بعصبية:خلصناا زياد موفاضين زياد اتجاهلو: اي ماقلتولي لوين رايحين حيدر:نتغدا بتحب تروح اطلع زياد بالكيس معو واطلع بحيدر الي عم يبتسم من تحت لتحت:لاا صحة مشي الحال كات فيك تقلي قبل حيدر:لا قبل ولابعد يلا تقلع على شغلك مسك حيدر هاندا من ايدا من غير انتباه ومشوو حست هاندا برجفة غريبة سيطرة ع كيانها وضلت صافنة زياد عم يضحك:بفرجيك ياحيدر اذا مابجننك مابكون زياد احسن شي فوت شوف هيوشتي والله اشتقتلا قاعدين ع الشط وكل حدا صافن وكسر هالسكوت حيدر :وينو هاندا: مافهمت مين حيدر:الرجال يلي بتكتبي عنو صفنت فيه واتلبكت كتير وحكت بتأتأة: هو هو مسافر اي اي مسافر حيدر:لي عم تكذبي دار وجهو عناا وشغل سيكارة:يمكن تمرق قصتك عالكل بس عليي لاا هاندا:ااي قصة حيدر :قصة الرجل المزعوم هاندا: انت شو عم تخبص ماعم افهم عليك شي اطلع عليها بنظرة فوقية:فهمانة فهمانة هاندا:انت عم تخترع احاديث من عقلك حيدر :طيب ياستي رح اجي معك ليش ولا مرة نزلتي صوركن سوا هاندا:لأنو لأنو مابحب يتصور وين المشكلة بهي حيدر:ز لي اتلبكتي اول ما كشفت الحقيقة هاندا بضحكة:انا اتلبكت لا مو صح ..وبعدين اي حقيقة حيدر :بتذكري اول مرة شفتك فيها هاندا: اكيد حيدر :ايدك لي مافيها محبس الخطبة وحتى لي مابيتصل فيكي والاصح لي كنت هداك نهار منزلة على بروفايلك انك معو وانت كنت مع رفيقتك سكتت وماكان عندا جواب نزلت راسا باحراج حيدر:لي سكتي قرب منا ومسكلا ايديها ورفعت راسا:بتصدقي اذا بقلك اني بحبك اطلعت فيه بصدمة:شو عم تقول؟ حيدر:قلت انو بحبك ومعجب فيكي هاندا:انت قلتا اعجاب مو حب حيدر:كان ممكن لو انو هالحكي فعلا وقت شفتك بس انا بحبك من قبل وبحب كتاباتك وبحب كل البساطة الي فيكي بقت عم تطلع فيه بصدمة:انا مابعرف شو ممكن قول حيدر:ماتقولي شي فيكي تاخدي وقتك وتفكري برواق انا مارح اضغط عليكي حتى انو رح كون جاهز لحققلك كل الاحلام الي بخيالك وخليكي تكتبي قصص كتيرة تحكي فيها كل الناس كان عم يبتسم وهي صافنة فيه حاسي براحة كبيرة وعم تطلع بعيونو باعجاب ابتسمت وحكت بخجل:فينا نمشي هلاا حيدر:اكيد تفضلي وقف حيدر السيارة قدام الشركة ونزلت هاندا ومشت بس التفتت عليه:حيدر وجهلا نظراتو باعجاب هاندا:كون ناطر جوابي يوم العرض ابتسملا بحب وهي ضحكت ومشت اول ما بعدت ضحك بقوة:غبية غبية كلكن غبيات كلكن شغل السيارة ومشي فيهاا ____ دخل لعندن كانو عم يحضرو للعرض:كيف التحضير ياشباب *:كلو تمام استاذ حيدر حيدر:كملو شغلكن يعطيكي الف عافية اطلع بهاندا وابتسم هوي وعم يلتفت وقت شاف هيا جاي ركيد لعندو:خير هيا شبك هيا بتوتر:هوي هوي حيدر:اييي هيا:الست دلع بمكتبك حيدر:استغفر الله ياربي طلع بسرعة وزياد قعد يضحك زورتو هيا ولحقت حيدر هاندا:مين الست دلع زياد هوي وعم يقلدا:النمبر واان بعالم الموضة زوجة حيدر المستقبلية ههههه خلونا نكمل شغل احسن شي انزعجت هاندا من الي سمعتو وحاولت تدارك الموقف وتكمل شغل فتح باب مكتبو ودخل كانت ست بالخمسينات قاعدة ولافي رجل على رجل لابسة فستان اسود وكندرا حمرة وشعراتا عاملتن باللون الاصفر وطوال كانت بقمة الجمال بالنسبة لامرأة بعمرا:يييي حيدر اجيت حيدر:تفضلي مدام دلع دلع:مشتاقتلك بدي سلم عليك قربت عليه وحضنتو وهوي شادد على اعصابو بعدت عنو:مو معقول انت مابتقول اشتقنا مابتحن عليناا حيدر:عندي شغل دلع:وهلا الشغل اهم مني اطلع فيها وضحك:لا تواخذيني لاولوو معقول يكون اهم منك مدام قاطعتو:كم مرة بدي قلك انسة او ديموزيل مو معقول شو بتحب تكبرني بالعمر حيدر:تكرمي ماخبرتيني شو سبب زيارتك دلع بانزعاج وعم تهز برجلا:شو مستقلع حيدر:لا اعوذ بالله بس انو قربت عالطاولة وارتكت على ايدا:اشتقتلك وين حارمنا هالجمال يازلمة حرام عليك ارحم هالقلب المشتاق فرط حيدر ضحك دلع:وبيضحك وهوي مابيعرف انو ضحكتو بتاخد قلبي اي ضحاك ضحاك ياتؤبر قلبي حيدر:هوي بتنوري بس بدي اعتذر منك صدقا كتير مشغول بهاليومين رجعت عن الطاولة بانزعاج:اي بعرف العرض بعد بكرا هوي اخدت على خاطري انو مااخدتني انا عارضة ‏حيدر وعم يحبس ضحكتو:انت؟ ‏دلع:اي طبعا شوف ‏وقفت وبرمت بمكانا:لاتقلي كيف طالعة ‏حيدر:جميلة ‏مشت باتجاهو وعم تتمايل وهوي عم يحاول يكتم ضحكتوو ‏قربت مو وطت لعندو وحطت ايدا على خدو وهوي اتنكرز:اذا بتريدي ‏دلع :واذا قلتلك مابريد ‏قربت منو اكتر وقت انفتح الباب فجأة ودخل زياد:انا اجيييت ‏بععدت دلع بانزعاج :يييي زوزي ‏ركدت عليه فورا وحضنتو وسلمت عليه:لو تعرفي شو الك وحشة تركت كل شغلي كرمال اجي اتنور بشوفتك ‏فرط جعفر ضحك واطلع بهاندا الي كانت واقفة ورا زياد ‏قرصت زياد من خدو:شو اخبارك ياقشطة ‏زيااد:اااخ شوبدي احكيلك لاحكيلك تعي تعي ‏مسكا من ايدا وقعدا ‏اشر حيدر لهاندا تدخل:مرحبا ‏دلع بعدم انتباه:اهلا ‏زياد:متعبني يادلوعة مقضيها زياد تعا زياد رووح زياد طلاع زياد نزول ‏دلع بغنج:دودي موحرام زياد ‏اول ماسمعت هاندا اسلوب حكي دلع فرطت ضحك اطلعت عليها هاندا بانزعاج:ماتعرفناا ‏هاندا:انا هاندا العارضة الجديدة ‏قاستا بنظراتا من فوق لتحت:ايواا ‏اطلعت بحيدر:من ايمت ذوقك صاير هيك ‏هاندا:عفواً؟ ‏دلع:عم حاكي دودي انت خليكي على جنب ‏هاندا وعم تقلدا:بس بدك تحاكي دودي تبعك ياريت ماتكوني موجهة كلامك الي ‏فقعا زياد ضحكة بصوت عالي وزورو حيدر وسكت:بعتذر ‏قام حيدر من مكانو ومشي باتجاه هاندا ومسكا من ايدتا كان بدا تسحبا بس شد عليها:معقول يا ست دلع هيك بتزعليلنا الحبيبة ‏اطلعو تلاتتن فيه بصدمة وشهقو سوا؛شووو حبيبتك ‏دلع:كيف كيف كيف يعني حبيبتك ‏حيدر:يعني حبيبتي ‏حط ايدو على كتفا وضحك:هندوش هي الخالة والست دلع من اهم زبايناا هون ودائما الهاا قيمة خاصة وغالية عنا ‏هاندا:تشرفنا خالة عفوا ست دلع ‏مدت ايدا حتى تسلم عليها بس دلع كانت مصدومة وعم ترمش بعيونا بسرعا حطت ايدا بايد هانداا:انا مستعجلة بدي روح بلاذن باي زيزو بشوفك ‏اخدت شنتا وطلعت بسرعة وحيدر عم يضحك بعدت هاندا عنو بانزعاج: ‏حيدر:زياد ‏زياد:عيونو ‏حيدر:اخلي حبيبي ‏زياد:اي من عيوني سلام ياحبايب ‏طلع هوي وعم يضحك وسكر الباب هاندا: ‏قبل شوي بتكون عم تقلي بحبك وهلا بلاقيها رح تقعد بحضنك وقت فتنا وشوو دودي والله شي حلو ‏تركتو وكانت بدا تطلع بس مسكا من ايدا وسكر الباب وركاها عليه:شبك ‏اتوترت كتير من قربو الزايد منا:بعد عني ‏حيدر:مارح بعد اذا ماعرفت شبك ‏هاندا:ماشبني شي تركني بدي روح ‏حيدر:ممنوع ‏هاندا:قلتلك تركني ‏حيدر:غرتي؟ ‏ضحكت:انا من شو بدي غار بالله من وحدة قد امي ‏حيدر:اخس عليكي موشايفتيها طالعة صبية العشرين ‏هاندا:اي روح تزوجا لكن ‏حيدر:بدي اتزوجك الك ‏قرب منا اكتر وباسا على خدا:بعرف انو حقك تغاري بس ماتتركي الشغل تاني مرة ‏بعد عنا عم يضحك ورجع قعد ورا كرسيه ‏هاندا:انت انت كيف بتسمح لحالك انو ‏حيدر:انو شوو ‏هاندا:اووف ياتركتو طلعت معصبة وهوي بقي عم يضحك:هبلة هالبنت ‏فجأة تلاشت ضحكتو وقت اتذكر كلاماا مع حلا عن الشباب وانو يومين فيا تطبقو وعبس وجهو وانزعج ‏ورما المصنف الي بايدو على المكتب بعصبية ‏____ ‏قاعد عم يرسم بكل دقة وحدو زياد عم يشتغل بوراق وقت وصل اشعار لموبايل زياد فتحو وضحك:الحبيبة فاتحة بث ياغالي ‏حيدر:تعا تعا ‏قرب زياد وقعد حدو وعم يتفرجو كانت هاندا قاعدة عالبلكون وضابي شعراتاا وبشرتا مبينة صافية ورايقة:مشان ماتقلولي هاندا ولامرة شفناكي وانت بالبيت دائما بتكوني بأبهي طلة ‏ضحكت وقت شافت المشاهدات ‏زياد:يازلمة بدقيقتين مليونين مشاهد ‏هاندا:بعرف الي فترة غايبة بس عم حضرلكن لمفاجأة حلوة وحتى شاركن فرحتي دائما كنتو انتو السند الحقيقي الي وبتدعموني بكل خطوة ‏دائماً نحنا البشر بطبيعتنا بكل ليلة قبل مانام مندعي انو يصير معنا شي حلو بكل يوم بنام وبفيق وبلاقي الحب عم يكبر بقلبي اكتر واكتر ‏ضحكت:هالمرة عم نحكي بعيد عن اسلوب الكتابة حابي قلكن رسالة مني الكن:الحب شي كتير حلو وعظيم مو دائما مرارة الواقع الي عم نعيش فيه تسمحولا تأثر عليكن او تنشر السلبية خلونا اشخاص ايجابين نتقبل حالنا بكلشي فينا بسيء قبل الايجابي ‏ماتدخلو بعلاقات وهمية ماتعبو قلبكن عالفاضي مافي شي مستاهل خليكن دائما حقيقين ماتتصنعو والاصدق بكل هاد انو الي بحبك رح تكون دائما بقلو ولو كان بين بعدك وبعدو نجمة ‏حيدر:استاذة بالكذب ‏قام من مكانو وطلع برا الغرفة ‏زياد:غبي ‏ورح تضل غبي *الـــــــــ͢ـོ͓ـــنهـــــــايـــــــོـ͓ـــ͢ــة* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```