*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *نصيب تحت الصيانة😶* *❴🔢❵☟الـــبـــــــــــ❴1️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ رح نبدا بلمحة عن أبطال القصة وشخصياتهم ضروري نتعرف عليهم هالمرة من البداية غزل " بنت عمرها 28 حلوة بيضة عيونها شهل وملامحها ناعمة مهضومة كتير وقلبها طيب " رباب " ام غزل امرأة كلاسيكية .. عايشة حياتها عالبخور والاعشاب وسكب الرصاص والخرز الأزرق وهي الخرافات وبتعتقد انو الشي يلي مقتنعة فيه هو الصح " رقية " خالة غزل .. فتاة اربعينية .. عايشة مع اهل غزل , مهوووسة بعلم الأبراج والطاقة والفلك ومسيّرة حياتها على هاد الأساس " خالد" ابو غزل انسان هادي جداً وقليل حتى يحكي بس لما بيحكي بيتفلسف شوي " ** ببيت متواضع مرتب وريحة البخور طالعة منو غزل واقفة ومتوترة وعم تطق أصابعها _ ماما اذا صارت شي مصيبة هالمرة انا بدي اترك البلد , بدي اعيش مع بيت عمي بالمزرعة بربي جاج وبحلب البقر احسنلي امها ماسكة البخور وعم تدور بالصالة _ استغفر الله العظيم استهدي بالله وشيلي هالأفكار من بالك هاد سابع عريس بس رقم سبعة حلو وفيه خير خالتها وهي قاعدة لافة رجل على رجل وحاملة دفتر وقلم نزلت نظارتها الطبية من على عيونها وقالت _ اذا برجو مو متوافق مع برجها انا بدي وقف الخطبة بنفسي .. اول ما يوصل لازم اسألو عن مواليدو وساعة الولادة غزل: خالتييي خليني انخطب بعدين اعملي تحليل DNA اذا بدك فجأة اندق الباب كلو خاف واتوتر وصارو يركضو بالصالة ويفوتو ببعض ** دخل نائل وهو حامل بوكيه ورد بإيدو وبلش يحكي بكل تهذيب طبعا رقية (خالة غزل ) استلمتو اسئلة عن برجو وساعة ولادتو وكل معلوماتو واتنهدت برياحة وغمزت لأختها رباب انها موافقة نائل كان عم يحكي بأدب زايد _ اهلا وسهلا شرفتونا وانستونا .. حابب اتعرف على الانسة غزل كتير لانو عنجد حاسسها من عالم تاني غزل كتمت ضحكتها وحكت بقلبها :مو ناقصني غير هالأجدب بس اذا بكون ضفدع بدي انخطب الليلة يعني بدي انخطب غزل : عالم تاني ؟؟ شو فضائية ؟ نائل عم يرجف : لا لا قصدي نورك طاغي قربت رقية من رباب وهمست بإذنها : شايفة عم يرجف رجفة خفيفة برج العقرب بيتأثر بسرعة .. بدو كم جلسة بعلم الطاقة ** بعد مدة قصيرة من السوالف الغريبة مضوها على خير واتفقو يلبسو العرسان المحابس رباب ركضت تضيف قهوة وتمر وهي عم تحمد الله انهم وصلو لمرحلة لبس المحابس .. وهي اول مرة بيوصلوها اول ما شرب نائل رشفة قهوة قام وقف وفتح عيونه عالآخر وبلش يصرخ : _ في شي غلط .. الأرض .. مااايلة ... غزززل!! انزلي من عالطاولة بسرررعة !! غزل مصدومة _ عالطاولة؟؟ انا عالكنبة نائل شبك !! نائل بصير يحرك ايديه بشكل عشوائي كأنو عم يكش ناموس _ في تهديد !! .. انا تدربت منيح .. نظام الإنذار شغال ! رقية عم تلطم بصمت _ كنت متأكدة طاقتو ما ناسبت طاقة بيتنا بالمرةةة رباب عم تواسيها : _ لا اختي هاي مو طاقة هاد شكلو مس صايبو بدو سكب رصاص خالد( ابو غزل ) بيسند ضهرو وبكتف ايديه _ ما في شي ما تخافو .. هاد مهندس كهربا .. شكلو ضرب عندو الحامي بالبارد من كتر الشغل يا حرام غزل بين هالفوضى عم تحاول تقنع حالها انو كل شي طبيعي وانو نائل متوتر مو اكتر غزل : نائل تعال نتصور بالمحابس نائل وقف عالكنباية وصار ينط ويصرخ ويشد بشعرو _ انا مو ناااائل انا مو خاطططب .. بعدو عنييي .. بعدو عنييي .. سكرو القاطع ركض وطلع من البيت حافي وامو لحقتو وهي خايفة على ابنها غزل : لككك نسي جزمتو يا عااالم !! رباب : يلا بنتي لو كان خيراً لبقى بكرا بيبعت حدا ياخدها .. شكلكن مو من نصيب بعض ** غزل متربعة على ارض البلكونة تبعها وعم تفصفص بزر ودموعها عم يشرو من عيونها من الضحك وشوية حزن وعم تحكي لهبة شو صار وهبة قاعدة كمان ببلكونتها وعم تسمع وفرطانة من الضحك (هبة رفيقة غزل المقربة وهن جيران وبلكونة غزل لازقة لزق ببلكون هبة وكل يوم بيسهرو سوا ) هبة عم تحاول تاخد نفس من الضحك: _ هييك لكن... وانا عم قول شو صوت هالنط والدبك يلي طالع من عندكم ..والله فكرتك انخطبتي وعم تحتفلو وترقصو وتدبكو غزل : من وين يا حسرة عم قلك طلع حافي من بيتنا ... انا هلأ اتأكدت انو منحوسة انا هبة: لاااا القصة اكبر من نحس شكلو معملك شي عمل غزل : اصحك امي تسمعك .. والله صارت ساكبة يمكن خمسة كيلو رصاص فوق راسي.. وكل يوم بتشربني قبل ما نام عشبة رجل النمل مدري اذن الفيل والله ما عاد اتذكر ..معدتي مسكت من كتر الاعشاب ..صرت خليها تطلع من الغرفة واسقي الزريعة زهورات هبة : وخطبت ؟؟ غزل : مين؟؟ هبة : الزريعة هههههههههه غزل : لك تضربي ما اغلظك .. انا فايتة نام احسن شي هبة : سمعي غزوول .. بكرا جاية بنت خالتي لعندي بدنا نسهر ها غزل : بشوف ..تصبحي على خير دخلت غزل وتمددت بتختها وصارت تفكر بينها وبين حالها _يا ربي ليش هيك عم يصير معي والله مو طالبة غير عريس ابن حلال يصوني ويحميني ..يا ربي ما بدي كبرتي تكون متل خالتي رقية لفت عجنبها وغفلت بلا ما تحس ** تاني يوم المسا هبة رمت حجرة صغيرة على بلكون غزل طلعت غزل لابسة بجامتها وعم تفرك عيونها غزل : في اختراع اسمو جرس ..في اختراع اسمو تليفوون بكرا بتكسريلي البلور هبة : شو نايمة ..الله يشبعك نوم تعالي اجت حلا بنت خالتي اليوم السهرة صباحية غزل: مو جايي عبالي شي بدي اناام هبة : ما في نوم ممنووع ..بكرا بتدخلي بحالة اكتئاب ..يلا جبت عدة السهرة وعملت اركيلة غسلي وجهك وتعالي استسلمت غزل ودخلت غسلت وجها وغيرت بيجامتها وطلعت عالبلكون ** السهرة عمرانة وعم يحكو ويضحكو وغزل بلشت تغير جو هبة : غزلة حكيلها لحلا كيف انخطبتي ٦ مرات .. لا لا سبع مرات حلا اختنقت بالقهوة حلا: شووو سبع مرات ؟؟ انتي لازم تدخلي موسوعة غينيس غزل : انو موسوعة .. غينس بذات نفسو اذا عرف شو صار كان سكر الشركة!! حلا : بالله حكيلي غزل بلشت تحكي صحيح كان الموضوع حزين بس بنفس الوقت كل ما بتتذكر خطبة من الخطبات بتفرط من الضحك لانو عنجد كان شي ساااخر ** /////فلاش باااك///// العريس رقم (١) (مروان) . . قاعدين بالصالون وكل شي تمام وعم يتعرفو على بعض غزل ومروان والظاهر بلش في اعجاب وتطابق افكار فجأة مروان بيوقف وبيطلع بغزل وبيحكيلها بنبرة حزينة : _انتي طيبة ... طيبة متلي .. بس مو اطيب من الشاورما !! وقف بنص الصالة ضامم ايديه على صدرو وصار يدور بأرضو متل سيخ الشاورما ويعمل صوت : شششش🔥 رقية بهمس : معلش خالتي برجو ناري بكون عصبي وعندو حركات غريبة بس عادي بتقطع رباب : الله يقطعك يا ابو مرزوق على هالبخور يلي عطيتني ياه شكلو خربان او فيه حشيش ... بكرا لازم غيرو . بعد شي خمس دقايق وقف واتصل بمحل شاورما قريب وطلب وجبة شاورما اتربع بنص الصالة وصار ياكل وكأنو شي مشهد من ناشونال جيوغرافيك تحت عنوان " خلق ليفترس " خالد: الله يثبت علينا العقل و الدين .. لك عمي ما زالك بتحب الشاورما كان جبتلنا معك كم صندويشة بدل الشوكولا يلي بتلزق بالأسنان يلي ناتعها معك اتجاهل الحكي وكمل اكل خلص اكل رما الصحن بالهوا وهرب حرفياً اكل وهرب /////باااك///// حلا : شووو بتمزحي ..اكيد واحد مو بعقلو وحدا مسلطو عليكي عادي بتصير غزل : انا قلت هيك بالأول .. بس بعدين لما شفت سامر قلت اكيد في صدفة او غلط حلا : مين سامر؟؟ غزل: هاد يا ستي ..... *الـــــــــ͢ـོ͓ـــنهـــــــايـــــــོـ͓ـــ͢ــة* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```