*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *نصيب تحت الصيانة😶* *❴🔢❵☟الـــبـــــــــــ❴2️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ ///// فلاش باك ///// العريس رقم (٢) (سامر) . . دخل سامر هو واختو _سامر يقبر قلبي فنان من هو وصغير مهووس بالفن الموسيقي خالد: و على شو بيعزف بلا صغرة ؟؟ سامر: لا عمو انا ما بعزف انا بغني خالد: اي سمعنا لكن شي بصوتك .. دخلت غزل حاملة القهوة ركض سامر لعندها واخد صينية القهوة من ايدها وبلش يوزع الفناجين وصل لعند خالد ودلق فنجان القهوة عليه وخالد صار يصرخ لانو القهوة سخنة شلح بسرعة بلوزتو وبقي بقميص شيال سامر اعتذر وسحب البلوزة من ايد عمو قعد بالارض وسكب كاسة المي على البلوزة وصار يدعكها بإيدو ويغني : "حبيبي قرب بص ..بص زعلان ازعل ...ازعل اه ونص " ابو غزل ضرب عراسو ورقية دخلت بسرعة تجيب كتاب الابراج لتكشف ليش هيك صار مع العريس اما رباب ما استحملت شدت سامر واختو من تيابهن ورمتهن برات البيت وهي عم تتف يمين ويسار وتتعوذ بالله غزل فارطة من الضحك غزل : ماااماا عيب عليكي تقلعيهن هاد فنااان /////بااااك///// حلا بعمرها ما ضحكت هيك حلا : احم احم ... يبعتلك الهنا يا غزل رح اختنق من الضحك ...بربك هي قصص حقيقة ولا عم تخترعي من عقلك غزل : هههههه لك والله حقيقة شبك اسألي هبة هي بتسمع اصواتنا كل ما اجو خطابين هبة : اي والله وانا ما صدقت بالأول لحتى حضرت معها العريس شو كان اسمو ؟؟!! غزل : اممم فؤاد .... /////فلاش باك///// العريس رقم (٣) (فؤاد) . . اول ما دخل فؤاد دخل بدون حدا من اهلو هبة عم تهمس بإذن غزل : شكلو طبيعي .. بس حدا بيجي بيخطب عروس بالتيشرت والشورت غزل : هاد بحد ذاتو كارثة بس يلا لنشوف شو بيطلع معو بلشت غزل تحكي معو وتسألو اسئلة عن حياتو وهو كمان يبادلها اسئلة غزل مكملة بس حاسة حالها مو مرتاحة فؤاد : اي انسة غزل انتي ما بدك تتحجبي ؟؟ غزل : والله ما بعرف ما فكرت من قبل بس اذا الله هداني ليش لأ فجأة مد ايدو على كنزتو وسحب صفارة معلقها برقبتو وحطها بتمو وصفر صفرة قويةةةة الكل انصعق ونقزو صرخ فؤاد : ضربة جززاء ..عارضة عارضة ..بنعيد السؤال ...بدك تتحجبي انسة غزل غزل : بسم الله ..قلتلك بس الله يهديني رجع صار يصفر متل المجنون ويركض حولين الكنب بالصالة ويهرول هبة ما قدرت تكتم الضحكة وصارت تضحك بصوت عالي وقف ركض .. هجم على هبة ووقف قبالها وعيونو عم تقدح شرار هبة واقفة قدامو بلشت تخاف بلعت ضحكتها وسكرت تمها فجأة مد ايدو على جيبة الشورت وطالع منو بطاقة حمرا ورفعها بوجه هبة وصفر صفرة قوية وصرخ : تدخل غير شرعي بالعلاقات الأسرية !! هون هبة ما تحملت ورجعت تضحك ضحك هستيري والكل صار يضحك على حركاتو خالد قام ومسكو من كنزتو واخدو لبرا البيت خالد : تسلل ولا حيوان طلاع من بيتي قبل ما شقلك هالطابة يلي بين كتافك .. لعما شو هالبلا ////باااك //// البنات عم يضحكو بقوة وهبة واقفة عم تقلد فؤاد كيف كان عم يركض بالصالة حلا وهي لسا بتضحك : لك غزل ما تعقدتي بعدين ؟؟ غزل : بتصدقي لأ ..كنت عم اتسلى واستنى كل عريس بدو يجي لأعرف كيف رح اضحك هالمرة .. كان كل واحد غييرررر شكل وخصوصي ماهر ابو نقطة /////فلاش ياك///// العريس رقم (٤) (ماهر) . . ماهر شب وسيم وحلو وعريس مثالي لحد ما بلش حكي ماهر: انا... اسمي...ماهر....وبشتغل.... مهندس.....بس...قلبي...عاطل...عن...العمل...من... يوم...شفتك💔 غزل وهي بتحاول تصبر : _احكي عادي ليش تارك فراغات بحكيك ،ترا عم نخطب ما عم نبعت فاكس رباب بهمس : يا ربي دخيلك شو هاد ، حاسستو برنامج كومبيوتر بدو تحديث رقية : لا هاد شكلو شربان شي قبل ما يجي ..او راكبو شي جني مختص بتفكيك الكلام رباب : اعوذ بالله ..تف تف تف كش برا وبعيد خالد: عمي بتشرب مي وسخة شي؟؟ ماهر : لا.. عمي...بشرب...مي...من...الفيجة...ليش..عم...تسأل؟ خالد : المولدة وقت يحطولها مازوت مو نضيف بتصير تقطش هيك ههههههههههه الكل عم يضحك وحتى ماهر طلع وهو عم يضحك ضحكة مقطشة /////باااك///// هبة : ههههههههههه ولي هاد كنت نسيانتو حلا : ههههههه عنجد نهفة ولسا عيلتك فيلم تااني غزل : عيلتي ..عيلتي بلشو يتأقلمو وصار بدهم يخطبوني لحدا هيك بيعمل اجواء بالعيلة ..وبقيو مقررين هاد القرار لحد ما اجا أنس وتخانق مع ابي حلا : ومين انس كماان ؟؟ /////فلاش بااااك ///// العريس رقم (٥) (أنس) . . أنس كان كل ما بدو يحكي شي يبدأ بحديث او مثل شعبي أول شي اخدو عنو فكرة اهل غزل انو انسان حكيم وواعي بس بعدين اكتشفو الغلط لما طلع بيحكي اي شي حتى لو ما الو علاقة . غزل : شو بتشوف فيني شي مميز ؟! انس: الدين النصيحة ، وانتي نصيحتي بالحياة . غزل بتطلع متل الهبلة : شووو؟؟ انس كمل حكي بجدية : من جد وجد ومن زرع حصد .. ومن خطب غزل نيالو . خالد : يا ابني احكي شي ظابط حاج تفوت من سيرة وتطلع من سيرة انس اطلع بخالد وقال : قل خيراً او اصمت . خالد : انا عم تسكتني يا ابن *** هجم عليه خالد ومسكو من قبتو رقية : اختي عملي شي رح يبتلا فيه رباب : انا اصمت احسنلي .. رقية : غزل !!! غزل عم تضحك وماسكة بطنها من الضحك : خالتي عصفور بالإيد وطلع البدر علينا هههههههههه ////باااك //// حلا : ههههههههههههاي وشو صار فيه ؟؟ غزل: دقو ابي قتلة وقلعو هههههههه ////فلااش باااك/// العريس رقم (٦) (باسم) دخل باسم كان مرتب وحلو وشخصية غزل هون قالت خلص هاد هو ..هادي ورزين وصرلو ٤٥ دقيقة قاعد ما عمل ولا حركة مشبوهة ولا حتى حكى شي ما حكى ؟!! قربت غزل وبلشت تسألو لحتى تشوف بيحكي او لأ غزل : حبيتني ؟؟ باسم مبتسم: 👍 غزل : شو حابب تعمل بالمستقبل ؟؟ باسم : 🤷🏻‍♂️ خالد: هو في خلل بالنطق يا ابني ؟؟ باسم : 👎 رباب عم تقرأ على مي وتعطيه ياها رباب : هاد في حدا ربط لسانو !! باسم: 😕 رقية : روح ابني روح بنردلك خبر بكرا باسم :👋 بعد ما طلع .. خالد : اي شو رأيك يا بنتي بالعريس ؟؟ غزل: 🤷🏻‍♀️ رباب عم تقرأ على كاسة مي جديدة رباب : ولي على قلبي انعديتي منو ؟؟؟ غزل : هاد اذا اتزوجتو رح يصير بيتي انا وهو متل كروب العيلة عالواتس ميت التفاعل فيه 😕 ////بااك //// الصبايا عم يضحكو وما هدو ابدا حلا : هههههه والعريس السابع نائل مو يلي حكتلي عنو هبة هرب بلا جزمة ههههههههه غزل : اييوااا هو بذاتو حلا : شيلي المزح والضحك عجنب ..عنجد شكلو معملك عمل لحتى هيك عم يصير معك غزل: عمل شو مين بدو يعملي عمل حلا : شو بعرفني صفنت حلا شوي ورجعت حكت حلا : بس بعرف وحدة بتعرف !! فتحت موبايلها حلا وطالعت رقم اتصلت فيه طول كتير وهو برن غزل : لك مع مين بتحكي ؟؟ حلا : مع الساحرة فايزة هبة : ومين هي فايزة بعدين الساعة ١١ الناس بتكون نايمة هلأ حلا : هي المرا هي يلي رح تخلص غزل من هاللعنة .. وفايزة هلأ شغلها مو انسانة عادية بتنام بالليل وبتفيق بالنهار لا لا عكس كل الناس ...ها ردت *** الساعة ١١ ونص بالليل حارة بعيدة شبه مهجورة بيت قديم الو باب حديد بزقزق وبطالع صوت مرعب الحيط مكتوب عليه بلون احمر بيشبه الدم (الشيخة فايزة لفك التعطيل وجلب الحبيب ..) وعالطرف التاني مكتوب ( ادخل واترك خوفك براا ) غزل وهبة وحلا نزلو من سيارة حلا ووقفو جنب بعض ومسكو بإيد بعض وهن عم يرجفو هبة : يالله ليش جينا هلأ كان خليناها للنهار حلا : قلتلك الست فايزة هلأ بتشتغل ..بعدين احمدي ربك عطتنا موعد مستعجل وما اجلتنا شي شهر لقدام غزل واقفة وعم ترجف وتقطش بالحكي _ ااانااا ..مااا ععاد بددي اتتزوووج ..خلونااا نررجع عالبيت حلا سحبتها من ايدها ومشيت وهبة راكضة وراهم وبإيدها صندويشة فلافل عم تاكلها لتخبي الخوف يلي جواتها ماشيين بحذر وصوت غراب بالسما عم يلعلع وصوت قطة بتخربش وبتتخانق مع كيس نايلون فجأة سمعو صوت قوي ومخيف وانفتح باب البيت شوي شوي وهو عم يطالع صوت صرير حلا :حرفياً الاجواء كأنها فيلم رعب .. هبة عم تاكل ولقمة علقانة بتمها وغزل عم ترجف اجاهم صوت الست فايزة من جوا كان خشن وغليظ _ادخلو يا بنااات .. دخلو بهدوء غرفة شبه عتمة مليانة دخان بنفسجي فيها طاولة صغيرة عالأرض عليها مبخرة طالع منها ريحة بخور على ريحة مشاوي جنبها بلورة صغيرة بتضوي لون احمر 🔮 ومسابح من جهة وصحن فيه ملح وزعتر الست فايزة لابسة عباية سودة طويلة وعلى راسها شال مزخرف باللون الاحمر وعلى وجها رسمات ونقط متل البدو دابة راسها بالبلورة وما التفتت عالصبايا ابدا قعدو البنات بالارض وهن خايفين _ مين فيكن غزل الملعونة ؟؟ رفعت ايدها غزل متل الطالبة الشاطرة وهي بترجف وبصوت شبه مسموع : _اانا... _عليكي لعنة رقم سبعة معملك عمل ما تتهني بعريس ومدفونة بمكان مجهول ... شايفة شباب عم تطلع وتنزل عدراج ..بيطلعو مشي وبينزلو ركض غزل: اي اي هدول العرسان _ شامة ريحة تومية غزل : اي اي هاد مروان ابو الشاورما اطلعت فايزة عليها بنظرة مرعبة وحكت بصوت تخين _ الفلافل ما بينحطلها تومية.. وسحبت بسرعة الصندويشة من ايد هبة يلي قاعدة وفاتحة تمها عالآخر هبة ما توقعت وصرخت صرخة عالية من الرعبة حلا حطت ايدها على تم هبة وكتمت صوتها حلا : كملي شيختنا كيف بنفك اللعنة ؟؟ غمضت عيونها ونتشت لقمة من صندويشة الفلافل ومدت كفها تجاه البنات وحكت _ ٢٥ الف حلا نكشت غزل وغزل استوعبت متأخرة .. طالعت مصاري من شنطتها وحطتهم بإيد الست فايزة خبت المصاري بعبها وكملت حكي وهي عم تاكل _ بدنا نعرف وين مدفون العمل رجعت مدت ايدها بنفس الطريقة غزل طالعت مصاري وحطتهم بإيدها خبتهم وكملت حكي وهي بتطلع عالبلورة _ شايفة كنباية عريضة لونها زيتي وعليها بقعة زيت هبة بهمس : هي مو الكنب يلي بالصالة عندكم ؟؟ بس لونها اصفر مو زيتي غزل بهمس: اي صح بس هي انهرت وباخ لونها من كتر الضيوف فايزة بصوت مخيف : هشششش سكتو .. السحر مدفون بقلبها ..وما بينفك الا اذا تخلصتي منها نهائياً ...واوعك ثم اوعك تستقبلي عليها عريس جديد لانو لعنة رقم سبعة رح تستمر للعريس رقم ١٧ غزل : لا لا خلص رح اتخلص منها وقفو البنات وبدهم يمشو تسكر الباب بقوة البنات يصرخو بخوف : اععععععع شو هاد ؟؟ فايزة غمضت عيونها ومدت ايدها _نسيتي تبيضي الفال قبل لا تروحي حطت غزل كل المصاري يلي معها بإيد فايزة ومشيت بسرعة وهم بيتوجهو ناح الباب خبطت بشخص ما كان مبين عالعتم غير شعرو المنكوش وجسمو المليان والضخم صارو يصرخو بالمقلوب مدت ايدها فايزة وشغلت الإضاءة لانو حتى هي ارتعبت من الخيال شافو رجل كبير بالعمر بنيتو ضخمة وشعرو منكوش لابس بنطلون بيجامة وشيال داخلي كرشو مترين قدامو واقف عم يفرك عينو بإيد والايد التانية داحشها بأنفوو ارتاحت شوي غزل لما عرفت انو زوجها للست فايزة وطلعت هي والبنات بيركضو من البيت وتركو فايزة عم تتخانق مع زوجها كيف بينزعلها شغلها ركبو بالسيارة وهم بيلهثو وعم ينتشلو نفسهم نشل غزل : يخرب بيتها شلحتني ٥٠٠ الف وانا عم اضحك والعب حلا : المهم هلأ نتخلص من الكنباية هبة : بدي صندويشتييييي (تبكي) حلا: هلأ بجبلك بدالها اسكتي شوي غزل : اوعكم تحكو شي لأهلي والله اذا عرفو بيخوتوني امي بتصير تكبسني وتبخر فيي وبتسممني زهورات واعشاب وخالتي بتقعد تبحث بعلم طاقات الأثاث وابي بصير بدو حديث يحكي فيه حلا : اي شلون رح نتخلص من الكنباية ؟؟ غزل : بكرا رح الاقي تصريفة لأهلي برا البيت وبعدها بنتصرف بالكنباية اللعينة هبة : بدي فلافل ... غزل : خلص امشي نجبلها فلافل هي جنت *الـــــــــ͢ـོ͓ـــنهـــــــايـــــــོـ͓ـــ͢ــة* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```