*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *نصيب تحت الصيانة😶* *❴🔢❵☟الـــبـــــــــــ❴3️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ "الكنبة اللعينة والبنت المسكينة"😭 صحيت غزل بوقت متأخر وقامت ملهوفة بتحاول تقنع اهلها يطلعو شي مشوار واخيرا اقتنعو وطلعو من البيت *** بعد فترة واقفين حلا وهبة وغزل قدام الكنباية المنحوسة وغزل عم تتذكر كيف بكون العريس بطير العقل وبس قعد هون بصير متل المهرج لبسو قفازات بإيديهم هم التلاتة وقربو بشجاعة ناح الكنبة وكأنهم بدهم يعملو شي جريمة حلا بصوت قائد : يلا كل وحدة تمسك جهة خلينا ننزلها نرميها ونشتري غيرها قربو بشجاعة واول ما حاولو يرفعوها فرطو كل وحدة بجهة غزل : اااااخ ظهررريييي هبة : ولي شو هاد تقولي جبل أحد ما قلتي انها خفيفة ؟؟ حلا وهي متجاهلة الم ظهرها : يلا محاولة تانية بندفشها دفش عالباب دفشوها بصعوبة لحد ما وصلوها لجنب باب البيت وعلقت بالباب وكل ما يدفشو فيها توقع وحدة فوقها .. هبة : اي وكيف بدنا نطالعها لبرا الباب ضيق غزل : لحظة طالعة اسحب من برا وانتو دفشو رح نوقفها ونطالعها بالطول نطت غزل من فوق الكنباية وصارت برا البيت وحلا وهبة جوا هم وبيدفشو وهي بتسحب والكنبة بتطلع بصعوبة وبطئ من باب البيت لحد ما دفشو دفشة صار الكنب كلو برا اتنهدو هبة وحلا برياحة _هففف واخيرا _شو هالصوت ؟؟ _غزل !! _غزل وينك ؟؟؟ كانت غزل واقعة تحت الكنباية يلي رجعت وقعت بالعرض و بدون ما يحسو عليها وعم تصرخ وصوتها مكتوم اطلعو ببعض وركضو من فوق الكنباية وصارو يرفعو فيها بصعوبة لحد ما قدرو يطالعو غزل طلعت غزل شعرها منكوش وملابسها مخزقة وعم تاخد نفس بصعوبة حلا :انتي منيحة ؟؟ ابتسمت غزل :كأنها كانت بتبلعني... يلا كلو فدا العريس صارو يضحكو على منظر غزل وقعدو يريحو شوي عالباب وبهالفترة ما ظل حدا من الجيران وما شافهن الجارة الحسودة : شوووو بتغيرو عفش البيت عالعيد ؟؟؟ الجار منتهز الفرص : انا باخدها على عيبها ب ١٠ الاف جارتهم الشحادة : عطوني احرقها بدفي حالي هالشتوية فيها وبلا مااحط حق مازوت اتجاهلوهم وكملو البنات دفش بالكنباية غزل : الخطة هلأ بندفشها دفش عالدرج واذا تكسرت احسن بناخدها قطع وبنحرقها بشي ساحة هبة ،حلا : اوكي بلشو يدفشو بالكنب بصعوبة لحتى هووووووب وقعت من الطابق التالت عالتاني فرد سحبة و فرطت صوت من بعيد : اااخخخخخ حلا : شو هالصوت هبة مدت راسها بخوف من على ميل الدرج ورجعت ماسكة راسها هبة : ولي رحنا فيها .. ولي صرنا مجرمين حلا: لك شو في شو صار ؟ هبة : الكنباية وقعت فوق حدا ركضو هن التلاتة ليشوفو مين تعيس الحظ يلي بلعتو الكنبه جارتهم بالطابق التاني عم تصرخ : ولييييي يا مجرمين قتلتو ابن اخيييي صار يرفعو بقايا الكنبة بصعوبة حتى قدرو يزحزحوها من فوقو كان هون شب متل القمر مغمى عليه ولا من تمو ولا من كمو وزر الكنبة معلم على خدو غزل : ولي على قامتي اتصلو بالاسعاف رح يروح فيها الزلمه ..كلو بسبب هالكنبة المنحوسة حلا عم تتصل بالاسعاف وهبة عم تلطم على خدها جنب غزل الجارة بتتوعد : لخليكن تتخو بالحبوس يا نوَر يا كلاب... ولي على قلبي عليك يا غالي يا ابن الغالي بعد مدة الاسعاف على باب البناية غزل بترجف وهبة بتلطم وحلا بتحاول تدارك الموقف اخدو الشب وعمتو بالاسعاف والصبايا امنو على الكنبة انو اخد بقاياها جارهم وحرقها بالساحة ورا البناية بعد ما اخد اجرة ركبو بسيارة حلا وانطلقو عالمشفى قاعدين ناطرين الدكتور يطلع من غرفة الفحص والجارة طول الوقت بتهدد فيهم طلع الدكتور الكل : طمنا دكتور _اطمنو شوية رضوض بسيطة وكسر بالايد غزل : كان مغمى عليه ليكون عندو شي رجة بدماغو الجارة : والله انتي يلي عندك رجة براسك دكتور: اطمنو هو فقد الوعي من الوجع بس هلأ صحي فيكم تدخلو لعندو بس زيارة قصيرة ها دخلو كلهم بدهم يطمنو عليه عمتو ركضت عليه ولفتو بإيدها _ااااخ عمتي شوي شوي عليي _اسفة يا قلبي.. خوفتني عليك _انا منيح عمتي الحمد لله مضت على خير مين الصبايا الحلوين نزلو راسن بخجل _عمتي هدول الثلاثي المجرمين يلي وقعو الكنبة عليك ..والشرطة برا هلأ بنشتكي عليهم هبة : شو شرطة ما شرطة خالة ام محمود الله يوفقك بلاها هالشرشحة حلا : يعني قلنالك مو بقصدنا اتدحرجت الكنباية واجت على ابن اخوكي وليكو متل القرد عين الله عليه لشو الشرطة غزل منزلة راسها : لحظة يا جماعة انا السبب اذا بدك تشتكي خالتي اشتكي عليي كلو من تحت راسي _ اي اي رح اشتكي رجع صوت حلا وهبة يعلا وعم يتقاتلو مع ام محمود على بشتكي لا ما بشتكي فجأة صرخ الشب صوت سكت الكل : خلللللص ..انا المتضرر وانا بقرر طلعو الكل وخلو الصبية يلي لابسة احمر هون بدي احكي معها اطلعو ببعض غزل وحلا وهبة وفرطو من الضحك _ ليش عم تضحكو حكيت شي بضحك؟؟!! غزل : عدم المؤاخذة بس انت عم تقول يلي لابسة احمر اي كلنا لابسين احمر .. حتى عمتك لابسة جلابية حمرة 😆 اطلع فيهن وانحرج _طيب قصدي البنت يلي بالنص يعني انتي شو اسمك اشر بإيدو يلي مو مكسورة على غزل _انا ؟؟.. انا غزل _ اي كلكم طلعو وخلي غزل هون _ حتى انا لك عمتي ؟؟ _ اي عمتي بس شوي الله يوفقك ..واوعك تقولي شي للشرطة لحتى قلك انا هزت راسها وطلعت وهي عم تتزور غزل وطلعو وراها هبة وحلا _قربي لهون قربت غزل وهي منزلة راسها _ليش كنتي عم تقولي انا السبب ؟ _لانو هي الكنباية النا وانا اصريت عالبنات ننزلها لتحت ونرميها مشان اشتري وحدة جديدة وفاجئ اهلي فيها .. وهن بس ساعدوني وكانت تقيلة كتير لهيك فلتت واجت عليك وصار يلي صار .. اسفة عنجد _ شوفي ما رح احكي شي للشرطة حاليا بس عندي شرط _شو هو ؟؟ _انا كاتب سيناريو وكنت عم اكتب مسلسل جديد والامور تمام لحد ما كسرتيلي ايدي وعملتيلي رضوض بباقي جسمي ..يعني باختصار شغلي معطل هلأ لحتى طيب _ ما فهمت شو مطلوب مني انا؟؟ _ بدك تكتبي عني لحتى اطيب ولشوف لوقتها بلكي بسامحك وببطل اشتكي للشرطة وبنخليها حادثة قضاء وقدر غزل : ... _شو قلتي؟؟! غزل: طيب موافقة _حلو ..بالمناسبة اسمي اسامة غزل : تشرفنا ..وانا غزل انا رح روح وبنبلش من بكرا شغل أسامة: لاااا شو تروحي ما بصير في كم فكرة ببالي بدي اكتبهن قبل لا يطيرو .. اصلا كنت رايح عند عمتي ريح راسي واكتب شوي غزل : طيب طيب رح روح خبر اهلي وبدل تيابي وبرجع اكيد _طيب روحي ما تتأخري طلعت غزل هي وحلا وهبة من المستشفى وكل هدفها هلأ تروح تتأكد ان الكنباية احترقت وفعلا شافتها كيف كانت مولعة وارتاحت شوي وهلأ غزل عندها هدف جديد وتحدي جديد مع حالها كيف رح تخلي اسامة يسامحها حتى ما تنحبس ** المسا بعد ما اطمنت غزل انو خلصت من النحس وجابت كنبه جديدة واقنعت اهلها بكذبة عن سبب تغييرها للكنبة لبست فستان ملون وحاملة باقة ورد وعلبة شوكولاتة *** المحاولة (١) وصلت عالمشفى دخلت عالغرفة لعندو كان شبه نايم وجهو لونو بنفسجي ولسا زر الكنبا معلم عليه ما قدرت تكتم ضحكتها اطلع اسامة فيها مستغرب _اسفة وهي الورد و الشوكولاته الك لتسامحني ابتسم ابتسامة جانبية وحكا : _كنت مخطط اكتب مسلسل اكشن ما كان بدي اعيشه قربت منو فتحت علبة الشوكلا وشالت قطعة وطعمتو ياها بإيدها _اممم طيبة من و....حخححححح اخخخخ ححححخ _لك شبك شو صرلك ؟؟ _ل ححححح للو....ز؟ _ما عم افهم رح انده للدكتور ركضت بسرعة وهي خايفة ورجعت ومعها الدكتور .. فحص اسامة وعطاه ابرة تحسس طلع بيتحسس من اللوز بعد ما اتحسن وهدي شوي _انتي جاية تساعديني ولا تكملي عليي ؟؟ *** المحاولة (٢) اليوم التاني غزل عم تعمل قالب كيك وهي شاردة ..وعم تكتب رسالة على ورقة لاسامة "اسفة يا ضحية الكنباية " . . اسامة عم يطلع بالكيك وبالرسالة وعم يضحك من قلبو _لك شو هالكيك ليش هيك ششكلو ؟؟ _الضربة عالطعم دوق قبل ما تحكم .. لا تخاف ما حطيت لوز قسم شقفة واكلها وفورا بصقها من تمو _ لك شبك ؟؟ _حاطة صابون بالكيك ؟؟ _انا ؟؟ _لك اي طعمتو صابون قربت قسمت قطعة واكلتها وفورا بصقتها بمنديل _ايييع عنجد صابون (كانت شاردة وحطت مسحوق غسيل بدل البيكنج باودر) *** المحاولة (٣) . . بعد ما فشلت عملية صناعة الكيك اكتر من مرة وصت على قطع كيك صغار جاهزة من محل وطلبت يكتبو على كل قطعة حرف من اسمو عامل التوصيل وقع بالطريق قطعتين بدون ما ينتبه وصل الكيك بس ب ٣ حروف (سام ) اسامة عم يضحك من قلبو وعم يحكي بينو وبين حالو : يالله هالبنت مجنونة *** المحاولة(٤) . . قررت غزل تمثل مشهد درامي قدام اسامة لتغيرلو جو وبنفس الوقت محاولة ليسامحها واقفة قدامو فجأة رمت حالها عالكنبة يلي بالغرفة وصارت تصرخ _ اخخ الكنبة بلعتني الي كمان هلأ عم حس بوجعك يا اسامة ساامحني غزل عم تصرخ وتضرب بالكنباية بشنطتها فجأة بيدخل ممرض بسرعة وهو خايف _ شو هالصوت مين عم يتهجم عالمريض شو صوت هالخبط اسامة ما عاد يقدر ياخد نفس من الضحك على الموقف يلي صار وغزل وجها احمر من الخجل *** المحاولة(٥) . . اتخرج اسامة من المشفى وانتقل على بيته وغزل معه بتساعده غابت ساعة ورجعت معها بوكس كرتون أسامة: شو هاد؟؟ غزل : قلتلي بتحب القطط ..جبتلك قط ظريف يسليك بغيابي لسا غزل عم تفتح البوكس والقط ينط من فوق ايدها ويركض بالبيت ويكسر بالتحف ويركض على اسامة ويخربش على وجهو وايدو بأظافيرو ويرجع يكسر ويموي بصوت عالي غزل وهي مخبية وجها من القط ركضت وفتحت باب البيت وفورا هرب القط وسكرت الباب وراه اسامة عم يتفرج على الجرح بإيدو _قلتيلي قط ظريف يسليني ..لك هاد مافيا ..قط شارع هاد انا هلأ فهمت ...مين باعتك تخلصي عليي اعترفي؟؟ _ غزل تبكي : شكلو ضحك عليي البياع الكلب وقلي هاد قط بيتي اليف ..والله مو قصدي بس بدي تسامحني قرب منها اسامة ومسح دموعها بإيده _خلص لا تبكي 😢 كنت عم امزح معك.. خلص سامحتك مسحت دموعها بكف ايدها وطلعت بأسامة _ عنجد ؟؟ _ يعني ما بعرف شو بدي قلك .. بس يلي بعرفو انو انا ومعك عم اضحك ضحكة من قلبي من زمان ما ضحكتها خجلت ونزلت راسها رفع وجها بإيده _شو رأيك نلتقي بكرا بالحديقة ..هيك يعني نعمل سيران صغير ؟؟ _ماشي بكرا الساعة ١٢ الظهر رح استناك بحديقة حارتنا *الـــــــــ͢ـོ͓ـــنهـــــــايـــــــོـ͓ـــ͢ــة* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```