*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *قسمة حب ♥️* *❴🔢❵☟الـــبـــــــــــ❴1️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ ماما:رنيم....نوصي للصوت فضحتينا قدام الجيران ....لك رنيييم رنيم:اي ماما سامعك ...سامعك ماما:يا نوصي للصوت يا اما اطفيه رنيم:اووف طفيتو ماما:اي هيك من زمان يخرب بيتك الي بيسمع بيقول عنا عرس او شي واحد مراهق رنيم:بتعرفيني ما برتب غرفتي الا ع الصوت العالي ماما:اي انا الي بعرف تعالي احفري معي كوسا معاد الا يوصل ابوكي واخوكي رنيم:وما تعلمي السنكوحه جنى ولا بس انا ماما:عندا امتحان فيزيا والسنه الجاي عندا تاسع شهادة يعني رنيم:اي وانا عندي جامعه ولا انا مو بشر ماما:طيب جهزيلي عدة الحشي رنيم:لااا ابدا ماني مستعدة لتقشير التوم هلا بتعلق الريحه بأيديي بكرة عندي دوام ماما:وبعدين معك رنيم:بحفر معك امري لله ماما:اي يلا حركي الله يكون بعونو الي بدو ياخدك رنيم:لا بلعكس نيالو 😂 ماما:بكرى لينسب عليي كوميات من وراكي رنيم:ههههه ماما:اشتغلي من تم ساكت بعد الغدا دخلت حضر لبكرة كم محاضرة وطلعت سهرت مع العيلة حاطين على نشرة اخبار اخي مهند ما بيتحاكى وعصبي 😢مشتهي يكون عندي اخ فري وهيك يعاملني معاملة حسنه اما مهند لااا عصبي وممنوع اتناقش معهن بنقاش اكبر مني رجل على رجل وعم يتصفح التلفون وماما وبابا عم يشربو الشاي وجنى ماسكه لكتاب منظر ماما:يلا جنى حبي ع النوم جنى:لسى تسعه ع العشرة بروح بابا:اي خليها تسهر مهند:شو جنى عندك بكرة امتحان جنى:اي والله مهند:لازم تنجحي هالسنه جنى:لا توصي حريص بابا:وانتي رنوشتي شو عندك بكرة مهند:اكيد طق حنك يعني الجامعه شو فيها غير الحكي ماما:بس فيها كمان محاضرات مهند:لو تعلمت النسيج احسنلها من المشاوير الفاشله هي لانو اخرتها لبيت جوزها رنيم:..... ماما:اي بتدرس لوقت بيجيها عريس ومنشوفو مناسب منجوزها بابا:وغير هيك قاعدة معززة مكرمة عندي مهند:اي لنشوف رنيم:يلا انا تصبحو على خير مهند:خليكي مدايقيتنا رنيم:😟 ماما:روحي نامي تصبحي على خير رنيم:وانتو من اهلو دخلت لغرفتي والبست بيجامه النوم وحطيت كم اغنيه رومنسيه اسمعهن بهدوء وعم انسج كم شغله من خيالي لفارس احلامي اكيد ......ع الساعه 11 حسيت حالي نعسانه كتير تغطيت ورميت التلفون على جنب وغمضت عيوني واسمعت صوت دقه خفيفه على باب غرفتي انا جدبة وبخاف من زوالي افتكرت انو حرامي او شي رنيم:مين مهند:افتحيلي وليه رنيم:هاد انت مهند:خلصيني افتحي خير اللهم اجعلو خير فتحلتو وفات وانا سكرت الباب ووقفت شوف شو بدو مهند:اقفلي الباب رنيم:ليش شو في مهند:بدي اشربلي سيكارة بغرفتك بابا ما بيشك فيكي رنيم:اي ماشي قفلتو وقعدت على طرف التخت وهو وقف ع الشباك يشربها مهند:لو ما بتخانق معو كنت اشربتها قدامو بس حرام بعدين بينجلط رنيم:بعيد الشر انشالله عن قلبو مهند:معك مصاري وليه رنيم:لا يووووه من وينلي المصاري مهند:كزابة 😉ومن هون لهون رنيم:ولااا نقله مهند:له يا رنيم هيك وانا الي شفت بابا عم يعطيكي بهديك الحسبه رنيم:اي هدول اجارات للمواصلات وخرجيتي مهند:اي دينيني نصهن رنيم:وانا مين بدو يوصلني مهند:يا ويلي ما ابخلك رنيم:خلص خد النص مهند:اي ها هيك من الاول والك علي رجعهن عند اول الشهر رنيم:مو بيناتنا خلص ما بدي اياهن طالعت الجزدان وعديت المصاريات واعطيتو النص مهند:معوضات انشالله رنيم:😅تسلم ما الطفو هالكائن الغريب مهند:مو تحكي لماما اخدت منك مصاري ماشي رنيم:ماشي مهند:وعد مني يا رنوش رجعلك اياهن لاني مضطر رجعهن لصاحبي رنيم:مين منهن مهند:ما بتعرفي رنيم:وليش اخدت منو مهند:لك شغله بعدين بحكيلك خلصها للسيكارة وطلع دغري كانت ماما بالحمام وقت طلع شافتو وتمسمرت بارضها وهو تلبك كتير ماما:شو كنت عم تعمل عند اختك مهند:اه....لا ولاشي ماما:لك مهند مو من ساعه دخلت لتنام مهند:اي ...بس ما اجاني نوم ماما:رنيم شو كان بدو منك رنيم: لا ولاشي يعني شو بدو يكون بس بدو اياني احسبلو شغله ماما:اكيد مهند:اي هيك والله ماما:ع غرفتك وانتي اقفلي وانقبري كمان سكرت باب غرفتي ونفضت الغرفه لو بدو ماما تعرف انو راجع للدخان كان حكالها بس ما بدو يتبهدل غمضت عيوني وغفيت واسمعت صوت باب غرفتي انفتح خير شو صاير اليوم ازعاجات كل شوي تجلست وكانت ماما عم تفتش الغرفه رنيم:خير اللهم اجعلو خير ماما:شو كان بدو مهند رنيم:استغفر الله العظيم شو يعني بدو من غرفتي ماما:انا الي عم اسألك جاوبيني رنيم:اجى ليحسب كل راتبو خلال سنه بدو يتجوز ماما:هيك اكيد رنيم:امي وين شرد تفكيرك ماما:لا حبيبتي انا بعرف شو عندي بنات وولاد بس اخوكي متغير كتير عصبي ومرافق شله الله يجيرنا كرمال هيك بخاف عليكي رنيم:ولو كان مهند مافي منو صحيح عصبي بس كمان حنون ماما:الله يحن عليكن كلكن يارب رنيم:لا تشغلي بالك فينا ماما:اي ولو ممنوع تاني مرة يدخل لعندك بنصاص الليالي رنيم:😳 ماما:شو رنيم:متل ما بدك ماما:تصبحي على خير رنيم:وانتي من اهلو طلعت وسكرت وراها الباب وانا فقست نومتي وبلشت العب بتلفوني نعست بعد نص ساعه واندق الباب كنت بدي اضحك وابكي رنيم:تفضل دخل مهند شوي شوي مهند:شو صحيانه رنيم:اي مهند:شو كان بدها منك ماما رنيملاااا انتو اليوم صايرلكن شي مهند:احكيلي امانه رنيم:سالت شو كنت بدك مهند:وانشالله حكيتيلا عن المصاري والدخان رنيم:لا ولووو مو لهدرجه حكيتلا كرمال تحسب راتبك السنوي بدك تتجوز مهند:اي هيك ها صايرة تفهمي والله رنيم:من بعدك انا....يلا روح هلا بترجعلي مهند:لا بتكون بسابع نومه انا نطرت نص ساعه واجيت اسالك رنيم:اي ليشوفك بابا هلا مهند:تصبحي على خير رنيم:وانت من اهلو حطيت راسي وبلشت فكر بتفكير ماما 😢هلا ازا بتعرف رفقات مهند ليش ساكتيتلو ولا ما بدها يتخانق مع بابا اكيد هيك كمان هو كل نهارو بالورشه ايمتى لحق يرافق رفاق سوء وين ماما شافتو معقول يكون حدا مخبرها الله يكون بعونها شو بتتحمل كرمالو صحيت وجهزت مع ماما لفطور ودخلت لغرفتي البست جينز اسود وبلوزة خضرا مع جاكيت اسود وبوط وفردت شعري الاسود على طولو وحطيت مكياج وطلعت افطر مع العيلة وبس دخلت عيون الكل عليي ماما:ما تبلا هالقامه بابا:هدول الي شتريتيهن اخر مرة رنيم:اي مهند:وليش مجعلكه وشك مكياج هيك رنيم:😳 جنى:اي انا ماني مسدءة ادخل جامعه الا لالبس متلها واتمكيج مهند:انتي لتكبري شوي بكون الحصار خانق عليكي بابا:اوف حصار شو ليش شو عاملات حقهن يكملو دراسه ويلبسو ويطلعو مهند:ما اختلفنا بس لازم البس محتشم يعني هلا انا غشيم عن تطليعات الشباب ماما:هي لابسه بلوزة الها كمام وطويلة قبل الركبة بشوي وكلشي فيها مستر مهند:اي مقبول شوي هاد اللبس بس غيرو لا وحاسو شوي مخصر بابا:انت شو زاعجك انا بناتي وحر فيهن بكرة بس تتجوز اتحكم بمرتك وبناتك مهند:وهدول عرضي كمان ماما:خلصنا نقاش مهند مهند:انا راح وصلك ست رنيم رنيم:متل ما بدك افطرت معهن وطلعنا نحن لتلات من البيت جنى التقت برفقات المدرسه وانا وياه كملنا للجامعه وعاملي فيها مراقب وبصوتو الضخم عم يتأمر عليي "نزلي راسك ...لا تطلعي الا ع رجليكي.....خفيها......"لحتى وصلنا ودعتو وأمن عليي اني دخلت مع رغد رفيقتي وراح رغد:مين هاد وليه رنيم:مهند رغد:حبيبك يعني😂 رنيم:لا ولووو اخي رغد"الله يحميه يارب حليوى رنيم:تسلمي رغد:سبحان الله ملامحك متل ملامحو رنيم:من انو ناحيه رغد:لون لعيون والشعر رنيم:يخرب بيتك قنصتي عيونو رغد:اي خضر😂بيلمعو ع الشمس رنيم:اوف وما عرفتي وزنو وطولو رغد:لا بس كانو بيلعب حديد رنيم:😂لا بيتشغل بورشه اعمار رغد:ييي يعليي عنجد وايديه اكيد خشنين رنيم:😂لا خالصه انتي اليوم رغد:مو باين على لبسو رنيم:اي شيليني من سيرتو كيف التحضير رغد:خلينا نروح لعند صبا وندردش بس بشرط بدك تحكيلي سيرة حياة اخوكي رنيم:😂ماشي اجتمعت بصديقاتي الي هنن رغد وصبا وعم نتشاور بامور المادة وعم نطرح ع بعض شو هنن الاسئلة المهمه حكي مع ضحك ومزح غيرشكل حضرنا اول محاضرة والتانيه اجتعمنا بالحديقه وعلى زعرنه وحكي نكت واخر اللقطات الرومنسيه بالأفلام الاجنبيه طبعن هاد الجانب شاغل اكتر الصبايا الي بعمرنا وبالاخص انو ممنوعين من هالافلام ازا ماما بتلمحني حاطه ع قناة اجنبيه بيجن جنونها اغاني ويادوبها تخليني اسمع طلعنا سوى من الجامعه وتمشينا شوي طبعا لا يخلو الامر من الزعران هدول الي بيضلو يفتلو بسياراتهن الفاخرة بين الصبايا واكتر الصبايا عيونهن على هالشباب ورغد بتموت بالشله هي رنيم:حاجتك تطلعي هلا بيشتلقو عليكي رغد:اي حلوين شو اعمل صبا:شو حلاهن رنيم:هي الحمير بتشوفهن حلوين رغد:انا هيك زوءي شو دخلك انتي وياها رنيم:احكيلك عن مهند😂 رغد:اي امانه رنيم:مهند بيكره هيك نماذج ولو تشوفي البهادل عند بكرة الصبح كرمال اللبس والطريق رغد:بغار عليكي رنيم:غيرة قاتلة صبا:هاد النوع بالتحديد بكرة بتشتش مع مرتو😂 رغد:اي صح. رنيم:اي انا الي بعرف رغد:شوفي هي السيارة فيها ادم ابن مسؤول كبير بالبلد كانهن صفطو رنيم:لكن خلونا نمشي مو ناقصنا غير هدول رغد:بس شوي مشتهي المحو عن قريب صبا:😂😂سنكوح رنيم:انو واحد منهن ادم لنتعرف على هالشخصيه المرموقه رغد:الي لابس بلوز بيضا رنيم:الي طول الزرافه 😂 رغد:اي هو صبا:يبعتلك حمى رغد خلينا نمشي كانو جاي صوبنا رنيم:خلي رغد تتهنى😄 رغد:انا بخاف كمان خلونا نمشي مشينا قبل يوصل ودغري رجع لمكان سيارتو وشغل موسيقى اجنبية بصوت صاخب استند على باب السيارة وعينو معلقه علينا مع ابتسامه عريضه وماسك نظاراتو بأيدو رغد:تشارطو رنيم:شوووو رغد:معحب بوحدة فينا رنيم:كش برا وبعيد رغد:هههه يمكن فيكي صبا:نيالك رنيم رنيم:لا انا لا اصلح لهيك علاقات شنو مهند بيشختني ع البلوعه رغد:😂وازا معجب عنجد فيكي رنيم:في حب اسمو غصب او علاقه رغد:بمجتمع ادم اي رنيم:وانا شو دخلني فيه يمكن معجب ب صبا او فيكي حلي عني ركبتو لحكايه عليي رغد:صحلك تطلعي معو مشوار بسيارتو او تتعشي معو بشي مطعم رنيم:الخيال لحالو خلاني انشل 😂خوف طبعا من مهند رغد:اوف لهدرجه رنيم:انتي اخواتك اصغر منك لهيك ما راح تفهميني بس انا ومهند ع الموت بيناتنا اربع سنين وبيتحكم فيني صبا:حقو والله انتي حلوة😂 رنيم:ما اختلفنا بس جنى لسى احلى مني هديك بتشبه الباربي😂 رغد:يا مغرورة بتعرفي حالك حلوة رنيم:😂اي ماما مقنعيتني بحالي صبا:اي الجمال ما بخبي حالو رغد:اي الله يطعمنا لكن شقفه من جمال رنيم صبا:😂 رنيم:وانتو حلوين كل وحدة الها جمالها الخاص اصلا بنظري مافي بنت بشعة في بنت ما بتهتم وبس رغد:الله شو هالمحاضرة صبا:فيه وجهة نظر كلامها رنيم:ترجعو بتكسي ولا مشي رغد:لابتكسي رنيم:لكن يتدفعي انتي صبا:نقشت معك رغد رغد:اي انا الي بدفع رنيم:كفو والله رجعت ع البيت بدلت اواعيي ورتبت غرفتي وكانت ماما عم تغسل اواعي وعم تحضر للطبخه واكيد راح ساعدها انا ماما:رنيم رنيم:نعم ماما ماما:روحي جيبي اواعي اخوكي من غرفتو الي معلقين ورا الباب رنيم:بهدلني اخر مرة غسلتهن ماما:ما دخلك انتي انا طلبت منك وفتشيهن ليكون فيهن مصاري او شي مهم الو رنيم:بأمرك انا طالعتلو كلشي اواعي يا الله شو مرتبين 😂😂والله مهند ارتب مني وهو الشب فتشت جياب بنطلونو ولقيت باكيت الدخان😂 راح ارميه تحت التخت وبس يرجع انا بخبرو عنو ماما:هدول بس رنيم:اي بس ماما:غرفتو نظيفه رنيم:اي بتلمع ماما:اتعلمي منو النظافه رنيم:هلا هيك الله يسامحكك ماما:بتعرفي اشتهيت ادخل لغرفتو وشوفها معفوشه لك حتى كندرتو بيشلحها برا وبيمسحها من دخلتو رنيم:😓 ماما:وغرفتو كانها غرفه بنت بيوت رنيم:طالعلك اكيد ماما:خدي انشري هي السله بسرعه رنيم:حاضر نشرت الغسيل اكلتلي راسي وهي عم تمدح فيه لو هوحاضر هالمديح كان هلا ما بيتحاكى اصلا ماما ما بتحب تكبر راسو ودايما بتحسسو بتقصيرو بكل شي تعشينا سوى وهو دخل لغرفتو وانا الحقتو بعد شوي لخبرو عن باكيت الدخان اكيد هاد كل همو رنيم:فيني فوت مهند:اي فوتي كان قاعد على التخت وماسك تلفونو رنيم:الباكيت تحت التخت مهند:اي ماشي رنيم:شو عم تعمل مهند:شوفت عينك بدي نام رنيم:غريب بكير مهند:تعبان رنيم:يعطيك العافيه مهند:الله يعافيكي رنيم:تصبح على خير مهند:وانتي من اهلو رجعت دغري لغرفتي رتب اواعيي الي بالخزانه لانو بس افتحها عم يهرو كلهن 😂احترام الي مو اكتر واليوم امي عم تسمعني حكي بكرى اكيد بهدلة 😂انا متعودة عليها وحافظ فصولها رتبتهن على كيفي وقررت انو ما اعفشها وطالعهن شوي شوي ورتبت المكياج وتمددت بتختي ودخلت جنى لا احم ولا دستور رنيم:شوفي جنى:بدي اطلب منك طلب رنيم:شوو جنى:مبارح اسمعت كلام من رفقاتي وحابه اتناقش فيه معك رنيم:وكلام منيح ولا عاطل جنى:عن شي اسمو حب رنيم:اقعدي لشوف اسألي جنى:انتي جربتي تحبي حدا رنيم:ليش انت عشقانه جنى:مو عشق بس عم فكر رنيم:شوفي جنى لساتك صغيرة الحب بهاد العمر مو حب بيكون حب طفولي او مراهقه شو بتعرفي عن الحب انتي جنى:اليوم باسمه اخدت رساله من شب اكبر منها بسنتين وكاتبلها فيهن حكي وابيات شعر واعطاها رقم تلفونو رنيم:والشب منيح جنى:ما بتعرفو من عيلة تانيه رنيم:والله يا جنى انا ما بعرف شو احكيلك بس ازا صار شي معك بتمنى تخبري ماما انا ما جربت حب او اعشق يعني خلصت الثانوية بمدرسه البنات وما صادفت بحياتي ولا شب محترم يعني كلو من هالزعران الي منتشرين جنى:وما بينحبو هدول الزعران رنيم:اكيد لا هدول الهن تجارب مع مية بنت واخر همهن سمعتها يعني شو بتتوقعي من شب عم يصرف بهديك الحسبه حق بينزين ليتفتل قدام البنات او يطلع مع هي وهديك جنى:اي معك حق....طيب ازا انا حدا اطلع فيني ويمكن معجب بادرو رنيم:اكيد لا ...انتي هلا لا تشغلي بالك بالحب والعشق خلصي دراستك وبعدها الله اعلم شو بيصير معك جنى:اخر سؤال رنين:تفضلي جنى:ازا حدا من هالزعران اعجب فيكي بتبادلي نفس المشاعر رنيم:اكيد لا ....جنى انتي بتعرفي مهند عقلو صعب لو بيلمح او بيخطر ببالو هيك شي بيقفل عليي البيت جنى:انتي بتخبري ماما بهيك شغلات رنيم:لا بس ازا صار معي شو ما صار اكيد بخبرها انا هلا بدي كفي دراستي وانشالله بعد ما اتوظف الله يجمعني بشب من عيلة محترمه ودارس اكيد جنى:وانا انشالله اكبر متلك وصير واعيه متلك هيك رنيم:😂انشالله جنى:تصبحي على خير رنوش رنيم:وانتي من اهلو بس طلعت حصرت تفكيري يعني جنى في حدا معجب فيها وهي عم تشاورني مو اكتر انا وقت كنت بعمرها كنت ارجف ازا حدا اطلع فيني اما هلا الوضع تغير ازا حدا اطلع فيني ما عم اعطيه فرصه بس انا حذرتها انشالله بتسمع كلمتي من الصبح جهزت حالي وطلعت من البيت مع مهند وصلني والتقيت ب رغد وشربنا قهوة على صوت اغاني فيروز مافي احلى من الرواق مع نهفات رغد وضحكاتها وهي عم تأفلم عليي انو تخليني التفتت ل الحب وهيك شغلات فاضيه رنيم:ماعندي مشكلة صحيح بخاف بس لو من الجامعه واحد مثقف وواعي وهيك محترم يتقدم ليحكي معي ما بتردد رغد:اي هيك لكن وازا ما حدا اطلع فيكي من هالشكيلات رنيم:بعد الوظيفه بفكر رغد:احكيلك شغله رنيم:الله يجيرني رغد:شغله حلوة رنيم:خير رغد:ادم اليوم سألني عنك رنيم:لا 😂لاتقوليها وانبسطي حكى معك رغد:شو الفائدة سالني عن اسمك وكم شغله بخصوكي رنيم:اليوم اليوم رغد:اي قبل ادخل للجامعه رنيم:اي وشو مكاني من الاعراب رغد:حدا معجب فيكي انو معقول ما تهتمي رنيم:لا اكيد هيك نماذج انا بكرهها رغد:ليش رنيم:صايع بدك احلى من هيك سبب رغد:هو من ناح صايع اي وضايع كمان بس كان مهتم ومتحمس ليعرف شي عنك رنيم:وشو حكيتيلو عني رغد:انو اسمك رنيم ومن عيلة متوسطه وانك بكليه الحقوق وشاطرة كمان رنيم:الله يجبر خاطرك رغد:يلا خلينا نمشي شكلو ما عجبك كل الموضوع رنيم:اي خير ما منعمل رغد:ليكي انطريني شوي بدي فوت ع الحمام رنيم:اي هون انا واقفه البست الجاكيت وحملت كتبي بايدي والشنته ع كتفي ووقفت بنص الكفتيريا انطرها وانا عم راقب جموع الصبايا والشباب وضحكاتهن المختلطه صحيح انا بالجامعه بس ولا مرة اجتمعت بهيك ناس يعني تعرفت على رغد وصبا وهنن متلي ما تعرفو على غيري شفت ادم داخل مع شب ومن مشيتو باين عليه مستهتر وعم يتامل كل وحدة بتمرق من جنبو وانا غيرت اتجاه عيوني وما خطرلي انو جاي صوبي كتير عم يقرب ناحي قبل امشي ندهلي بصوت عالي قدام كل الجموع ادم:رنييم وقفت لانو مو ناقصني فضايح وصل لعندي بابتسامه كأنها تحدي هيك انا شايفه رنيم:نعم ادم:كيفك رنيم:شو بدك ادم:لااا هيك ما اتفقنا رنيم:على شو 😷 ادم:انا جاي لنحكي رنيم:بخصوص شو ادم:هون ع الواقف رنيم:عفوا😡 ادم:لك ليش معصبه رنيم:لانك انتهازي كتير ادم:انتي معقدة مو اكتر ما رديت عليه لفيت ظهري عليه وبدي روح ع الحمام بس مسكني من ايدي هزلي بدني سحبتها منو وزاد انفعالي ادم:ما حزرتي انا ما بينعمل معي هيك فصل وجهت اصبعي عليه وفتحت عيوني بمعنى التهديد رنيم:احترم حالك لو سمحت واوعك تمسك ايدي تاني مرة والا بالصرمايه على راسك ادم:وليش هيك شايفه حالك رنيم:يا ويلك ازا بتطلع بوشي تاني مرة رفع اصبعو بوشي متل ما عملت معو وفتح عيونو ع الاخر ادم:لا تعاندي يا بنت معي بخليكي تندمي لاخر يوم بحياتك احترامي عليكي واجب رنيم:ما فشرت بنص عينك والي بيطلع معك يطلع ماني خايفه منك مفهوم ادم:تحدي يعني رنيم:متل ما بدك افهمو ادم:لكن من اليوم وبرايح اتلقي ازا بتقدي رنيم:اي لنشوف مين راح يخسر تركتو ومشيت وطبعا وسط حضور شباب وصبايا والكل شي عينو عليي وشي عينو على ادم لحتى التقيت ب رغد رنيم:تاخرتي رغد:ما ابيخني يلا خلصيني مشينا لقطعناه رغد:يييي هاد ادم هون غريب ما حكيتو رنيم:متفقه معو وليه رغد:انا رنيم:بعدين منتناقش خلينا نطلع بسرعه من هون حكيتلا كل شي صار وفرطت ضحك رغد:سايريه يا هبلة رنيم:اوف من كل عقلك رغد: هو مدامو شافك انفعلتي وعصبتي راح يتمسك رنيم:اوف بتفهمي على اساس رغد:جربي اعطيه وش وراح ينقلع رنيم:ويمكن يتمادى اكتر رغد:تسطفلي عقلك براسك بتعرفي خلاصك رنيم:اي معك حق كان بس ناقصني هاد الي اسمو ادم وتهديدو وكاني شي بخصو 😢ونقشت معي من وين عرفني يمكن من يوم شافنا واقفات قريب من السيارة افتكر حالو شي شغله ولانو عيون رغد عليه افتكر انو نحن متلها حضرنا المحاضرة ومع اني بالي مشوش وبرغم اني عصبت وهددتو كمان خايفه تهديدو كان اقوى وباين عليه مو سهل معقول يعملي شي يأذيني لا انا ماني قد هالحمل اكيد ومهند انا بخاف منو كتير كتير وازا هاد لاحقني ليعرف بيتي وشافو مهند راح تقتضي بسجن يا بمشفى لا سمح الله . طلعنا سوى انا ورغد وقفنا ع الرصيف ننطر تكسي وشفتو واقف عند سيارتو " رنيم:رغد....انا حاسه هالمخلوق راح يصير لعنه بحياتي لك ما بيعرفني الا من مبارح وهيك هددني يخرب بيتو رغد:اي هدول هيك بحبو يستملكو بيفتكرو انو بالمصاري فيهن يشترو كلشي رنيم:لك شوفي كيف شكلو يخرب بيتو رغد:طنشيه رنيم:اي بحاول بس خايف يلاحقني ع البيت رغد:لا ما بيعملا هاد هون حدودو رنيم:الله يسمع منك رغد:شو رايك نتمشى رنيم:اي بس شوي مو كتير رغد:راح جيب عصير خليكي عندك رنيم:بلا هالعصير رغد:طاشش قلبي على شي بارد رنيم:لا تتاخري بخاف لحالي من الملل ضليت عم راقبو الو بدي شوف على شو واثق من حالو اكيد من مركز ابوه رفيقو الي حدو احلى منو لا بس هو حلو كمان عيونو لونهن ازرق بلون البحر شعرو اسود وبشرتو فاتحه لك ليش عم توصفيه لحالك 😂ليكون لفت انتباهك اوعك رنيم تستسلمي لنظراتو الوقحه كانو راح ياكلني يعيونو.....شو الفائدة من هالنظرات ما بعرف ..... رغد:امسكي رنيم:شكرا رغد:اي رنيم ليش عم تطلعي فيه رنيم:عم بادلو نفس النظرات الوقحه😂مستحقرو رغد:لك شوفي كيف واقف وعم يتأملك رنيم:على كلا شكلي زابط رغد:😂غير شكل رنيم:وشعري والمكياج رغد"بيسحرو رنيم:وطريقه المشي اكابريه صح رغد:ولا اروع من هيك رنيم :ناقصني متلو نظارات شمسيه حطها على راسي مو على عيوني 😂 رغد شو اسم هي الوقفه يعني ساند حالو ع السيارة ومستند بأيديه كانو بالصف رغد:عم يتامل جمالك رنيم:يمكن رغم اني شاكه يكون عندو ذرة زووء رغد:بس امانه خلينا نكون واقعيين حلو رنيم:يعني ماشي حالو رغد:لااا بلعكس حلو رنيم:رأيك انتي رغد:ورايك رنيم:حلو وبلا اخلاق شو بيهمني انا رغد:ما بعرف حاسه انو راح تنسجمو مع بعض رنيم:😂بالقبر اكيد رغد:والله انتي الواحد ما بيقدر يتناقش معك رنيم:يلا خلصتي خلينا نمشي رغد:يلا جاهزة انا هلا مو ابوكي عندو سيارة رنيم:لا باعها ليكفي اقساط البنك رغد:وليش اخدتو قرض رنيم:عمي اخد هوية بابا وسحب عليها قرض من الدولة ليكفي فرش شقتو وسافر بعد شهر العسل وبابا علق رغد:بلا دم عمك هاد رنيم:يسطفل منو لاخوه رغد:ومهند لساتو بالورشة رنيم:اي اكيد وقفنا تكسي ورجعت للبيت بدلت اواعيي وحطيت راسي ونمت بس اصحيت غسلت ودخلت لعند ماما اعملي فتله على طنجرة الاكل ماما:شو تعبانه رنيم:اي هيك شي ماما:كيف الدراسه رنيم:منيحه ماما:يلا هانت رنيم:اي عضه كوسايه 😂 اجى مهند من شغلو هلكان سلم علينا ع الماشي ودخل ياخد دوش بعد هالتعب ماما:روحي جيبيلو المنشفه رنيم:ما طلبها ماما:هلا بيطلبها رنيم:ماشي حاضر انا ماما:كسلانه جبتلو المنشفه ودقيت على باب الحمام رنيم:المنشفه ع الباب خدها مهند:اي كتر خيرك رنيم:هلا ماما ......مهند شو صاير معو ماما:متل شو رنيم:اخر مرة تخانق مع بابا شو السبب ماما:ما حكولي بس ابوكي ما بدو منو يصاحب حدا ما منعرفو رنيم:كرمال الدخان يعني ماما:ياريت بس ع الدخان الشغله توقف بكرى يمكن يسهرو سهرات مو منيحه او يعلمو على قمار او مشروب لا سمح الله رنيم:لا مهند اوعى من هيك ماما:ولو الحذر واجب ورفاق السوء بيعلمو اكتر من هيك رنيم:هلا ماما انا ازا بدي ارتبط لازم يكون اخلاقو عاليه صح شريك حياتي ماما:اي اكيد لتضمني لولادك مستقبل زاهر مبني على الحب والاحترام رنيم:هلا ازا بحكيلك شغله بتنصحيني صح وما راح تبهدليني ماما:اي اكيد رنيم:اليوم في واحد ازعر تعرضلي مانا:كيف تعرضلك رنيم:يعني ندهلي بنص الكفتيريا وطلب مني يحكي معي وانا رفضت عصب وهددني ماما:وليش هددك رنيم:انا استفزيتو بطريقه ردي عليه ماما:اي ولو لو انو ابن عالم وناس ما كان هددك رنيم:اي كتير صايع هو ماما:بعدي عنو واصحك تعطيه مجال للنقاش وازا حسيته تمادى لازم تخبري ابوكي واخوكي رنيم:ولييي ماما:اي ليعرف انو وراكي رجال رنيم:مو المشكلة انو ابن مسؤول والكل بيخاف منو حتى الشرطه وقت تمسكهن للشباب الي متلو هو ما بيقربو صوبو ماما:هيك لكن ....على كلن ديري بالك منو رنيم:اي يعني منيح اني حكيتلك مانا:اي اكيد ولازم تخبريني بكل شي رنيم:اي خلص اجى مهند مهند:شو ريحه اللحمه واصله لاخر الحارة ماما:عهه اي تقبر قلبي مهند:وين جنى رنيم:بغرفتها مهند:روحي اندهيلا وين بابا ماما:ابوك لسى مشغول بين لوراق استلم قضيه اليوم وبتعرفو لازم يخلصها قبل يرجع ع البيت مهند:اي يعطيه العافيه ندهت ل جنى وبلشنه بالغدا تساعدت انا وجنى بتعزيل المطبخ وسهرنا بلغرفه مع بعض على مسلسل قديم يمكن بس ماما كانت متابعه مهند متسطح ومغمض عيونو وجنى ماسكه دفتر رسمها وانا بتلفوني عم انسخ فقرات من المحاضرات ماما:مهند.....روح نام بغرفتك ما رد عليها الظاهر انو غفيان ماما:جنى جيبي لاخوكي بطانيه هلا بيبرد جنى:خلي رنيم مو شايفيتها ملتهيه بالتلفون ماما:بسيطة يا نص نصيص روحي رنيم جيبي شي لاخوكي غطيه فيه رنيم:اي حاضر ماما ماما:الله يرضى عليكي جنى:وانا يغضب عليي ماما:لا الله يرضى عليكي كمان جبتلو حرامو من غرفتو شميت ريحه عطر كأنو جديد عليي هالعطر ...مو رجالي ريحه بتاخد العقل مسكت بلوزتو الي كان شالحها وشميتها الريحه مركزة بالجهة اليسرى مسكت كم علبه من عندو وقارنت ومتل ما شميت ما بتشبه ولا علبه من عطرو. طلعت دغري وغطيتو ولا معو خبر بسابع نومه ماما:يعليي تعبان رنيم:اي الحق معو ماما:ماني مسدءة ايمتى نخلص من هالاقساط بدي اشتريلو بيت وزوجو رنيم:اي انشالله ماما:شو جنى ما بدك تنامي جنى:اي امبلا بس لاخلص من هالرسمه رنيم:انا نعست تصبحو على خير كان فكري عند مهند 😢معقول عم يسهر مع بنات يا شحاري ولي ازا صحيح لك ليش انا خايفه وكاني عامله شي ....بس ما بيعملها والله مهند مؤدب معقول دخان وبنات ويمكن مشروب لا لا رنيم حاجتك تخبيص يمكن يكون العطر مو ستاتي يمكن يكون لرفيقو بس كمان رفيقو ما كان غامرو لحتى علقت الريحه فيه 😢خلص يسطفل عمرو 25 سنه مسؤول عن حالو .مرة رغد حكتلي وقت يكون اخوكي شكاك وبيظن فيكي سوء بيكون مجرب شغلات وكاشف بنات كتير بحياتو لهيك بيضل خايف وشاكك فيكي .....الا ما اعرف طرف خيط بلشت انا حملة مراقبه مهند لازم اعرف شو قصه البارفان على تيابو تجهزت وزبطت حالي وقعدنا نفطر وانا ما اكلت توليت مهمه اتامل مهند كان عم ياكل بدون نفس وانا عم اطلع فيه منيح ايديه رقبتو بعدها رفع كم بلوزتو النص كم ليحكها وشفت شي معلم عليها كانها عضه لا مو معقول يمكن جرح لا شو جرح اكيد ضربه😢انا ما بدي تثبت عليه التهمه الي انا توقعتها ومبارح شكيت فيها وكانو الله بعتني لجيبلو لحرام واكتشف هالعطر واليوم هيك علامه مو باين عليه والله هو اوعى من انو يعمل شغلات متل هي عم قول ليش مشدد علينا اي معو حق انا لو بمكانو بشك بحالي مو باخواتي البنات لك ليش لبستيه التهمه يمكن عم اتوهم او يتخيلي مهند:شوفي رنيم وقع قلبي لاني كنت شاردة فيه رنيم:اه....لا ولاشي مهند:ليش صافنه فيني رنيم:اه😂لا ولاشي بس رفيقتي حكتلي انو انا وياك منشبه بعض عم قارن مو اكتر مهند:ومنشبه بعض رنيم:اسال ماما ماما:اي انت ورنيم كتير الشبه بيناتكن وبتشبهو ابوكن جنى:وانا مهند:انتي نسخه عن ماما جنى:لهدرجه حلوة انا😂 مهند:اي بتاخدي العقل رنيم:وانا مهند:شو انتي رنيم:مو حلوة مهند:اسالي امي مانا:بتجنني رنيم:كيف بتشوفني انت مهند:شو هالسؤال يعني رنيم:بهمني رايك مو اكتر مهند:عادي بشوفك ماما:يعني مين احلى هي ولا جنى مهند:نفس الشي جنى:بس انا الاحلى😉 رنيم:اكيد انتي مهند:يلا انا بدي روح جاهزة ست رنيم رنيم:اي بس لجيب الجاكيت طلعنا من البيت وانا عم خطط لراقبو بس كيف مو بايدي بس انا خايفه عليه الطريق الي ماشي فيه اخي الوحيد غلط انا متاكدة مهند مخبص لشبعان 😣والله خاب ظني فيك يا قدوتي انت مع انو مافي شي غلط ياريت ضل عصبي وما اكتشفت فيه مساوء اكتر هي انا هيك اختو لو بيعرف بابا او ماما والله ليموتو قهر وصلني ع الجامعه وانا بدل فوت عيوني تعلقو عليه وانا زعلانه عليه ومنو كمان وقلبي عم يخفق بسرعه اجت لعندي رغد وصبا وهنن عم يضحكو صبا:شووو الحلو هاد اخوكي وليه رنيم:اي رغد:بس شايف حالو رنيم:يمكن صبا:شو وين بيروح بهيك وقت رنيم:ع الورشه صبا:هدول اواعي ورشه رنيم:ببدلهن هنيك رغد:باين عليه مرتب رنيم:اي وماما دايما بتحكيلي انو انظف مني رغد:اي لكان وحيدها بدها تتغزل فيه صبا:رنيم ....ادم رنيم:وينو صبا:واقف هنيك رنيم:شو اعملو انا صبا:من وين طلعلك هاد رنيم:اسالي رغد رغد:😂من تحت الارض رنيم:اي ضيعي السؤال انتي رغد:والله ما دخلني هو سالني عنها صبا:اي وهي جاوبت مسكينه رنيم:حبابه رغد رغد:بس بذمتك صبا لابقين لبعض ولا لا صبا:سبحان الله فولة وانقسمت نصين رغد:لك قصدك توأم روحها رنيم:اي حاجتكن مسخرة كملت يومي وانا كل شوي اشرد بموضوع اخي لهيك رايحه على الورشه دغري وازا شافني بتحجج باي شي هي ازا كان موجود معقول 😢😢الله يهديك يا مهند اعتذرت من الصبايا وتركتن عم يتمشو وطلعت بتكسي هو بمشروع دمر عم يشتغل بورشه المهندس سامي بسأل عليها هلأ او صاحب التكسي بكون بيعرف ما سدءت ايمتى وصلت وحكالي صاحب التكسي انو هاد المشروع الي بيشتغل فيه المهندس سامي بعد ما نزلت العمال كتيرين حاولت اتفادى الشباب الي من جيل اخي ووقفت بعيدة على امل المحو بعد شوي طلع من الورشه رجال بعمر بابا وقت قرب من سيارتو رحت لعندو لاسألو رنيم:حضرتك المهندس سامي سامي:اي انا تفضلي بشو اقدر ساعدك رنيم:بدي اسالك عن شب اسمو مهند بيشتغل عندك سامي:اي مين حضرتك رنيم:انا اختو وبدي اسال عنو دايما بكون موجود هون هو سامية:لا مو على طول بقلب الشغل بيعتذر وبيرجع على البيت وبدك الصراحه هو عم يطلع ويفوت مع بنت صاحب المشروع اسمها عهد رنيم:وشو بتشتغل سامي"مهندسه هون تحت ايدي عم تدرب رنيم:وكتير بغيب عن الشغل سامي:بيحضر لبعد الظهر وبيروح بس اليوم ما راح ولا لمكان رنيم"طيب شكرا الك تركتو وانا حفظت اسم عهد وبنت صاحب المشروع وليش عم تطلع مع اخي شو بدها منو وقفت تكسي قبل شوفو ل مهند ورجعت ع البيت مشتته الافكار راسي واجعني استرحت شوي بغرفتي وطلعت ساعد ماما وانا بتمي في حكي وشو متمنيه خبرها فيه وبنفس الوقت خايفه عليها وع مشاعرو ل مهند ماما:شو حبيبتي في شي رنيم:لا ....متل شو ماما:حاسك مو على بعض رنيم:لا مافي شي اجت جنى من عند باسمه مشقرقه ومعها كتاب مدري رواية هي جانه ع الاخر ماما:شو هاد الي معك جنى:كتاب ماما:التاني جنى:اه.....اي هاد مجموعه قصص الانسه طلبت مننا انو نقرا قصص لونسع افكارنا ماما:وشو نوع هالقصص جنى:مشكل مو موضوع واحد ماما:هاتيه لشوف جنى:😢 ماما:اعطيني اياه اعطتو لماما ووقفت متل المسكينه ماما:رواية 😈وانت لي اسمها جنى:😔😔 ماما:وانشالله كم شهر بتخلص جنى:بدك لصراحه لعطلة الصيف راح اقرئها ماما:اي بيصير فيكي خير جنى:يعني خلص رجعها ماما:لا اقرئيها مشان تحكيلي عن شو بتحكي جنى:يي تسلميلي يا احلى ام راحت على غرفتها رنيم:غريب كأنك شجعتيها ماما:بتحكي عن شب اسمها انت لي وازا بدي امنعها عنها راح يزيد اصرارها على قرائتها ما بدي امنعكن من شي انتو بتحبوه مشان ما تعملو من قفى ظهري رنيم:ومهند ماما.....بحس انك ما بتشيلي همو ماما:همو....لك والله قلبي عم يوجعني عليه من بعد ما ترك الدراسه واشتغل بلورشة وانا طول نهاري على اعصابي لحتى يرجع وبيكون هلكان ماني مسدءة ايمتى نخلص من هالقرض ويرجع يكفي او ع الاقل جوزو اخوكي مو صغير رنيم:بس ولا مرة طلب يتزوج ليش مصرة على زواجو ماما:مهند انا حتى ما بفهملو غامض كتير يا محلى وقت كنتو صغار وبحضني هلا الله اعلم اخوكي لمين عم يشكي همو بدك الصراحه رنيم:شو ماما:مهند ما بيقبل يحكيني بامورو وانا والله شاكه يكون ملاقي حضن ادفى من حضني ابني وبعرفو رنيم:شايفه عليه شي احكيلي ماما:مو بس شايفه قلبي حاسسني وانا والله مو طالع بأيدي على شي وازا ابوكي بس بيدرى او بيشك فيه والله ليقلعو ويحرم عليه شوفتنا رنبم:اي هو ابنك حاولي تستدرجيه ماما:بخجل منو ....ماعندي مشكلة يحب ويعشق انا خايف عليه من طريق الحرام رنيم:لا انتي بتعرفي شي عنو اكيد ماما:مصاحب شلة متعوب عليها وخايف يقنعو بشغلات هو مو مقتنع فيها رنيم:لو انا شب كنت استدرجتو ماما:عم ادعيلو ليل نهار الله يهديه الله يهدي سرو يارب رنيم:امين ...كانو رجع هاد صوت باب غرفتو ماما:لكن اندهي ل جنى تتغدى وانا رايحه شوفو ندهت ل جنى وتقصدت اوقف قريب من غرفتو لاتسمع على حديثها معو وانا متاكدة ما راح تسترجي تحكي معو ماما:شو صاير معك مهند:متل شو ماما:اي شي فضفضلي مهند:مافي شي تعب وبس ماما:مهند .....انا امك وازا بتتوجع انت نتفه انا بموت من وجعي مهند:اي والله هلكان انا ماما:يعطيك العافيه مهند:بدي اتحمم ماما:اي الغدا جاهز خلص وناطرينك على دخله بابا وانا عملت حالي رايحه لاستقبلو وماما ومهند طلعو من الغرفه سوى ماما:تاخرت يا روحي بابا:مشوار الطريق وخبرتك بالباقي ماما:مو مشكلة كيف صار هلا بابا:الحمد الله احسن بكتير مهند:شو صاير بابا:بس ما بدي حدا يدرى مهند:اكيد بابا:ابن عمك رأفت عمل حادث وبترولو رجلو مهند:شو رنيم:عنجد بابا بابا:اي بس لحد هلا امو واخوتو ما بيعرفو وما بدنا يطلعوالخبر من عنا مهند:كيف ووين بابا:برجعتو من بيروت مهند:يييي الله يكون بعونو وانت كنت عندو بابا:اي ولساتو تعبان ماما:الله يجبر خاطرهن انت روح اتحمم ويلا الاكل جاهز رنيم:من بعد هالخبر مين الو نفس يتغدا دخلت لغرفتي وبلشت ابكي يا حرام رأفت وهيك صار فيه تخيلت منظرو بدون رجل وازعلت عليه كتير مسحت دموعي دغري وقت اندق الباب جنى:تعالي اتغدي بيحكيلك بابا تعالي ضروري رنيم:جاية طلعت من غرفتي وقعدت على السفرة وبلشنه بالاكل ماما:ليش ما خبر مرتو وولادو بابا:لساهن ببيروت ليرجعو اكيد بيعرفو مهند:بس مو حرام يقطعوها بابا:غير هيك ما كانو قدرو يوقفو النزيف والاعصاب كلها مقطعه مهند:لكن الله نجاه من الموت ماما:لو مات اريحلو رنيم:شو هالحكي ماما كيف يعني لو مات لا هيك احسن ما يموت بابا:خلص روقي حبيبتي هي عم تحكي لو اكيد هو منيح هلا رنيم:بس هي تحط حالها بمكانو او تتخيل واحد فينا متلو بتتمنالو الموت ماما:ماكان قصدي حبيبتي والله بابا:عادي يمكن رنيم لانها درست معو بيعز عليها رنيم:اي انا لو بيكون من الشارع بزعل عليه مهند:يلا قدر الله وما شاء فعل بابا:دير بالك انت التاني بالشغل ماشي مو ناقصنا بلاوي نحن جنى:لا بعيد الشر عنو مهند:ييي يخليلي انا جنى الحلوة بتخافي عليي وليه جنى:اي انت كلشي بحياتنا مهند:كزابة جنى:والله العظيم ماما:ليش ما بتعرف انو كل البنات معجبين باخوتهن الشباب مهند:عم تلمحي على حالك ماما: ههه سامع ابنك بابا:معو حق اكلة راسنا باخوتك ماما:😂 مهند:جنى انا ماني متل خوالي ليش معجبه فيني جنى:لانك اخي وسندي وكلشي مهند:يسلملي المزووق انا بابا:رنيم زعلانه لسى رنيم:اي بزعل من انانيتكن بكل شي تركت الاكل ورجعت ل غرفتي اجت ماما لتعتذر مني ماما:لا تزعلي مني انا ما كان قصدي انو يموت بس هيك احتمال بيكون اهون من مصيبه ورأفت متل ابني ولانو لساه صغير كيف بدو يكفي حياتو بدون رجل رنيم:اي هلا الطب الحديث ما خلى شي بيركبلو رجل اصطناعيه ماما:اي ونفسيتو هو رنيم:ازا شاف المحيط الي عندو عم يشجعو راح يتجشع ماما:وانتي ليش هيك عم تبكي رنيم:يعني انا وياه درسنا سوى وابن عمي ليش ما ابكي عليه ماما:بس هو لساتو منيح رنيم:اي انشالله يكون منيح ماما:تعالي اسهري معنا رنيم:لغسل وشي سهرت معهن وانا عم اتامل كل واحد فيهن جنى:بابا ونحن ايمتى راح نسافر ع بيروت ماما:لا كلو ولا بيروت بابا:لتتحسن اوضاعنا ...شو مهند ما استلمت شي لسى مهند:اعطيتو لامي بابا:يلا هانت سنه بالكتير وازا خففنا مصروفنا بنسدد ع بكير وراح سجلك بمعهد مهند:اي انشالله بابا:انا بعرف انو شغلك صعب بس هاد الي صار مهند:بلعكس عادي لازم اتعود جنى:بس والله متغير انت مهند:😂حاجتك وليه حكي فاضي ماما:كيف يعني متغير جنى:عصبي كتير رنيم:لو بيعصب عليكي متلي شو بتعملي لكن بابا:مهند😡رنيم اياك تزعلي اياها مهند:ما انا ماسكلها عصاي من حديد رنيم:لا بس عم يتامر عليي وعاملي فيها مراقب بابا:لا من هون ورايح ممنوع تراقبها ولا حتى توصلها مفهوم مهند:اي ....وعادي الشباب يلطشو فيها بابا:انو شباب هدول مهند:جامعتهن خصنص مليانه شباب فلتانه ..وكلو بيوقف برا ينطر ليتصيد بنات ماما:اي واختك شو دخلها مهند:دخلها انها بنت رنيم:عادي وقت ارجع ع البيت برجع لحالي انت ضامن ما حدا يتعرضلي من هالشباب مهند:صاير معك شي يعني ماما:عم تعطيك مثال هي مهند:لو مثال ......انا متاكد انو في حدا هي بتحبو رنيم:لا ما بحب حدا دوبني حب حالي مهند:اي ...الله يسمع منك لانك لساتك بعز شبابك حرام تندفني بسبب هيك شغلات بابا:والله وانت شو دخلك فيها مهند:لا تحكيلي حقها تحب وتعشق بابا:اكيد مو هيك بس هاد مو وضع هي اختك وازا فعلا بتحبها وبترديلها الخير بتكون انت صديق الها مو لمعلم والمتسلط مهند:اي اه .....ولا احكيلك خليني ساكت ازا بيصيرلك شي بيحكو من مهند ترك بابا معصب وراح لغرفتو ماما:لا ترد عليه هو جانن بابا:ابنك عم يتحداني ماما:هو من خوفو عليهن بس بابا:وعم يهددها بكلشي بسيطه يا مهند ...والله كانو مو مهند الي بعرفو ماما:روق انا بحكي معو لا تنفعل جنى:روح انا حاكيه رنيم:اي انتي بحبك لانك مسيحه جوخ بابا:لا تحطي ببالك انا معك رنيم:الله يخليلي اياك ماما:روحي ع غرفتك انتي رنيم:حاضر *الـــــــــ͢ـོ͓ـــنهـــــــايـــــــོـ͓ـــ͢ــة* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```