*فيه نوع كمان من الخوف مهم جدا* `والخوف ده منشأه اصلاً من الحب والاحترام لبعض الأفراد اللى موجودين` *وهما طبعاً بابا وماما، ربنا يا رب يحفظهم ويبارك في عمرهم، ويفرحهم بيكم* *والإنسان بقى اللى بيحب باباه وبيحب مامته ونفسه إن هو يشرفهم فيمكن يخاف من حتة إن أنا أخذل والدى، وأخذل والدتى، ومجموعى في الثانوية العامة ممكن ميبقاش أحسن حاجة* *والألم الناشئ عن نظرة عين والدتى وهى بتبص لى ومش فرحانة بمجموعى، وسكوت والدى والجبل اللى اتهد لما المجموع بتاعى مبقاش كويس* `" استحضار المشاهد دى رغم إنها محصلتش اصلاً "` *بيهد، يشلَّك انت مش كده، رغم إن كل ده محصلش، ويمكن ميحصلش بل بالعكس يمكن خلافه هو اللى يحصل، إن انت تجيب مجموع كويس وتجيب حاجة كويسة وتدخل كلية حلوة* `إنما الخوف المذموم والقلق ممكن يوصلك للحتة دى` > محمد الغليظ | الليلة الأخيرة مع دفعة 2025