اکھ نظارے تے آن کھڑدی ھے گل خسارے تے آن کھڑدی ھے دید ہک چندر کوں تکیندیں ہوئیں ترٹدے تارے تے آن کھڑدی ھے ایہا زندگی ھے سکی لکڑ دی انت آرے تے آن کھڑدی ھے اونکوں غزلیں کنوں کڈھیندا ھاں وت چبارے تے آن کھڑدی ھے نندر خوابیں دے جندرے کیا کھولے رات پارھے تے آن کھڑدی ھے انگلی یارھاں بھرانویں توں ٹر تے بارھاں پارے تے آن کھڑدی ھے تیکوں اپنڑاں سڈوں مگر حسرت استخارے تے آن کھڑدی ھے ٹیک نکلے جڈاں جوانی دی چھت سہارے تے آن کھڑدی ھے