النهاردة جالي إعلان وظيفة بيطلب “Flutter Developer – Fresh Graduate – بـ 6000 جنيه وطالب خبره كمان ما كنتش عارف أضحك ولا أزعل. لكن الغريب مش الرقم الغريب هو إن دا بقى عادي. العادي بقى إنك تطلب حد عنده علم، وتديله فتات. العادي بقى إن الشركات تشوف “الفرص” إنها نقطة ضعف مش نقطة تمكين. والعادي بقى إن الشباب يشتغل “عشان يكتب خبرة” حتى لو اتنفخ في الطريق أنا مش ضد البدايات البسيطة… لكن ضد إننا نعتبر الاستغلال “تدريب”، ونلبس الظلم لبس اسمه “فرصة”. الناس بتجتهد وبتتعلم وبتسهر… وفي الآخر، لما تلاقي وظيفة بمرتب ما يغطيش بنزينك أو المواصلات، بتبدأ تسأل: “هل أنا قليل؟ ولا السوق هو اللي فقد احترامه للناس؟” أنا كتبت البوست ده عشان نراجع نفسنا: كمؤسسات، كـ HR، وكأفراد. المواهب موجودة. لكن التقدير هو اللي بقى نادر.