*Musoro weTsvakurudzo* Kushandisa mutauro weShona unotaridza hunhu netsika dzakanaka. _(registers for different situations, context and purposes)_ *Zvinangwa* Kutsvaga nzira dzokudzidzisa nadzo vana verugwaro rwe_____ vepa_______ Primary School mutauro weShona wakanaka unotaridza hunhu netsika dzakanaka. *Danho 1: Kuongorora Dambudziko* *Mamiriro eDambudziko* Vadzidzi verugwaro rwe_____ vepa_______ Primary School havagoni kushandisa mutauro weShona unotaridza hunhu netsika dzakanaka. *Mamiriro eChinangwa* Ndichagadzira nzira dzatingashandisa kudzidzisa vadzidzi veGwaro re _____ vepa________ Primary School mutauro weChiShona unotaridza hunhu netsika dzakanaka. *Tsananguro yeurongwa* Ndichashandisa nzira dzinoti kuongorora zvinyorwa, basa vachitamba, hurukuro nekuenzanisa mitauro yakakodzera panzvimbo nezviitiko zvakasiyana. *Danho 2: Tsvakurudzo yeMhinduro Dziripo* *Mhinduro Dziripo* _1.Kubatanidza mutauro nezvimwe zvidzidzo:_ Tichashandisa mutauro unoratidza tsika nehunhu mune zvimwe zvidzidzo zvakaita seSocial Science, Chirungu nePE. Mutauro uchabatanidzwa nezvimwe zvidzidzo zvishoma nezvishoma tichitanga nemienzaniso iri nyore kusvika kubasa rakati dzamei nekufamba kwenguva. _Zvayakanakira_ Mutauro unoratidza tsika dzakanaka unotisanganisa nemazwi nemitsara yemhando zhinji inokwana pazviitiko zvakasiyana siyana. Tinodzidza kushandisa mutauro zvakakodzera zvichienderana nezviitiko zvakasiyana zvinotibetsera kunzwisisa nekunzwanana pamitauro. _Zvayakanakira_ Kana mutauro ukapiwa nenzira yakanaka tinokwikwidzana nekufarira kudzidza. _Zvayakaipira_ Zvimwe zvidzidzo zvakaita seScience, PE neMaths zvinodzidzswa nechirungu zvinogona kunetsa kudzidziswa neShona. _2Kupa mienzaniso tichishandisa zvinoitika mazuva ose muupenyu:_ Kupa mienzaniso tichishandisa zvatinoita mazuva ose muupenyu. _Zvayakanakira_ Tinosangana nezvitiko zvkawanda mazuva ose zvinotidzidzisa kushandisa mutauro unotaridza tsika nehunhu hwakanaka mukutaura. Mienzaniso Kukwazisana patinosangana neshamwari dzedu, vabereki nevamwewo vanhu, patinotumwa nevadzidzisi kune vamwe vadzidzisi, patinotumwa kuchitoro kunotenga, patinosangana nevanhu vatisingazive nezvimwewo. Mienzaniso yezvinoitika mazuva ose inoita kudzidza kunakidze uye inobatanidza chidzidzo nezvatagara tichiziva. _Zvayakaipira_ Tinogona kukundikana kudoma zviitiko zvinoitika mazuva ose zvinotitaridza mutauro unoratidza tsika nehunhu hwakanaka _3.Kuziva tsika nemagariro zvemamwe marudzi:_ Kuongorora mutauro unotaridza tsika nemagariro zvemamwe marudzi kunotibetsera tive nechiedza chemusiyano unowanikwa pakutaura kwemarudzi akasiyanasiyana. _Zvayakanakira_ Kunzwisisa kusiyana kwemarudzi kunoita tinzwisise mashandisiro avanoita mutauro kuratidza rukudzo muzvitiko zvakasiyana siyana. Kuongorora mitauro kunoita tinzwisise kuti mutauro hachisi chombo chekufambisa mashoko chete asi kuti unoratidzawo zvinotarisirwa mutsika nemagariro edu. _Zvayakaipira_ Zvinogona kutitorera nguva kuita tsvakurudzo yetsika nemagariro zveamwe marudzi nekudzidza mutauro wavo. *Danho 3: Kuumba mazano* *Mhinduro dzasarudzawa* _1.Kuongorora ndima dzakapiwa:_ Tichaongorora ndima dzakasiyana siyana kubva mumapepanhau, nganonyorwa, kuteerera madzangaradzimu nekuona zvivhitivhiti. Kuongorora masiyanirano anoita mutauro panguva dzakasiyana siyana nenzvimbo dzakasiyanasiyana uye vateereri vari kutaurwa navo. Kuenzanisa mitauro yebasa neyeushamwari vachinyora nekutaura kuratidza mazwi akakodzera kushandiswa. _Zvayakanakira_ Tinodzidza mutauro wakakodzera zvichienderana nekuti ndiani akateerera, musoro webasa uye basa rezviri kutaurwa. _Zvayakaipira_ Kudzidza mutauro wakakodzera kunoda nguva yekuongorora sarudzo yemazwi ekushandisa, mutauro uye kuumba mitsara yakanaka izvo zvinogona kutitorera nguva kunyanya paya patinodzidziswa kekutanga. _2.Basa kutamba(Role- Play):_ Kuita mitambo inotaridza zviitiko zvakasiyanasiyana. Semuenzaniso indavhiyu yebasa muridzi webasa achitaura nemutsvaki webasa ichienzaniswa nehurukuro yeshamwari mbiri dzasangana mumugwagwa. Tichatora zvinzvimbo zvakasiyana todzidzira kutaura tichishandisa mutauro wakakodzera unoenderana nemamiriro ezvinhu panguva yacho Semuenzaniso matauriro evanhu pamuchato neeparufu anofanira kusiyana. _Zvayakanakira_ Vana vanowana mukana wekushandisa mutauro unoenderana nemamiriro ezvinhu munguva dzakasiyana siyana. Vana vanoedza mitauro yakasiyana siyana vachiona inoenderana here nemamiriro ezvinhu panguva imwe neimwe. _Zvayakanakira_ Zvichabatsira tivimbe nemutauro wedu, hatizotyi kutadza uye hatizotyi kushandisa mazwi matsva mumutauro zvinoita tisununguke muchidzidzo. _Zvayakaipira_ Tinogona kusanzwisisa basa nezvinzvimbo zvatapiwa nemitemo yatinofanira kutevera zvinogona kuita tivhiringike pfungwa dzedu. Vamwe vedu havana kusununguka kutaura pamberi pevamwe vana kunyanya patinenge tichiita mitambo. Basa mutambo rinoda nguva yakati wandei yegadziriro kudzidzira mutambo nekuzoita mutambo wacho zvingangotora nguva yezvimwe zvidzidzo. _3.Kusimudzira ruzivo rwemashandiro emutauro wakanaka:_ Kusimudzira kukosha kwemashandisirwo emutauro wakanaka kunovandudza mutauro. _Zvayakanakira_ Kuziva mashandisirwo emutauro kunoita tinzwisise nyore zvinoreva mazwi matsva nemitsara mitsva yatichasangana nayo. Tine mukana wekubatanidza zvatagara tichiziva nepfungwa itsva dzatichasangana nadzo zvinoita tikurumidze kubata nekuzorangarira zvatinenge tichidzidziswa kwenguva refu. _Zvayakaipira_ Kuziva mashandisirwo emutauro chete kunoita titadze kuumba mutauro wakanaka zvakaita sekushandisa zvimiso nemazvo nezvimwewo zvakaita sekushandisa zvirungamutauro.