🔴الأحداث بتتسارع بشكل مخيف للأسف، وفي حاجة كبيرة حصلت مش معروف لسه هي أيه... ف مش هينفع نستنى للصبح عشان أقولك اللي جاي ده 👇 🟣🟡 (ملحوظة: بعد كتابة البوست مباشرة البيت الأبيض نفى "رسميًا" ان أمريكا هتشترك في الحرب او انها بتضرب إيران.) ⚫️ أولاً؛ من شوية ترامب رفض يوقّع على البيان الختامي لقمة مجموعة السبع لأنه فيه فقرة بتطالب بخفض التصعيد مع إيران.. ده معناه إن نيتهم التصعيد مش التهدئة.. وده ليه؟! 🟡 عشان من شوية كتب تويتة مرعبة حركت العالم كله قال فيها: "Evacuate Tehran immediately!" أو اخلوا طهران فورًا.. والله أعلم قصده ايه وغرضه ايه من توجيه تحذير مباشر لكل المدنيين في العاصمة الإيرانية اللي فيها 10 مليون شخص.. وبالمناسبة بعد التويتة بدقايق… في انفجارات ضخمة حصلت فعلاً في طهران، ولسه مش معروف سببها.. مش بس كده.. 🔴 حسب تقارير عسكرية، أمريكا حركت حاملة الطائرات "USS Nimitz" من بحر الصين للشرق الأوسط، ومعاها مجموعة قتالية.. وكمان مواقع التابع رصدت 32 طيارة تزويد وقود في الجو جاية دلوقتي من أمريكا وأوروبا، وكل واحدة فيهم ممكن تزوّد 40 طيارة F-16... يعني في احتمالية لتحريك مئات الطيارات الحربية... كمان وزير الدفاع الأمريكي من شوية صرّح بإن: "حماية جنودهم أولوية قصوى"، والجيش الأمريكي حاليًا بيوزّع أنظمة صواريخ ودفاعات على أسطوله في البحر المتوسط.. 🟢🟠 وخد بقى الخبر اللي فعلًا مخيف... من شوية، في وثيقة اسرائيلية (يقال انها مسربة) انتشرت اسمها "خيار شمشون".. بتتكلم عن خيارات اسرائيل الأخيرة لقصف مدن في دول حول العالم لو وجدت نفسها في تهديد وجودي.. في حالة مواجهتا احتمالية الفناء، إسرائيل جهزت قائمة أهداف هتضربها بالصواريخ النووية في خيار عنوانه "الرد الانتحاري"... وضمن الأهداف مين بقى؟! 1️⃣ مدن مصرية زي: القاهرة والإسكندرية والسد العالي في أسوان.. 2️⃣ مدن عربية في دول زي: 🔹️إيران: طهران، مشهد، قم، أصفهان، تبريز... 🔹️سوريا: دمشق، اللاذقية، حمص، حلب.. 🔹️لبنان: بيروت، البقاع، صور، صيدا.. 🔹️فلسطين: خانيونس، غزة. 3️⃣ مدن الردع العالمي: 🔹️ أمريكا في مدن: واشنطن، نيويورك، لوس أنجلوس. 🔹️ روسيا في مدن: موسكو، كاليننغراد. 🔹️ الصين في مدن: بكين، شانغهاي.. 🔹️أوروبا في مدن: برلين، بروكسل، لندن. كل دول حسب الوثيقة هيبقوا أهداف لضربات ردع عالمية أو زي ما بيسموها Global Deterrence Attacks.. وهيتم فيها استعمال صواريخ اسمها جيريكو 3، بتبقى شايلة جواها رؤوس نووية قوتها توصل لـ 400 كيلوطن.. هتلاقي الوثيقة في الكومنتات 👇 (ومتنساش انها بردو مش مؤكدة واننا في خضم حرب اعلامية دايرة دلوقتي). طب العالم رد فعله أيه ع اللي بيحصل؟! 🟢 إيران: • الحرس الثوري قال رسميًا: أي مدينة جوه إسرائيل تعتبر هدف مشروع. • أمر بإخلاء طهران والمدن الكبرى فورًا. • أعلنوا إنهم هيردوا بضربات هي الأقوى في تاريخ القصف الصاروخي هتستعمل غالبًا: (صواريخ باليستية + درونز + ربما هجمات إلكترونية). 🔵 روسيا: • بوتين نشر قطع بحرية في البحر الأسود، وبعت تحذير لأمريكا من التصعيد. • فيه تقارير بتتكلم عن تقديم المخابرات الروسية دعم استخباراتي لطهران. 🔴 الصين: • دلوقتي بتحرّك وحدات بحرية في بحر الصين الجنوبي. • فيه (تسريبات) غير معروف صحتها إنها بعتت معدات تشويش واستشعار لإيران. 🟡 باكستان: • موقفها متردد وتصريحاتها الداعمة لإيران خفت شوية بس ما زالت بتدعمها، لكن قفلت الحدود بينها وبين إيران، وفي كلام عن دعم مباشر من المخابرات الباكستانية لإيران. 🔵🔴 الأغرب بقى من كل ده، واللي هيخليك تتأكد ان في حدث كبير على وشك الحدوث، هو ان دلوقتي تم رصد عدد من الإسرائيليين بيهربوا فعليًا لقبرص بزوارق ويخوت.. والصورة في المصادر تحت 👇 🟢🟡 كمان السفارة الصينية في إسرائيل طلبت من مواطنيها يغادروا فورًا عبر الأردن... والسفارة الصينية كمان حذرت مواطنيها وطلبت منها يغادروا اسرائيل بشكل عاجل وفوري.. وبعدها مباشرة ظهرت نفس التحذيرات من ألمانيا وروسيا والأرجنتين، وطلبوا من مواطنيهم يخرجوا عبر الحدود البرية... وآخر حاجة وأهم حاجة.. يُقال ان سبب التصعيد المفاجيء هو ان في ضربة إيرانية أصابت منشأة عسكرية حساسة في بئر السبع، تم منع التصوير أو الاقتراب منها، وان في بعض القيادات العسكرية الإسرائيلية المهمة راحوا فيها... وده سبب ان ترامب غادر قمة ال G7 في كندا على عجل، وسبب قراره بتحريك السفن الأمريكية.. 🟣 إحنا في لحظة محورية من تاريخ المنطقة والعالم... هتابع معاك اللي جاي لحظة بلحظة.. والمصادر في الكومنتات 👇 كالعادة عرف غيرك اللي بيحصل من خلال الشير.. #علام