في نوع من علاقات الحب كده نسميهو "لابريدك ولا بحمل بلاك💜 " يعني تلقاهم الاتنين زي توم وجيري اليوم كلو ورا بعض . يتناقروا في الصغيره و الكبيره .. ينفصلوا في الدقيقه الف مرره و يرجعوا كأنو قبل شويه ما حصل شي ❤️ .. النوع الممكن ما يعترف بي غيرتو على الطرف التاني و نفس الوقت الطرف التاني يحسسوا انو ما فارق معاهو الموضوع .. وبعد شويتين تشب النار في عيونهم الاتنين و يفضحوا بعض بي غيرتهم الشدييده على بعض 💜 ممكن يقول ليها نشرب قهوه هسي ! و تقول ليهو لا .. بعد دقيقه و نص كدهه تقول ليهو يلا نشرب قهوه و يقول ليها لا .. النوع البعاندوا بعض عشان اي طرف شايف التاني ما بسمع كلاموا .. لما يجتمعوا ونقاشاتهم تكتر يحسوا بي إنهم ما ح ينجحوا في الاستمرار و يقرروا ينفصلوا 💔 تمر دقايق و ما في واحد فيهم طايق البعد عن التاني و يبادروا الاتنين في نفس اللحظات بالرجوع ❤️ العلاقه الزي كدهه مافيها مبدأ الغرور و عزة النفس و الكبرياء مافيها هو ما اتصل يبقى انا ما ح اتصل ! ببساطه ديل اتنين فاتوا مرحله الحب و التعويده زاتها .. دي علاقه بقوا فيها الطرفين ستاره مكشوفه قدام بعض .. يعني هو عااارف تفاصيلها و عارفها لما تجوط و تكورك و تتزهج كده و تقول بكل حزم انا ما دايراهو 💔 بعد يومين قلبها ح يحن ليهو و تجي راجعه براها .. و هي عارفه انو لما الشغل يضغطوا و يزهج من نقتها و يقول ليها خلاص ننفصل ؛ يقعد دقائق بس و يمسك تلفونو يقول ليها انتي مرهقه كده ليه مش عارفاني بريدك 💜.. اتنين بعذبوا في بعضهم اليوم كلو و الشهور و السنين كلها .. لكن لما يقولوا ليهم انفصلوا و اي واحد يشوف سكتو .. بحسوا بي الدنيا بقت ضيقه و اي واحد ببدا يتخيل الطرف التاني ما موجود في حياتو .. ويقول لا و لابد من وجودو ❤️ الحياه ما بتكمل الا معاهو 💜 .. شايفين انو الآذيه دي هي ذاتها حب كبير بحد ذاتو 💗 و شايفين المشاكل الكتيره البتحصل بينهم هي السبب البخلي العلاقه تقوى و تقوى اكتر 💕 عندهم جملة انا بكرهك يا زفت .. و راها انا بريييدك رييدة كده ما طبيعيه .. و عندهم كمان خليني عليك الله و انساني بتترجم لي اتمسك بي اكتر لأني ما بعرف اعيش من غيرك ❤️ عندهم قاموس براهو خاص بيهم هم الاتنين بس💜 مهما تقرب من الاتنين ديل ما ح تقدر تفهم نوع التمسك بتاعهم ده ! ح تستغرب من البت البتبكي كل مره بسبب زعله منو و من الراجل البزهج كل مره من نقتها الكتيره ولسه متمسكين ببعض 💕 يعني يقبلوا الآذيه لي بعضهم بس مافي طرف تالت يآذي واحد منهم لأنك ح تشوف نوع دفاع كدهه رهييب 🖤✨ و كأنوا هم الاتنين ضفر و لحمه 🖤 و كأنهم جسد واحد مقسوم لنصين .. و كأنوا كل واحد منهم شايف انو ولي امر التاني و انو هو حاجه بتخصو براهو 💜 .. نوع العلاقه دي .. تلقاهم الاتنين زعلانين نص السنه و متصالحين شهرين بس .. 🖤 كارهيين بعض السنه كلها و حابيين بعض في الدقيقه عشر مرات .. اتنين اتعودوا انو الحب من غير مشاكلهم ما بعني حب🖤✨ تلقاهم الاتنين بيرهقوا في بعض كده من نقه و مشاكل و عناد و ما تعملي كده يابت ! و ح اعمل و ماشغلتك فيني .. و لما يقرروا يقعدوا برواق و يحلوا مشاكلهم تقول ليهو انا حاسه اننا مكتوبين لاننا ما عاديين يضحك و يقول ليها ارح طيب لي شيخ 😹💔 تقول ليهو ولو طلعتا انت كاتبني احسن ليك من هسي اعترف .. يضحك من عوارتها و يقول ليها طيب لو كنتي انتي كاتباني وتقوم تزعل و تتنفض وتقول ليهو لما اجي اكتب اكتبك انت بالله .. و تقوم الشكله تاني وبدل صلح يبقى خراب ديار😹💔 يجوطوا اليوم كلو كدهه زي توم و جيري .. و في نهاية اليوم يكونوا متهديين و تعبانين و مرهقيين ولاازم هي ترسل ليهو شربتا مويه ! عشان انت ما بتشرب كتير و انا ما ح اديك كليتي بعدين يا سجم 🥀🖤 و يرد ليها شربتا يافقر و اتخمدي نومي عشان السهر بعمل ليك فقر دم 🖤 .. بتخيل انو مافي اعظم من الحب دهه🖤