السلام عليكم ورحمة الله وبركاته صباح الخير يا شباب الموبايل لو سبته يوم من غير شحن.. بيقف، صح؟ ومهما كان غالي أو جديد، من غير شحن مالوش أي قيمة.. نفس الحكاية بالظبط مع قلبك! قلبك محتاج شحن يومي: بالقرآن، بالذكر، بالصلاة، بالتوبة، وبصحبة صالحة.. لو اليوم بيعدي من غير ما تغذّي قلبك بالطاعة، ماتستغربش لما تلاقي نفسك تايه، مش حاسس بحاجة، ومفيش طاقة للعبادة! ببساطة، (مفيش مدخلات = مفيش مخرجات) يعني لو مفيش علم وذكر بيغذيك، طبيعي تحس بفتور، تحس إنك بعيد.. وإن كل حاجة بقت تقيلة. فخليك دايمًا حريص تشحن قلبك بالطاعة، واثبت على الطريق.. وما تبعدش عنه أبدًا.