𝗗𝗿𝗶𝗲 𝗺𝗲𝗻𝘀𝗲 𝗱𝗼𝗼𝗱 𝗶𝗻 𝘀𝗸𝗶𝗲𝘁𝘃𝗼𝗼𝗿𝘃𝗮𝗹 - 𝘃𝗲𝗿𝗺𝘆 𝗱𝗶𝗲 𝗡𝟭 𝗶𝗻 𝗝𝗼𝗵𝗮𝗻𝗻𝗲𝘀𝗯𝘂𝗿𝗴 Drie verdagtes van 'n reeks huisrooftogte is 'n kort ruk gelede in 'n heen-en-weer skietery met die polisie in Sandton, Johannesburg doodgeskiet. Verkeer op die N1-noord in Johannesburg tussen die Winnie Mandela en Rivonia-afritte is erg vertraag weens die skietvoorval. Slegs een baan is oop. Luidens berigte is die polisie steeds op die toneel. Dit wil voorkom asof die polisie na 'n rooftog ontbied is, waarna 'n jaagtog ontstaan het. Motoriste word gemaan om die gebied te vermy.