عشان تحقق أى حلم كبير، لازم تكون مستعد إنك هتضحي بوقتك مع أهلك وبجزء من صحتك (وجع ضهر، عيون، رقبة) ♥️ بحياتك الاجتماعية، والخروجات، والراحة. هتدفع من جيبك علشان تتعلم، تطور نفسك، وتبني حاجة حقيقية هتتحمل الإحباط، والناس اللي بتكسر فيك كل يوم، لحد ما تنجح ويبدأوا يصفقوا ليك بنفس الأيد اللي كانت بتحبطك. مفيش طريق سهل، ومفيش حاجة ببلاش طالما قررت تبدأ، يبقى لازم تكمل بقلب جامد. اخرج من دور الضحية، لأنك مش مميز في معاناتك، ومفيش مؤامرة كونية ضدك لأن كل الناس عندها ظروف، ومشاكل، وابتلاءات بس الفرق في مين هيكمل ويعافر، ومين هيدفن نفسه وأحلامه بإيده ويعيش ف سجن من صنع عقله كأن مفيش حد بيعاني غيره لو فضلت مستسلم، هتعيش طول عمرك سجين دور الضحية. لكن لو قررت تواجه، مهما كانت الصعوبات، ساعتها بس هتوصل. ربنا يكرمكم يآرب اعانكم الله ووفقكم وسدد خطاكم ❤