PANGDET JING UTE Tuchung igalnei u hi eiho dinga thilphajo Pathen in eigonpeh u ahi.Phatle nikho ahungche jingin galletol jong ahung oldeu tan ahi.Tuhin ima kimuponte tia kinemjou talouho lunggel hinseidoh atamlheh tan ahi.Hichehi phamo kasaji lheh e.Nakineplou jong leh phongdoh louvin nangma a kichaisah lechun pha ahi.Israel ten Pathen atahsan lel jeh un achung uvah Pathen lunghan achuh lon ahi.Tu dinmun hi ivetleh lunglhahna ding umjongleh lunglhalouva ingajingdiu ahi.Ipi ikineplel piu ham ? Step aban ban a ihungchal nahlai diu ahi.Koima toh kitekah poute.Abangkhat in milongho toh itekahjiuvin thaset nathei tamtah iseidoh jiuvin ahi.Amahon kum tamtah adel un tun akhutibep uve,eihojong ihung khutidiu ahi tia prediction bol jong iumjiuvin aphamo lheh e. Eiho dinmun kinep aumnaho kahinsei ding ahi 1)Meilheite toh achom a kikhen ihitauvin eihin chenkhomsah jou diu koima umtaponte.Lamkaiho iginmo nau tamtah aumin ahi.Ajoukhat leh sum hin kilah untin kichamna soikai get unte itijiuvin ahi.Ngaito mongmong uvin koi ham hibangse isojou nung uva hiche bolngam dingchu....!! Lamjathang Haokip in aboltheichan abol in ima phachomlou ahi,ajehchu koiman ije atilou ahi.MLA hihen thingnoi hijongleh hiche hinbol ding chu kukichapa umponte.Mipi hi alung ahin suhkhel diuhi Lamkaiho jong kiveng ahitai.Free movement ahin hon a Governor in pumhat a bolding ahi got a mipi chomchakhat kipangkhom mai mai jong chu nasa ahi.Koiham hiche tobang bolkit ngam ding ...!! Mipi hi ichol phat uva Kinga ahipoi.Lamkaiho khohei kiveji ahi.Tuchan a Meilhei kiti nom a ilhatsah louvu hi ipankhom(mipi movement) jeh ahibouve.Hiche tobang hi aphat aphat a hung um jiji ding ahin pan ilahjing diu ahi.Tulahjong loubol a kilep a eihogam neukhat khat DC ahilouleh SP order ahinsosah uva buffer zone suhkeh ding tohgon aneijing un hijeh a chu mipi hapan a ipanjing diu isuh chatvai sahlou diu ahi.Order so chu amaho ahin anangding eiho ihiuve.Hichehi Meilhei le Kuki kikhenna gamgi ahitai.Hichehi centre force in higher authority order ahi tijongleh kanompouve itidingu ahi.Hitia hi kum tamtah ihin vendoh pou pou uleh gamgi kichehsel inei u ahitai.Janhia Leitanpokpi langa thilsoh chu akipatna ahi.Mundanga honjong kivetdoh a pha ahi. 2)BJP government hi atonsot a ding ahiloujeh in khatvei tei ahung kheh ni umtei ding ahi.Tu tadi dinghin centre le state kithukop ahijeh un ichungthuu hi aseigot mongmong lou diu ahi.Pathen hatchungnung in eipanpi lou hileh eithagam tahbah diu ahi.Atohgon jouseu alosamtan agelbang uva eineh theilou phat uva hitia hi eikoiju ahin amaho thaneina hi nikhat hungbei tei ding ahijeh in lunglhapou hite.Eiho geltoh kibanglouvin Pathenin eipuijing nauve.Gamdel gamchu ihitahjeh un ol ol in hung machal jing ding ahi.Maban ah MLA election hung um intin kukiten kathilthum neipeh lou jeh un kapan tahloudiu ahi hintileu hen ipi hamkhat thu hung ging kit intin hijong chu malam inonau khat hung hikit ding ahi.Kikhelna lentah hung umding ahi.Hichejonghi anivei channa mipi movement hikit ding ahi.Masanga banga khatleni kichepna chun chan neithei louding ahitai. Kanam mite ho kingohto tapou hite.Pangdet jing leuhen Pathen in malam nodingdan eikomu peh jing nauvinte.Mipin dettah a inophat phat uleh kikhelna vang aumtei tei e.PATHEN IN KUKI NAM UMPI JING TAHEN. ✍️ Ngamkhogin Haokip