أوعي تخسر الشوية إللي بتتكلم فيهم مع ربنا ، عارف يعني إيه تستني ميعاد وقت الصلاه بفارغ الصبر علشان تحكي لربنا عن كل مشاكلك وتطلب منه كل إللي محتاجه ؟ عارف يعني ايه شعور إنك مطمن جداً ، وشعور إنك بتخاف تغلط لانك دايماً شايف ربنا قدامك، وان مهمّا كانت اخطائك صغيره لغيرك انت بتشوفها كبيره من كتر ما انت متعود إنك متزعلش ربنا منك ، عارف حلاوة شعورك إنك نقي ونضيف ، عارف حلاوة شعورك إن ربنا لسه بيحبك وبيخاف عليك من الغلط ومصحي ضميرك ؟ طيب عارف حلاوة شعورك وان ربنا دايماً بيرزقك وبينور طريقك وبينور بصيرتك ومش بيأذيك ، أعطي لربنا حقه وشوف كمية الفرج والرزق ، اوعي تسيب الشوية اللي بتتكلم فيهم مع ربنا وبيسمعك فيهم ، اوعي تبطل تطلب من ربنا ، خلي عندك ايمان ورجاء ان دايماً ربنا موجود ، هيرضيك حتي لو كل حاجه في الدنيا صعبه عليك هيخليك تتقبل كل شئ بقلب مطمن ، هيعوضك بالخير والخير والأفضل ليك ، صدقني مش لازم تكون انسان مثالي اكتر من اللزوم ، بس قربك من ربنا حتي لو عندك بعض الاخطاء الصغيره هتحس بحلاوة وجودو وسندتو معاك ، حط ربنا قدامك دايماً قبل اي قرار ممكن تاخده ، عيش مطمن وخليك دايماً مع ربنا علشان الدنيا دي ماهي إلا محطة صغيرة لحد ما تلقاه 🤍.