*"عشـان بريدك زي عيـوني كـوني زي ما عايزه تكونـي* *كونـي غيـمة وابقـي ضلـي كونـي مني وابقـي كُلي ..❤🌹"* *الغنيـة دي اكتر حاجه ماسكـة فيني الايام دي ومفترض تبقى ترند نبطل نقول كلمة انا بحبـك البقت مستهلكه من غير شعور حقيقـي ونستبـدلها بمقطع "كوني منـي وابقـي كلـي"..* *الغنيه دي جسدت اعمـق نقطـه ممكن يصل ليها الانسان مع اللي بحبو..* *عكست كل الاحاسيس الممكن نكتفي بيها عشان نبدا مشوار حياتنا مع بعض..* *ونحس بالاكتمال وامتزاج التفاصيل، احسـاس انو طلب منها تملا اي فـراغ في حياتـه..* *وتسد كل الفجوات، احساسي بيقول لي انو اللحظه ديك كان ملخبط شديد..* *وحاسي باكتظاظ الشعور لدرجة غلبـو يعبر عنه..* *فقال: "كوني زي ما عايزه كوني، كوني نغمي الفي غناي وابقي راحتي ومشتهاي"* *دائما بسأل نفسـي متين الانسان بيحس بالقدر ده من الانتماء لدرجة يطلب من الطرف التاني انو يتملكو بكل ما فيه..* *اكتشفت انو الاحاسيس دي حتى الاحاسيس الاتكتبت بيها الاغنيه دي نابعه من احساس واحد بس " الاكتفاء"* *حقيقي لمن تكون مكتفي بانسان بتحس كأنك عايز تشيل كل الحب والشعور الموجـود في العالم و تقدمو ليه..* *الاحساس ده خالص ما مرتبط بعدد الايام ولا السنين ولا الشهور شعور مجرد ما مقيد باي تبعات..* *الإكتفاء هو أن تعيش مع شخص واحد بألف شعور* *وأن ترى شخصاً واحداً على أنه الجميع ❤🌹* #دنيا🌸