في وقت بيجي عليك بتحس إنك مش قادر، وإنك خلاص فقدت حيلتك، وبقيت بتقول في سرك: «أنا تعبت أوي…» اعرف إن ربنا شايفك، سامعك، وعارف قُد إيه أنت بتحاول تكون بخير حتى وانت موجوع. قال تعالى: ﴿ لَا تَدْرِي لَعَلَّ اللَّهَ يُحْدِثُ بَعْدَ ذَٰلِكَ أَمْرًا ﴾ يعني يمكن اللحظة اللي انت فيها دلوقتي مش نهاية القصة، يمكن من ورا الضيقة دي، ربنا بيكتبلك بداية فرحة كبيرة ما تخطرش على بالك. اطمّن… اللي خلّاك تقوم من قبل كده، هيقومك تاني. واللي ستر عليك زمان، هيسندك دلوقتي. واللي كتبلك الصبر، هيكتبلك العِوض الأجمل. قول دلوقتي: "اللهم إنك تعلم سري وعلانيتي، فاجبر قلبي جبرًا يليق بكرمك، ولا تجعل لي حاجة إلا وأنت مُيسرها لي بقدرتك." ابتسم… حتى وانت موجوع. قول: «الحمد لله»… حتى وانت مش فاهم ليه. لأن اللي معاك، هو أرحم وأحن عليك من نفسك 💙