BJP Mizoram

https://www.facebook.com/share/r/14E7btbpNLQ/ Ms. Shobha Karandlaje, the Hon'ble Union Minister of State, visited Mizoram to attend a conference discussing the Union Budget 2025-2026. The event, organized by the BJP Mizoram State Headquarters, took place at Hotel Rengency in Aizawl.

https://youtu.be/ZD29Tu0GkLY

https://www.facebook.com/share/v/19xX3LnFK3/ BJP MIZORAM HEADQUARTERS, PRESS RELEASE DATED THE 17TH FEBRUARY 2025 : NO.BJP/MZ/HQR/PR-14. Vawiin 17th February, 2025 (Monday) hian karthar inhlanna leh Political Session hun neih niin, Pu Johny Lalthanpuia, State Media Convener-in inkhawm a kaihruaia, Rev. R. Lalrinmawia, Ex Moderator Mizoram Synod-in hunserh hmangin, Pu Vanlalhmuaka, State President-in thusawina hun a nei bawk. Pu Vanlalhmuaka, BJP Mizoram, State President chuan, "State Day of Prayer Committee te'n min rawn tlawh hi kan lawm hle a, kan State tana kohhran bik awm lo leh Party lam engmah sawi lova, kan ram leh hnam damna tur atana ṭawngṭaina hun buatsaih a ni hi a lawmawm a, kan ram leh hnam damna tur hian kawng hrang hranga kan theihna zawn apianga hma lak hi a pawimawh hle a, hetianga Ram vei tute'na kan ram leh hnam damna tur leh hmasawnna tur atana hmalakna a awm hi a lawmawm hle a, BJP chuan kan din chhan Mizoram leh Hnam tan a nih avangin, chumi kan Mission hlawhtlinna bul chu Pathian chauh hi a ni a, he ṭawngṭaina hun pawimawh tak ah hian BJP hruaitute leh Member-te a tam thei ang ber kal turin kan inbuatsaih dawn a ni," a ti. Rev. R. Lalrinmawia chuan, "BJP Mizoram te'na State Day of Prayer team-te ṭha taka min dawnsawnna ah kan lawm hle a, he ni (State Day of Prayer) in ngaih pawimawhna ah lawmthu kan sawi a, MLA te leh BJP hotute bakah Member a tam thei ang ber he hun hi min hmanpui ṭheuh turin kan sawm che u a ni," a ti. He hunah hian State Day of Prayer team-te hnen aṭangin thusawi ngaihthlak a ni a, Pu Malsawmtluanga, State General Secretary-in Union Budget Discussion neih tur chungchang puanna hun a nei bawk a ni. Issued By IT & Media Department, BJP Mizoram Headquarters: Aizawl, Mizoram. BJP Mizoram Devesh Kumar Dr. K. Beichhua #BJP4Mizoram #Mizoram #BJP #statedayofprayer Credit: Zonet Chanchinthar

*Siaha Bialtu MLA-in Siaha MYC coaching centre-a thawklaite banin, Siaha District ZPM hruaitute chhung lak an nih thu a sawi...* https://bengvarna.com/post/mz/mizoramnews/0/6950/ZPM+hruaitu+chhungte+la%3F

https://www.facebook.com/share/v/15FH1pX8SA/ BJP MIZORAM HEADQUARTERS, PRESS RELEASE DATED THE 20TH FEBRUARY 2025 : NO.BJP/MZ/HQR/PR-16. Hon'ble Union Minister of State for Labour & Employment Ms. Shobha Karandlaje chuan BJP Mizoram State Office, Mipui Rûn, Upper Republic tlawhin, Party mite Meeting a neihpui hnuah, BJP State Press Conference room-ah thuthar thehdarhtute kawmna hun a nei a ni. Union Minister Pi Shobha Karandlaje chuan, "India Ram Budget 2025-2026 chungchang sawina hun a nei a, India ram chu khawvelah ram ṭhangchak leh hmasawn chak ber pawl a ni a, tunah pawh hian Economy ah pawh 5-na kan ni mek a ni," a ti a. "Union Budget 2025-2026 ah hian NE-te tana hamṭhatna tam tak a awm a, NE mi tam tak chu House-Maid ah an tam hle a, Maid ringawt lo ah pawh, NE mite hi ram chhung hmun hrang hrangah hna an thawk a, mahse a tam zawk chu maid hna thawk an nih avangin Medical line lamah te hna tam tak a awm avangin, Khawvel mamawh doctor, nurse lam ah te pawh ṭan kan lak a ngai a, chung chu State Sorkar hian hma an lak thiam a pawimawh hle a ni," a ti bawk. Pi Shobha-i chuan sawi chhunzawmin, "Central Sorkar chuan Mizoram hmasawnna atan Education, Health, Agriculture leh Horticulture, MSME leh hmasawnna ruhrel (Infrastructure) siamna atana Central Sorkarin Mizoram tan sum tam tak a Sanction a, Mipui tana hmasawnna tur Central Sorkarin sum a Sanction te hi a hman ṭhat tawk loh avangin Mizo mipui te'n kawng hrang hrangin harsatna an tawk a ni," a ti a. Union Minister chuan, "Mizorama kan thlai thar chhuah dahṭhatna tur a tam thei ang ber siam a pawimawh a, kan thlai thar chhuah dah ṭhatna tur Cold Storage siamna tur Project-te pawh Central Sorkar ah a rang thei ang ber a dilna siam a pawimawh hle a, Mizoram Sorkarin chakt aka hma a lak a ngai a ni," a ti bawk. Union Minister chuan PM Scheme hrang hrang sawiin, "PMAY (Housing For All) te, JJM (Tui Connection) te, PM Health-care ah te, PM Free Electrification ah te, Toilet siamna tur atan (Swachh Bharat) te leh PM Scheme dang atan pawh Central Sorkar chuan a hun takah sum kan pe vek ṭhin a, hengah te hian Mizoram Sorkar chuan PM Scheme hi ṭha taka Mipuiin an chhawr theih nan a huntakah apek chhuah ve zel angai a ni. Chutiang a nih loh chuan PM Scheme kaltlanga mi retheite'n hamṭhatna an dawn tur ang hi an dawng thei ṭhin lova, chuvangin Mizoram mipuite hian a nih tur angin kan chhawr thei dawn lo a ni," a ti. Ministry of Labour & Employment changtu chuan, "NE hi hnathawktu tamna a ni a, heng hnathawk tute tan hian Mizoram Sorkar hian a tam thei ang ber hnathawk thei tura thiamna pek hi a tih tur a ni a, thalai tam tak a train chhuak tur a ni. A bikin Maid hi NE aṭang hian kan tam a, chung aia hna ṭha zawk khawvelin a mamawh Doctor leh Nurse ah te pawh nasa zawka ṭan lak a ngai a, chutiang tur chuan State Sorkar hian hma a lak a ngai a ni. Central chuan State tan tihtur tih loh kan nei ngai lo a ni, " a ti a. Organic thlaithar chungchangah Organic hmanga kan thlai te hi Mizoram dinchhuahna tur atan a pawimawh thu sawiin, "hemi hi ngun taka zir chianga, Organic Farming hmanga intodelhna kawng kan zawh theih chuan India ramah ngei pawh Demand a san avangin Organic thlai hmang hian Mizoram hi kan intodelh thei a ni. Tin, e-Shram chungchang hi State Sorkar hian mipuite ah zirtirna ṭha tak a pek a ngai a, e-Sharm hi Mizoram mipui hian kan chhawr ṭangkai a ngai a, he e-Shram ah hian Sorkar hnathawk lo, mahnia ei zawng, kuthnathawktute te chu in Register vek turin Mizoram mipuite ka sawm che u a, e-Shram Portal-a in Register te chuan hamṭhatna hrang hrang an nei thei a, hei vang hian a tam thei ang ber Mizoram mipui te'n kan chhawr theih nan e-Shram Portal ah hian Registration ti vek turin Mizoram mipuite ka ngen che u a ni," a ti. BJP Mizoram hruaitute ruahmanna in Union Minister hi Hnahlan Grape Grower Association-te leh Mizoram Chamber of Commerce and Industry hruaitute'n BJP State President chu a Chamber ah hmuin, an mawhmawh te sawipuiin ziakin an thlen bawk a ni. Union Minister Pi Shobha Karandlaje chuan vawiin tlai khan Mizoram chhuahsanin Delhi a pan nghal bawk a ni. Issued By IT & Media Department BJP Mizoram Headquarters Aizawl Mizoram. BJP Mizoram Shobhakarandlaje abhimanigalu Devesh Kumar Dr. K. Beichhua Lalremsangi Fanai Tetei Dinthara Kawilam Lalthangmawii Pachuau Ozfelly Ozfelly #BJP4Mizoram #Mizoram #BJP Credit: LPS Chanchinthar

https://www.facebook.com/share/p/15k5iATxa4/ Vawiin dt. 20/02/2025 khan Pi Shobhakarandlaje abhimanigalu , Hon'ble Union MoS chuan BJP Mizoram State Headquarters Office, Mipui Rûn a tlawh a, party mite meeting a neihpui a ni. Meeting hi Pu Malsawmtluanga, State General Secretary chuan a kaihruai a ni. Narendra Modi Devesh Kumar Dr. K. Beichhua Dinthara Kawilam Lalremsangi Fanai Tetei #BJP4Mizoram #Mizoram #BJP