Black 🥀

‏"أنا فخور بقلبي جدًا.. لقد تم كسره كثيرًا، لكنه بطريقةٍ ما لا يزال منزلًا آمنًا لأحبائه ويعرف كيف يتعامل معهم بعنايةٍ وتقدير، ومستعدٌ دائمًا للعطاء بأقصى ما يستطيع، قلب لا يحب بإهمالٍ أو بنصف عاطفة إنما يحب بعمق روحه."

"أنا آسف" "حقك عليا" "ماتزعلش مني" اللي بيتقالوا في ثانيتين دول لما بييجوا في عز لحظة الزعل بيبقوا أبرك مليون مرة من ساعات إعتذار متواصل حتى لو استمرت لـ سنين.. تطييب الخاطر في وقتها بيطفي نا.ر الغضب مهما كانت حدتها، وبيقرب المسافات مهما بعدت.. دا لو أنت بتعزه فعلا و غالي عليك وشاري.

ممكن اسامح الدنيا كلها إلا الشخص اللي شاف مني كل خير ويجازيني بقلة اصل.🖤📌. في حاجات بتعدي وحاجات بتتنسى، لكن في نوع معين من الأذى بيفضل محفور جواك حتى لو حاولت تتجاهله.. إنك تدي حد كل الخير، وتكون معاه بضمير، وتبقى سند ليه في أضعف لحظاته، وفي الآخر يجازيك بقلة أصل، ده أصعب حاجة ممكن الواحد يشوفها! مشكلتي مش في إن حد يغلط، كلنا بنغلط، لكن لما حد يكون عارف قيمتك وعارف إنت كنت إيه في حياته وبرضه يخذلك، ده اللي صعب يتسامح فيه.. لأن الخيانة جاية من واحد كنت شايفه ضهرك وسندك، مش من حد غريب. سامح أي حد، إلا اللي طعن وهو عارف إنه بيطعن.. واللي خان وهو عارف إنه بيخون.. لأن الناس دي عمرها ما هتتغير، وعمرها ما هتندم، ولو عديت لها النهارده، بكرة هتدوس عليك أكتر وكأنك ولا كنت..!

أوعي تزعل أبداً ع حد أختار يخرج من حياتك بمزاجه سواء بشكل مباشر إنه سابك و بعد ؛ أو بشكل غير مباشر إنه أجبرك بتصرفاته معاك إنك تسيبله الدنيا وتمشي .. الزعل ده اتعمل ع الناس الماسكيين فينا ؛ علي الناس الأصيلة اللي بيحاربوا الظروف عشان يفضلو معانا ؛ الناس اللي ميعرفوش أعذار و تلكيك وحجج عشان يفارقوا ؛ ارتقي في زعلك وعززه خليه بس ع اللي يستاهل .

المنافق دايمًا فاكر نفسه أذكى واحد.. فاكر إنه بيلف ويدور من غير ما حد يحس، وإنه بيقول الكلام اللي الناس عايزه تسمعه، وبيمثل الدور اللي يناسب كل موقف، ويعيش مطمن إن كله ماشي على مزاجه. بس الحقيقة؟ الناس واخدة بالها، شايفاه وبتقرأه كويس جدًا، بس ساكتين… مش لأنهم مصدقينه، لأ، لأنهم مش حابين يكشفوه… لسه. إنما السؤال الجد: هو المنافق دا… عارف إنه منافق؟ فيه نوع عارف ومتقبل نفسه، شايف إن النفاق "شطارة" وإنه لازم يبقى عنده وشوش كتير علشان يعرف يعيش. النوع ده خطر… لإنه ماعندوش مشكلة يبيعك وهو بيبتسم، ويخونك وهو بيواسيك. وفيه نوع بيقنع نفسه إنه مش بيخدع حد، وإنه بس بيجامل أو بيحاول "يمشي الدنيا"، بس هو في الحقيقة عنده وش لكل مناسبة، ومايقدرش يواجه نفسه بالحقيقة. أما النوع اللي بيخوف بجد؟ اللي بيصدق كذبه… عايش دور الضحية، شايف إن كل تصرف بيعمله له مبرر، وإن الناس هي اللي مش فاهمه أو مش مقدراه، مع إنه أكتر حد بيأذيهم، بس مش قادر يشوف ده… لأنه غرقان في تمثيله. المشكلة مش إنك تتعامل مع منافق، المشكلة إنك تصدقه، وتنسى إن الوشوش بتتكشف مهما طال الوقت. 🖤

الشخص اللي بيتعامل معاك بحنية مزيفة في الأول مع أول موقف هتشوف وشه الحقيقي اللي بيقولك إنه عمره ما هيخذلك هو أول واحد هيبيعك في أقرب فرصة اللي بيمثل إنه سند هو نفسه اللي هيكون السبب في وقوعك. عشان كده متصدقش أي كلام ولا أي اهتمام مفاجئ خليك واعي لأن الدنيا مليانة ناس بتعرف تلبس أقنعة بس أنت شطارتك في إنك تشوف الوش الحقيقي قبل ما تتعلق بيهم أو تديهم قيمة مش ليهم أنت الوحيد اللي مسؤول عن حماية نفسكلأن مفيش حد هييجي يحذرك محدش هيديك إنذار قبل ما يؤذيك أنت اللي لازم تتعلم تقرأ الناس من تصرفاتهم مش من الكلام اللي بيقولوه

النهاردة قريت جملة عمري ما هنساها طول حياتي تقريباً.. " لا يؤتَمَن من استطاع أن ينام و هو يعلم أنه تسبب لك في ضيق ، لا يؤتَمَن من مَضي و نَسي العِشرة و لم يتردد لِلحظة..لا يؤتَمن حتي و إن عاد.."

انا لو وصلني احساس اني مش مرغوب فيا من حد او مش مُرحب بيا في مكان معين بنسحب بهدوء و مبحاولش افرض نفسي ابداً على حد مهما كنت بحبه ومهما كان ايه بالنسبالي ... مجرد ما احس نفسي تقيل ولو للحظة باخد بعضي و ببعد خالص و بدوس على مشاعري وكل ده علشان كرامتي ماتتوجعش .. اصل انا مش هسامح نفسي ابداً لو سمعت كلمة صعبة من اللي قدامي او مجرد انه يلمح ليا مجرد تلميح اني ابعد عنه او مش قابل وجودي ... مستحيل اقبل على نفسي كده و ماحبش اكون في موقف زي دا ابداً.. . الانسان لازم يعزز نفسه و يصون كرامته علشان بجد ماعندوش في الدنيا دي اغلى منها.... 🤚👌

فيه جملة مُعبِرة أوي ، بتقول: "مشكلتي إني باخد بالي من كل التفاصيل، ودي حاجه مُرهِقة ومُتعِبة جدا طول الوقت". وبصراحة أكتر حاجه بتمناها من قلبي، إني مافضلش أخد بالي من أدق التفاصيل، التفاصيل الصغيرة اللي محدش بياخد باله منها أساسًا ممكن تفضل تخليني بفكر الليل كله، كلمة شخص قالهالي وقت ما كان متعصب، نبرة صوت شخص اتغيرت معايا، نظرة ليا معجبتنيش، الردود الباردة، الحاجات الصغيرة دي بس كفيلة إنها تقفل يومي كله، موقف كان ممكن يعدي من غير ما يشغلني لكن من كُتر تركيزي في التفاصيل وقفت عنده وفصصته وزعلت بسببه ..

أنا ضد مبدأ المعاملة بالمِثل تمامًا. لما حد يحطني في مكانة أقل أو يوجعني بتصرفاته، ببساطة بشيله من حياتي. مش لازم أرد الأذى بالأذى، لأن الطيب يفضل طيب حتى لو اتوجع. المعاملة بالمِثل بتخلينا نزيف شخصياتنا، وننسى إحنا مين فعلاً. الحياة أبسط من كده: عاملني زي ما تحب، وأنا ليّ القرار أكمل أو أمشي. سهلة وبسيطة