كبدوكيا خبر 🇹🇷

كبدوكيا خبر 🇹🇷

5/23/2025, 7:19:29 PM

ردود قصيرة على بعض الاستفسارات : س- هل العزابي بحقلو يروح اذن او زيارة عسورية ؟  ج- ما بحق للعزابي ياخد اذن عسورية ابدا . س - الارمل او الارملة بحقلهم يا ترى يروحو زيارة عسوريا ؟ ج- ما بحقلهم يروحو عسوريا زيارة او اذن . س- لايمتا مدة الاذن او الاجازة عسوريا ؟ ج- لغاية ١ - ٧ - ٢٠٢٥ س - فيني اخد ابني الصغير او بنتي الصغيرة مرافقة عسورية ( حرام - خطي - مالها حدا ....) . ج- ممنوع تاخد او تاخدي معك حدا عسوريا وقت تروحي اذن . س- يا ترى رح يفتحو اجازات بعد العيد ؟ ج- لحد هاللحظة مافي هيك تعليمات . س- بس بعض الناشطين والتكتوكرز كلهم قالو انو في اجازات عالعيد،  وانو اذن السفر رح يلتغي والبصمة كمان،  وقال اكيد الحظر رح ينشال عن بعض الأحياء ، ورح يعطونا اقامات بدال الكمالك الصفر .. وجنسيات للي بدو يضل آخر شي ؟؟ صحي يا ترى ؟ ج -  لا تصدقو هاي الاشاعات اذا مافي خبر من مصدر رسمي . س - صحي بدهم يسكرو كمالك الأشخاص يلي بروحو اجازات عسوريا بعد الشهر السابع ؟ ج- سألنا الموظفين ، وأكدولنا انو الكمالك ما رح تتسكر. 

كبدوكيا خبر 🇹🇷

5/28/2025, 6:37:07 PM

- وقت تتقدم بطلب العودة الطوعية بالتركي والعربي لازم ترفق صور كمالك كل افراد العيلة . - اذا الاب أو الام بدهم يروحو عتركيا لازم يعملو وكالة بالاولاد للشخص يلي بضل عندو الولاد . - بعد ما تعطي الطلب للموظف بالادارة ، لا زم تنتظر حتى يتصلو فيك ، لانو في يوم محدد للمقابلة بيجي فيه موظف من الامم المتحدة حتى يسأل الشخص يلي طلب العودة الطوعية اذا رايح بكامل ارادتو . -

كبدوكيا خبر 🇹🇷

5/23/2025, 6:57:58 PM

بالنسبة للاخوة يلي عم يسألو عن العودة الطوعية : - اي شخص او عيلة بدهم يرجعو عسورية ( عودة طوعية ) لازم يكتبو ديلكجة بياخدوها من الادارة ( نسخة مطبوعة ) او بيكتبوها بايدهم : بالعربي والتركي . - لازم تكتب بالديلكجة اسم الولاية يلي بدك تطلع منها عسورية  : ( هطاي - غازي عنتاب - كلس - اورفة ) - لازم تكتب بالديلكجة اسماء الاشخاص المرافقين معك ( افراد العائلة ) ولا تنسى تكتب رقم الهاتف والتوقيع . - بتجيب الديلكجة وتعطيها للموظفة بادارة الهجرة وبتستنى حتى يتصلو فيك . - رح تكون المقابلات يوم الخميس حصرا بسبب حضور موظف من الامم المتحدة . -

كبدوكيا خبر 🇹🇷

5/28/2025, 6:28:04 PM

بالنسبة للعودة الطوعية : - بيكتب رئيس العيلة ديلكجة لادارة الهجرة ببين فيها رغبتو بالعودة الطوعية لسوريا وبيكتب رقم كملكو والمعبر الحدودي يلي رح يطلع منو اضافة للاسم والتوقيع ورقم الهاتف . - كمان بيكتب ديلكجة بالعربي . مثال : إلى رئاسة إدارة الهجرة في ولاية نيفشيهر أنا المواطن أحمد أحمد، أحمل الجنسية السورية، وأقيم في الجمهورية التركية بموجب بطاقة الحماية المؤقتة. أتقدم إليكم بهذا الطلب راجيًا اتخاذ كافة الإجراءات القانونية والإدارية اللازمة لتمكين عودتي الطوعية، برفقة أفراد عائلتي، إلى الجمهورية العربية السورية، وذلك دون أن أكون تحت أي نوع من الضغط أو الإكراه أو التأثير الخارجي، ووفقًا للأطر القانونية الناظمة للعودة الطوعية. أرجو أخذ طلبي بعين الاعتبار واتخاذ ما يلزم حسب الأصول. وتفضلوا بقبول فائق الاحترام، الاسم الكامل: أحمد أحمد الرقم التعريفي: 99908655557777 التوقيع: ……… التاريخ: ……… Nevşehir İl Göç İdaresi Müdürlüğü’ne, Ben, 99908655557777 kimlik numaralı Ahmet Ahmet, Suriye uyrukluyum ve geçici koruma statüsü kapsamında Türkiye Cumhuriyeti sınırları içerisinde ikamet etmekteyim. Ailemle birlikte hiçbir baskı, zorlama ya da yönlendirme altında kalmaksızın, tamamen kendi hür irademle Suriye Arap Cumhuriyeti’ne gönüllü olarak geri dönmek istediğimi beyan eder; bu kapsamda gerekli tüm idari ve yasal işlemlerin başlatılmasını ve tamamlanmasını arz ve talep ederim. Gereğini bilgilerinize arz ederim. Adı Soyadı: Ahmet Ahmet Kimlik No: 99908655557777 İmza: ……… Tarih: ………

كبدوكيا خبر 🇹🇷

6/4/2025, 9:43:49 AM

تعليمات ادارة الهجرة بخصوص عيد الاضحى المبارك : - التأكيد على ذبح الأضاحي في الأماكن المخصصة من قبل البلدية ، وليس أمام المنازل أو في الشوارع . - عدم التجمع أو السير بمجموعات كبيرة في الطرقات أو المرافق العامة (خصوصا من قبل الشبان ) . - اقامة صلاة العيد في جميع المساجد المتواجدة في الجوار ، وعدم تحديد مسجد معين للصلاة فيه . - الحرص على اقامة المشاوي في الأماكن التي يسمح فيها الشواء ، وليس في الحدائق العامة المخصصة للجلوس والنزهات . - تجنب تدخين الأراكيل في المرافق العامة . - تجنب التنقل بين الولايات دون الحصول على اذن سفر . -

كبدوكيا خبر 🇹🇷

5/30/2025, 7:18:38 PM

https://youtu.be/MuTryO2kABY?si=MVcf8iyA-1m8VFIx

كبدوكيا خبر 🇹🇷

5/27/2025, 11:41:54 AM

يلي مضيع كرت هلال يجي عادارة الهجرة