Hədis-Evi

Hədis-Evi

5/18/2025, 3:05:53 AM

Allahın Peyğəmbəri (s) buyurub: Sizlərdən biriniz evə daxil olan zaman salam versin. Çünki salam həmin evə bərəkət endirir və mələklər o evlə ünsiyyətə girir. (Biharul-ənvar, cild 76, səh 7, hədis 25.) https://t.me/Shia_Hadis

Hədis-Evi

5/17/2025, 2:29:34 PM

Muhəmməd Peyğəmbər (s) buyurub: Ey insanlar ele bir elm yoxdur ki, Allah onu məndə cəm etməsin və hər bir elm öyrənmişəmsə, onu təqvalıların imamında cəm etmişəm. Elə bir elm yoxdur ki, mən onu Əliyə (ə) öyrətməyim və o açıq-aşkar olan İmamdır. (Biharul-ənvar, cild 37, səh 208.) https://t.me/Shia_Hadis

Hədis-Evi

5/19/2025, 2:25:51 PM

Həzrət İmam Əli (ə) buyurub: “Həzrət Zəhra (s.ə) Peyğəmbərə (s) yuxusuzluqdan şikayət edir və Həzrət (s) buyurur: “Qızım, bu duanı de: "Ey qarınları tox edən! Ey çılpaq bədənləri geyindirən! Ey sinir damarlarını sakit edən! Ey yuxusuz gözlərə yuxu gətirən! Sinir damarlarımı sakitləşdir və gözlərimə icazə ver, tez yatsınlar!”. Həzrət Fatimə (s.ə) o duanı oxudu və yuxusuzluq ondan getdi." (Müstədrəkul-Vəsail, cild 5, səh 125, hədis 8/5486.) https://t.me/Shia_Hadis

Hədis-Evi

5/18/2025, 2:06:45 PM

Həzrət İmam Əli (ə) buyurub: "Allah bizdən başqasının vasitəsilə tanınmaz. Əraf bizik və Allah da Qiyamət günü Siratın üzərində bizi tanıtdırar. Cənnətə yalnız bizi tanıyanlar və bizim tanıdıqlarımız daxil olar. Cəhənnəmə isə yalnız bizi inkar edən və bizim də inkar etdiyimiz şəxslər girər. Həqiqətən, Allah özünü vasitəsiz tanıtmaq istəsəydi, bunu edərdi, lakin bizi öz qapıları, siratı (Cənnətə gedən yol), səbili (Allahı tanımaq üçün vasitə) və (özünə doğru) ondan keçib gedilən üzü (yönü) qərar verdi. Hər kəs bizim vilayətimizdən üz çevirsə və yaxud başqalarını bizdən fəzilətli bilsə, onlar siratdan çıxmışlar". (Üsuli-Kafi, cild 1, səh 184, hədis 9.) https://t.me/Shia_Hadis

Hədis-Evi

5/15/2025, 2:56:57 AM

İmam Sadiq (ə) buyurub: “Biz Allahın elminin xəzinədarlarıyıq (gözətçilər), Allahın əmrinin mütərcimləriyik (aydınlaşdıranlar) və biz (Əhli beyt) məsum bir qövmük. Allah təbarək və təala bizə itaəti əmr etmiş, bizə qarşı üsyan etməyi isə qadağan etmişdir. Biz Allahın göyün altındakı və yerin üstündəki məxluqlarına möhkəm dəlilləriyik”. (əl-Kafi, cild 1, səh 269, hədis 6.) https://t.me/Shia_Hadis

Hədis-Evi

5/19/2025, 3:10:41 AM

İmam Sadiq (ə) Allahın buyurduğu: "Əlamətlər yaratdı. Onlar ulduz vasitəsilə yolu taparlar". (Nəhl surəsi, ayə 16.) ayəsi barədə buyurdu: "Ulduz Rəsulullahdır (s). Əlamətlər isə İmamlardır (ə)". (əl-Kafi, cild 1, səh 206.) https://t.me/Shia_Hadis

Hədis-Evi

5/21/2025, 2:19:08 PM

İmam Baqir (ə) buyurub: “İmam olan kəsin on əlaməti vardır: Birincisi, sünnət olunmuş halda dünyaya gələr. İkincisi, yerin üzərində qərar tutduqda göyə nəzər salar və kəlmeyi-şəhadət deyər. Üçüncüsü, sağ qolunun üzərində (çiyindən dirsəyə qədər olan hissəsində) bu ayə yazılar: *“Rəbbinin kəlməsi düzgün və ədalətli bir şəkildə tamam oldu. Onun sözlərini dəyişdirə biləcək bir kimsə yoxdur. O, (hər şeyi) eşidən və biləndir!”.* *(Ənam surəsi, ayə 115.)* Dördüncüsü, gərnəşməz. Beşincisi, əsnəməz. Altıncısı, qətiyyən möhtəlim (cünub) olmaz və şeytan ona yaxınlaşmaz. Yeddincisi, bədənindən xaric olan artıq maddədən müşk ətri gələr və yer daxilinə çəkməklə o ikisini tamamilə aradan qaldırar. Səkkizincisi, günəş altında olarkən kölgəsi olmaz. (Çünki o, nurdan olan bir nurdur ki, kölgəsi olmaz!) Doqquzuncusu, o, ata-babaları kimi daş üzərinə möhür vurar. Onuncusu, onun duası qəbul olar”. (əl-Xəraic vəl-Cəraih, cild 2, səh 569 və 570, hədis 26.) https://t.me/Shia_Hadis

Hədis-Evi

5/21/2025, 3:00:13 AM

İmam Zeynülabidin (ə) buyurub: “Allah-taala qiyamət günü bəndələrindən birinə belə buyurar: “Filankəsə təşəkkür etdinmi?” Bəndə deyər: “Ey Rəbb, mən sənə şükür etmişəm”. Allah buyurar: “Ona təşəkkür etmədiyin üçün mənə də şükür etməmisən”. Ardınca İmam (ə) buyurdu: “Allaha ən çox şükür edəniniz insanlara ən çox təşəkkür edəninizdir”. (Əl-Kafi, cild 2, səh 99.) https://t.me/Shia_Hadis

Hədis-Evi

5/16/2025, 3:24:06 AM

Yunus ibn Əbdürrəhman dedi: "İmam Kazımın (ə) yanına daxil oldum və ona dedim ki, ey Allah Rəsulunun övladı, sənsən haqq olan Qaim", o dedi: "Mənəm haqq olan Qaim. Lakin yer üzünü Allahın düşmənlərindən təmizləyəcək və oranı zülm və haqsızlıqla dolduğu kimi ədalətlə dolduracaq Qaim mənim övladlarımın beşincisidir. Onun özü üçün narahat olduğu uzun müddətli qeybəti vardır. Həmin dövrdə bir çox qövm dindən çıxacaq və digərləri isə sabit qalacaqlar". Sonra İmam (ə) buyurdu: "Xoş olsun Qaimimizin qeybəti dövründə ipimizdən möhkəm yapışan şiələrimizin halına. Onlar bizim vilayətimizdə və bizi sevməkdə sabitdirlər və düşmənlərimizdən bəraət (nifrət, lənət) edirlər. Onlar bizdəndir və biz də onlardanıq. Onlar bizdən imamları olaraq razı qalıblar və biz də onlardan şiəmiz olaraq razı qalmışıq. Xoş onların halına, yenədə xoş onların halına. Allaha and olsun ki, onlar qiyamət günü bizim dərəcələrimizdə (məqamlarımızda) bizimlə birlikdədirlər". (Kəmalud-din, cild 2, səh 361.) https://t.me/Shia_Hadis

Hədis-Evi

5/14/2025, 1:42:10 PM

Allah rəsulu (s) buyurub: “Hər bir əməlisaleh övlad öz valideynlərinin üzünə rəhmət baxışı ilə baxarsa, onun hər baxışına qəbul olunmuş Həcc yazılar”. Soruşdular: “Ey Allahın rəsulu, əgər hər gün yüz dəfə baxarsa necə?” Peyğəmbər (s) buyurdu: “Bəli. Allah böyük və lütfkardır!” Həmçinin buyurur: *“Allahın razılığı valideynin razılığı, Onun qəzəbi valideynin qəzəbi ilədir”.* (Ravzatul-vaizin, səh 624, hədis 1025-1026.) https://t.me/Shia_Hadis