Moh.Elghaleez محمد الغليظ

Moh.Elghaleez محمد الغليظ

6/12/2025, 2:00:54 PM

الصديق - الفاروق - ذو النورين - أبو تراب أسد الله - سيف الله المسلول - أبو المساكين حِب رسول الله - صاحب سر رسول الله - حواري رسول الله ترجمان القرآن - أمين الأمة - الطيِّب المُطيَّب ذو العصابة الحمراء - ذو البجادين 15 لقب ب 15 حكاية انتظرونا إن شاء الله كل أحد وثلاثاء وخميس مع #حكاية_لقب

Moh.Elghaleez محمد الغليظ

6/12/2025, 11:11:59 AM

دايما بعد مواسم الطاعات الشيطان بيكون ليه (هجمة مرتدة) يحاول يبعدك عن الطريق، يوقعك في ذنوب ومعاصي، يرجعك للكسل والفتور من تاني، بعد ما كنت بتجتهد وتجيب آخرك! فخليك منتبه للخطة دي وما تديلوش الفرصة استعن بالله وجاهد نفسك وحافظ عليها، كمّل في طريق القُرب بـ الفرائض- النوافل - أذكارك - وردك من القرآن .. وأي عبادة أو باب خير جديد كنت فتحته ما تقفلهوش استمر ولو بالقليل وخليك دايما فاكر قول النبي ﷺ لما سُئل عن أحب العمل إلى الله فقال: "أدومه وإن قل".

Moh.Elghaleez محمد الغليظ

6/13/2025, 2:05:00 AM

السلام عليكم ورحمة الله وبركاته صباح الخير يا شباب النهارده يوم مش عادي.. النهارده الجمعة.. يوم من أعظم أيام الأسبوع، يوم اجتمعت فيه البركات والفضائل، وميزُه الله عز وجل عن باقي الأيام.. قال رسول الله ﷺ: "خير يوم طلعت عليه الشمس يوم الجمعة؛ فيه خُلق آدم، وفيه أُدخل الجنة، وفيه أُخرج منها، ولا تقوم الساعة إلا في يوم الجمعة" فماتفوتش الفرصة.. • صلّي على النبي ﷺ • اقرأ سورة الكهف • سبح واذكر ربك كثيرا • أكثر من الدعاء في ساعة الإجابة؛ ولا تنس إخوانك فالدعاء فيها لا يُرد بإذن الله تقبل الله منّا ومنكم صالح الأعمال.

Moh.Elghaleez محمد الغليظ

6/12/2025, 9:00:47 PM

أنت مدرك أنت مين؟🤔 #من_الحرم #محمد_الغليظ

Moh.Elghaleez محمد الغليظ

6/11/2025, 6:06:00 PM

هتفرحوا بالتخرج ازاي؟🤔 #فضفضة_الأحد #محمد_الغليظ

Moh.Elghaleez محمد الغليظ

6/12/2025, 2:00:56 AM

السلام عليكم ورحمة الله وبركاته صباح الخير يا شباب مفيش حد فينا يقدر يعدّي عليه يوم كامل من غير ما ياكل ولا يشرب! لازم ياكل ويشرب.. لأن لو ده ما حصلش هيقع من التعب والضعف، ومش هيقدر يكمل.. وده بالظبط حال قلب كل واحد فينا، ولكن مع ذكر الله عز وجل.. عشان كده.. الإمام ابن تيمية رحمه الله، مرة صلى الفجر في جماعة، ثم جلس يذكر الله جل في علاه، لحد امتى؟ إلى قرب منتصف النهار! ثم قال: "هذه غدوتي، ولو لم أتغذّ هذا الغذاء، لسقطت قوتي." زي ما بتحافظ على جسمك، لازم تحافظ كمان على قلبك بذكر الله. اللهم اجعل قلوبنا عامرة بذكرك، وثبّتنا على طاعتك.🤲🏻

Moh.Elghaleez محمد الغليظ

6/11/2025, 4:04:39 PM

امتحانات الثانوية العامة خلاص هتبدأ الأسبوع الجاي إن شاء الله وكله دلوقتي بيذاكر وبيراجع وجايب آخره عشان يحقق هدفه! ولأن الوقت بيبقى ضيق الفترة دي، وكل الطلبة بتركز على مراجعة ليالي الامتحانات.. فإحنا كمان هنركز معاهم وهنراجع أسئلة تهم كل واحد فيهم! انتظرونا إن شاء الله كل سبت وإثنين وأربعاء الساعة 5 م مع #س_ج_ليالي_الامتحان

Moh.Elghaleez محمد الغليظ

5/14/2025, 2:00:23 PM

قال الله تعالى: {الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ} وقال النبي ﷺ: "الرَّجُلُ عَلَى دِينِ خَلِيلِهِ، فَلْيَنْظُرْ أَحَدُكمْ مَنْ يُخَالِل." وقال أيضًا ﷺ: "إِنَّما مثَلُ الجلِيس الصَّالِحِ وَجَلِيسِ السُّوءِ: كَحَامِلِ المِسْكِ، وَنَافِخِ الْكِيرِ، فَحامِلُ المِسْكِ إِمَّا أَنْ يُحْذِيَكَ، وَإِمَّا أَنْ تَبْتَاعَ مِنْهُ، وَإِمَّا أَنْ تَجِدَ مِنْهُ ريحًا طيِّبةً، ونَافِخُ الكِيرِ إِمَّا أَن يَحْرِقَ ثِيابَكَ، وإمَّا أَنْ تَجِدَ مِنْهُ رِيحًا مُنْتِنَةً." ولذلك فأحسن اختيار صُحبتك، فالصاحب ساحب، والطبع لص! قال ابن الجوزي رحمه الله: احذر معاشرة الْجُهَّال، فإِن الطَّبْع لص. وقال ابن قدامة رحمه الله: وقد تكتسب الأخلاق الحسنة بمصاحبة أهل الخير، فإن الطبع لص يسرق الخير والشر. #الطبع_لص

Moh.Elghaleez محمد الغليظ

5/14/2025, 5:04:33 PM

أعمل إيه عشان أبعد عن ذنوب الخلوات؟😢 #من_أسئلتكم #فضفضة_الأحد #محمد_الغليظ

Moh.Elghaleez محمد الغليظ

5/14/2025, 2:00:46 AM

السلام عليكم ورحمة الله وبركاته صباح الخير يا شباب كل يوم بتصحى على إشعارات من واتساب، فيسبوك، إنستجرام، وغيره.. إنت لسه مابدأتش يومك، وبترمي نفسك وسط دوامة الدنيا الافتراضية! وقتك بيضيع، ذهنك بيتشتت، قلبك بيتوه! طب ليه تعمل في نفسك كده؟! جرب كده أول ما تصحى فورا تقول: الحمد لله الذي أحيانا بعد ما أماتنا وإليه النشور. الذكر إشعار من نوع تاني.. بيفكّرك بربنا، ويهوّن عليك الدنيا، وبيزرع في قلبك طمأنينة وسكينة مش هتلاقيها في غيره. كل "استغفار" بتقوله كل "الحمد لله" بتهمس بيها هي لحظة قرب من الله عز وجل. ابدأ يومك بإشعار مختلف.. وخلي خطواتك على خطى الحبيب صلى الله عليه وسلم يقول النبي ﷺ: "يَعْقِدُ الشَّيْطَانُ علَى قَافِيَةِ رَأْسِ أَحَدِكُمْ إذَا هو نَامَ ثَلَاثَ عُقَدٍ يَضْرِبُ كُلَّ عُقْدَةٍ عَلَيْكَ لَيْلٌ طَوِيلٌ، فَارْقُدْ فَإِنِ اسْتَيْقَظَ فَذَكَرَ اللهَ، انْحَلَّتْ عُقْدَةٌ، فإنْ تَوَضَّأَ انْحَلَّتْ عُقْدَةٌ، فإنْ صَلَّى انْحَلَّتْ عُقْدَةٌ، فأصْبَحَ نَشِيطًا طَيِّبَ النَّفْسِ وإلَّا أَصْبَحَ خَبِيثَ النَّفْسِ كَسْلَانَ."