خبرونه

خبرونه

6/13/2025, 10:34:24 AM

بېړنی خبر: صهیونیستي رژیم یو ځل بیا په ایران کې د یورانیمو د غني کولو پر مهم مرکز (نطنز) توغندیز بریدونه پیل کړي د ایران فارس خبري اژانس د خپلو سرچینو له‌قوله پر یاد مرکز برید تائید کړی؛ خو د اوښتو زیانونو په اړه یې څه نه دي ویلي. وړاندې تر دې صهیونیستي رژیم پر ایران د خپلو بریدونو په دوهم پړاو کې پر یاد مرکز درانه هوایي بریدونه کړي وو. لا معلومه نه ده چې له یاد مرکز څخه اټومې وړانګې خپرې شوي او که‌نه. https://whatsapp.com/channel/0029Va8eV7J5K3zUO8WXs62J

خبرونه

6/13/2025, 8:36:56 AM

راپورونه وايي، پر ايران د اسرائيلي رژيم له بريد راوروسته تازه د دغه هېواد په قم ښار کې د جمکران جومات پر بام د غچ اخیستلو سور بیرغ پورته شو. د معلوماتو له مخې، په دې سور بيرغ «یا لثارات الحسین» (ای د حسین د غچ اخیستونکو!) کلمه لیکل شوې، چې د انتقام اخیستلو یو ښکاره پیغام دی. ياده دې وي، چې ایران دا سور بیرغ یوازې په ځانګړو حالاتو کې پورته کوي او تر دې وړاندې یې د قاسم سلیماني د وژل کېدو وروسته هم پورته کړی و. https://whatsapp.com/channel/0029Va8eV7J5K3zUO8WXs62J

خبرونه

6/13/2025, 2:43:57 PM

عراق د اسرائیلي رژیم له خوا د خپل هوایي حریم د نقض په غبرګون کې د ملګرو ملتونو امنیت شوری ته شکایت کړی د راپورونو له‌مخې، د عراق حکومت د صهیونیستي اسرائیلو له‌خوا پر ایران د بریدونو پر مهال د خپل هوایي حریم نقض غندلی او په دې اړه یې د ملګرو ملتونو امنیت شوری ته خپل شکایت وړاندې کړی. د عراق حکومت امنیت شوری ته په سپارل شوي لیک کې ټینګار کړی، چې دا کړنې "د عراق د حاکمیت ښکاره نقض" او له نړیوال قوانینو او د ملګرو ملتونو له منشور څخه سرغړونه ده. بغداد د ملګرو ملتونو له امنیت شوری غوښتي چې د صهیونیستي رژیم دې سرغړونو په اړه خپل قانوني او اخلاقي مسؤلیتونه ترسره کړي او د "اشغالګر رژیم" د مهار لپاره له خپل صلاحیت څخه استفاده وکړي او د دې سرغړونو د تکرار مخه ونیسي. https://whatsapp.com/channel/0029Va8eV7J5K3zUO8WXs62J

خبرونه

6/13/2025, 11:53:38 AM

د عربي رسنیو د راپورونو له‌مخې، د غزې په شمال کې د فلسطیني آزادي غوښتونکو د عملیاتو پرمهال څلور صهیونیستي پوځیان وژل شوي د راپور له‌مخې، په یاده سیمه کې لا هم د فلسطیني ازادي غوښتونکو له‌خوا عملیات روان دي. https://whatsapp.com/channel/0029Va8eV7J5K3zUO8WXs62J

خبرونه

6/13/2025, 8:08:29 AM

د سرپرست حکومت مرکزي وياند مولوي ذبيح الله مجاهد پر ايران د اسرائيلي رژيم وروستي بريدونه او د دغه هېواد د پوځي قومندانانو او اټوم پوهانو ترور د نړيوالو حقونو له اساسي اصولو او د هېوادونو له ملي حاکميت او ځمکنۍ بشپړتيا څخه څرګنده سرغړونه بللې او په کلکه یې غندنه‌ کړې ده. ښاغلي مجاهد د سرپرست حکومت په استازيتوب زياته کړې «دا تجاوز داسې مهال ترسره کېږي چې غزه او د فلسطين مظلوم ولس لا هم د اسرائیلو تر فاجعانه بمبارد لاندې دی او اسرائيل کوم نړيوال اصل ته پرته له کتو تاوتريخوالي ته دوام ورکوي چې په دې سره به د سيمې وضعيت لا هم کړکېچن شي». د مرکزي وياند په خبره، سرپرست حکومت له ټولو اړونده هېوادونو غواړي چې دې موضوع ته رسېدنه وکړي څو په سيمه کې بې ثباتي او نا امني نوره هم پراخه نه شي. https://whatsapp.com/channel/0029Va8eV7J5K3zUO8WXs62J

خبرونه

6/13/2025, 1:25:56 PM

ايراني رسنيو خبر ورکړی، چې پر ایران د اسرائیلي رژيم په وروستیو بریدونو کې د دغه هېواد د سپاه پاسداران د هوایي ځواکونو قومندان امیر علي حاجي‌زاده هم وژل شوی دی. د معلوماتو له مخې، د اسرائیلو په بریدونو کې تردې دمه د یاد هېواد د شپږ اټومي ساینسپوهانو په ګډون تر لسو ډېر مهم نظامي مشران او قومندانان وژل شوي دي. https://whatsapp.com/channel/0029Va8eV7J5K3zUO8WXs62J

خبرونه

6/13/2025, 2:50:13 PM

*اسرائیلو تازه بریدونو کې د ایران اټومي تاسیساتو لوی مرکز په نښه کړی* الجزیرې ټلوېزیون د سرچینو په حواله ویلي، اسرائیلي اشغالګر رژیم د ایران پر ځینو ښارونو بیا بریدونه کړي. راپورونه وايي، د اسرائیلو له لوري د بریدونو په دې لړۍ کې اصفهان، نطنز او تبریز ښارونو په نښه شوي دي. الجزیرې ویلي، چې نطنز کې د ایران اټومي تاسیساتو مرکز په نښه خو زیاته کړې یې ده، چې اټومي لوګي نه دي تر سترګو شوي. په ورته مهال تسنیم ایراني اژانس له یوې خپرې شوې ويډیو سره چې لوګي یې پورته شوي لیکلي، چې اسرائیلي ځواکونو یو ځل بیا تبریز ښار په نښه کړ. همدې بیا ځلي بریدونو د نړېوالې اټومي انرژۍ ادارې مشر اندېښنه څرګنده کړې او زیاته کړې ده، چې د خراب وضعیت څارنه کوي. اسرائیلي رسنیو ویلي، پر یادو ښارونو سربېره یې کرمانشاه کې هم ځیني مهم مرکزونه په نښه کړي او زیاتوي، چې هدفي ځای کې یې د توغنديو او ډرون جوړولو مرکزونه له منځه وړي. پر ایران د اسرائیلو بریدونو تازه لړۍ داسې مهال رسنیزه شوه، چې عراق او اردن هېوادونو له خپل هوايي حریم څخه د اسرائیلو پر لور د شاوخوا ۱۰۰ ایراني بې پیلوټه الوتکو د تېرېدو خبره وکړه. پر ایران خاوره د اسرائیلو بېګاني بریدونه افغانستان، سعودي عربستان، جاپان، بریټانیا، اردن او عراق په ګډون ځینو نړېوالو سازمانونو وغندل. #حریت_راډيو

خبرونه

6/13/2025, 2:49:46 PM

ویډیو د ایران هیواد لخوا له هغه وروسته خپره شوې چې اسرائیلو یې د اټومي وسلو ساینس پوهانو سره په یو وخت کې ګڼ شمیر مشران ور وژلي دي. موږ یې ننداره کوو🙃 نو ولي ور وتلي😁

خبرونه

6/13/2025, 8:18:44 AM

د روسیې ولسمشر ویلادیمیر پوتین پر ايران د اسرائيلي رژيم ننيو بريدونو ته په غبرګون په خپله اېکس پاڼه ليکلي، چې روسيه له ايران ملاتړ کوي. پوتين نه ده څرګنده کړې چې دا ملاتړ به سياسي او که پوځي وي؛ خو دواړه هېوادونه يو پراخ ستراتيژيک تړون لري چې له مخې به یې په دواړو هېوادونو د بريد په صورت کې يو د بل دفاع کوي. https://whatsapp.com/channel/0029Va8eV7J5K3zUO8WXs62J

خبرونه

6/13/2025, 8:03:21 AM

د اسرائیلو د روغتیا وزارت او د پوځ قومندانۍ د دغه هېواد ټولو روغتونونو ته امر کړی دی، چې خپلې خدماتې چارې خوندي پناه‌ځایونو ته انتقال کړي او له خلکو یې غوښتي چې له بېړنیو حالاتو پرته دې روغتونونو ته نه ورځي. له دې سره هم‌مهاله، روغتیایي مرکزونو اعلان کړی، چې خپل ټول غیر بېړني روغتیایي خدمات یې لغوه کړي دي. په اسرائيلو کې د ايران د بريد له وېرې د وضعیت جدي‌ والی تر دې اندازې رسېدلی چې په اسرائیلو کې د امریکا سفارت خپلو ټولو کارکوونکو او د هغوی د کورنیو غړو ته امر کړی، چې تر دوهمې خبرتيا پورې دې په خپلو استوګنځایونو کې پناه واخلي. https://whatsapp.com/channel/0029Va8eV7J5K3zUO8WXs62J