Matar Shugaban Nijeriya Sanata Oluremi Tinubu ta kai wa tsofaffin shugabannin kasar Janar Ibrahim Badamasi Babangida da Janar Abdussalami Abubakar ziyara a jihar Neja. Sanata Oluremi ta kai musu ziyarar ne yayin da ta je jihar ta Neja don kai tallafi ga mutanen da suka gamu da ibtila’o’i daban-daban a jihar, inda ta ba tallafin naira miliyan ɗari. Da take jawabi a gidan Janar Babangida, matar shugaban na Nijeriya ta ce ta je ne domin duba lafiyarsu da walwalarsu.