‼️Qazaxıstan Nəqliyyat Nazirliyi 2024-cü ilin sonunda Aktauda qəzaya düşən Azərbaycan Hava Yollarına (AZAL) məxsus təyyarə ilə bağlı ilkin hesabatını yayımlayıb. ✅53 səhifəlik hesabatda təyyarədə müxtəlif kənar elementlərin tapıldığı bildirilib; ✅Lakin hesabatda bu elementlərin nədən qaynaqlandığı açıqlanmayıb, onun mənşəyinin müəyyən edilməsi üçün ekspertizanın keçiriləcəyi bildirilib; ✅"Salamat qalan fraqmentlərə ilkin baxış zamanı fuzelyajın quyruq hissəsində, stabilizatorda, istiqamət və yüksəklik sükanında çoxlu sayda müxtəlif ölçülü və formalı zədələnmələr aşkar edilib"; ✅Hesabatda həmçinin təyyarənin qəzaya düşməzdən əvvəl hidravlik sistemlərinin bir qisminin sıradan çıxdığı müəyyən edilib. Buna səbəbin təyyarəyə daxil olan xarici obyektin olduğu güman edilir; ✅Xarici elementlərin həmçinin stabilizator idarəetməsinin naqillərini də zədələdiyi təxmin edilir. *AZAL təyyarəsi dekabrın 25-də Bakı-Qroznı aviareysini yerinə yetirərkən qəzaya düşüb, 38 nəfər həlak olub.*