🌍📡 ព័ត៌មានជាតិ និង អន្តរជាតិ សំខាន់ៗ ប្រចាំថ្ងៃទី ២៨ ខែមករា ឆ្នាំ ២០២៥៖ 🇰🇭☸️ នៅ​ក្នុង​សេចក្តី​ថ្លែង​ការណ៍​ដាច់​ដោយ​ឡែក​ពី​គ្នា​នា​ថ្ងៃទី​២៧ ខែ​មករា ឆ្នាំ​២០២៥ ​ពុទ្ធិក​សមាគម​កម្ពុជ​រដ្ឋ និង​គណៈ​សង្ឃ​នាយក​បាន​សម្តែង​ក្តី​បារម្ភ និង​ថ្កោលទោស​ចំពោះ​គណនី​ហ្វេស​ប៊ុក​ឈ្មោះ ​«សមាគម​ ទេវ សក្ខី ភគវន្ត» ដែល​បាន​តាំង​ខ្លួន​ជាអ្នក​ដើរ​ពន្យល់​ធម៌​ដោយ​ប្រាស​ចាក​ខ្លឹម​សារ​ដើម​នៃ​ព្រះពុទ្ធ​វចនៈ​ និងបាន​បំភាន់​ជំនឿ​ធ្វើ​ឲ្យ​ប៉ះពាល់​ដល់​ព្រះ​ពុទ្ធ​សាសនា​។​ តែ ​«សមាគម ទេវ សក្ខី ភគវន្ត» បាន​ចេញ​សេច​ក្តីប្រកាស​ដោយ​អះ​អាង​ថា សមាគម​របស់​ខ្លួន​បាន​បង្កើត​ឡើង​ដោយ​ស្រប​ច្បាប់ និងមិន​ពាក់​ព័ន្ធ​នយោបាយ ឬ​ក្រុម​ជ្រុល​និយម​ណាមួយ​ដែល​នាំ​ឲ្យប៉ះពាល់​ដល់​សន្តិសុខ​សង្គម​ឡើយ​។ https://rfi.my/BMPo 🇰🇭⚖️ នៅ​ថ្ងៃ​ទី​២៨ ខែ​មករា ឆ្នាំ ២០២៥ នេះ អង្គការ​សិទ្ធិ​មនុស្ស ​លីកាដូ​ អង្គការ​សម​ធម៌​កម្ពុជា និង​អង្គ​ការ ​FIAN អាឡឺម៉ង់ ​បាន​សេចក្តី​ថ្លែង​ការណ៍រួម​គ្នាមួយ​ដោយ​សម្តែង​ការ​ខក​ចិត្ត​ចំពោះ​ការ​ដោះស្រាយ​បណ្តឹង​ជា​មួយ​ក្រុម​ហ៊ុន ​Oikocredit។​ គឺ​ជា​បណ្តឹង​ដែល​ធ្វើ​ឡើង​កាល​ពី​ខែ​ធ្នូ ​ឆ្នាំ​២០២២ ​ជាប់​ពាក់​ព័ន្ធ​នឹង​ការរំលោភ​បំពាន​សិទិ្ធ​មនុស្ស​យ៉ាង​ធ្ងន់​ធ្ងរ​នៅ​ក្នុង​វិស័យ​មីក្រូ​ហិរញ្ញ​វត្ថុ​នៅ​កម្ពុជា​។ https://rfi.my/BMOi 🇧🇾🇷🇺🤝 ថ្ងៃចន្ទទី ២៧ ខែមករា ប្រធានាធិបតីរុស្ស៊ី លោក វ៉្លាឌីមៀរ ពូទីន បានផ្ញើសារអបអរសាទរ ចំពោះលោក អាឡិចសង់ លូកាឆេនកូ ដែលឈ្នះឆ្នោត បន្តកាន់តំណែងប្រធានាធិបតី សម្រាប់អាណត្តិទី ៧។ មេដឹកនាំរុស្ស៊ី សង្កត់ធ្ងន់ថា ជ័យជំនះដ៏ត្រចះត្រចង់នេះ សរឲ្យឃើញច្បាស់អំពី អំណាចនយោបាយ ដ៏រឹងរាំ របស់ លោក លូកាឆេនកូ។ គួរបញ្ជាក់ដែរថា ការបោះឆ្នោត នាថ្ងៃអាទិត្យទី ២៦ ខែមករា កន្លងទៅថ្មីៗនេះ បានប្រព្រឹត្តទៅ ដោយគ្មានបក្សប្រឆាំងចូលរួមប្រកួតប្រជែងឡើយ។ https://rfi.my/BMRi 🇨🇳🫵🏻 ការជួញដូរមនុស្ស និងឆបោកតាមអនឡាញបង្កក្តីព្រួយបារម្ភខ្លាំងនៅក្នុងមជ្ឈដ្ឋានប្រជាជន ចិន និងពលរដ្ឋ ក្នុងតំបន់អាស៊ីអាគ្នេយ៍។ តួកុនចិនដ៏ល្បីម្នាក់ត្រូវគេបោកប្រាស់ថាជួលឲ្យថតភាពយន្តនៅប្រទេសថៃ តែបែរជាត្រូវបានក្រុមឧក្រិដ្ឋជនជួញដូរមនុស្សចាប់បញ្ចូនទៅព្រំដែនភូមាទៅវិញ។ ក្រោយផ្ទុះរឿងអាស្រូវនេះ អាជ្ញាធរចិនបានប្រកាសពីការតាមចាប់ខ្លួនមេក្រុមឧក្រិដ្ឋជនដ៏ធំម្នាក់ដែលបានធ្វើព្យុះធ្វើភ្លៀងក្នុងអំពើជួញដូរមនុស្ស និងឆបោកតាមអនឡាញក្នុងតំបន់អាស៊ី។ https://rfi.my/BMRf