🌍📡 ព័ត៌មានជាតិ និង អន្តរជាតិ សំខាន់ៗ ប្រចាំថ្ងៃទី ៣១ ខែមករា ឆ្នាំ ២០២៥៖ 🇰🇭❗នៅថ្ងៃទី២៩ មករា អង្គការសហប្រជាជាតិស្តីពីគ្រឿងញៀន និងឧក្រិដ្ឋកម្មហៅកាត់ UNODC បានបង្ហាញជំហរគាំទ្រជួយកម្ពុជានៅក្នុងយុទ្ធនាការប្រឆាំងឧក្រិដ្ឋកម្មតាមប្រព័ន្ធអ៊ីនធ័រនែត ខណៈកម្ពុជាកំពុងក្លាយជាប្រទេសមួយដែលក្រុមឧក្រិដ្ឋជនយកធ្វើជាទីតាំងប្រតិបត្តិការឆបោកយ៉ាងសកម្ម។ ការបញ្ជាក់ជំហរគាំទ្រនេះធ្វើឡើង ក្រោយUNODC បានរៀបចំវគ្គបណ្តុះបណ្តាលមួយដល់អាជ្ញាធរកម្ពុជាដើម្បីសិក្សាស្វែងយល់ពីវិធីសាស្ត្រទប់ស្កាត់ឧក្រិដ្ឋកម្មអនឡាញក្នុងប្រទេស និងតំបន់។ https://rfi.my/BN0w 🇰🇭🇫🇷⚖️💥 ​សពលោក លិម គិមយ៉ា អតីតអ្នកតំណាងរាស្ត្របក្សប្រឆាំងមណ្ឌលកំពង់ធំ បានបញ្ជូនមកដល់ប្រទេសបារាំងក្នុងថ្ងៃចន្ទ ទី២៧ មករា ហើយក្រុមគ្រួសារគ្រោងរៀបចំពិធីបុណ្យសព នៅថ្ងៃចន្ទ ទី៣ កុម្ភៈខាងមុខ។ ឆ្លៀតក្នុងឱកាសនេះ វិទ្យុបារាំង RFI បានជួបសម្ភាសលោក លិម តូម៉ាស៍ កូនប្រុសពៅរបស់លោក លិម គិមយ៉ា ដែល​ខ្មាន់កាំភ្លើងជនជាតិថៃបាញ់សម្លាប់ ក្នុងទីក្រុងបាងកក ប្រទេសថៃ កាលពីថ្ងៃទី៧ មករា។ ឆ្លើយនឹងសំណួររបស់RFI លោក លិម តូម៉ាស៍ បានចាត់ទុកឃាតកម្មលោក លិម គិមយ៉ា ថាជារឿងនយោបាយច្រើនជាងរឿងគំនុំផ្ទាល់ខ្លួន។ បើតាមលោក លិម តូម៉ាស៍ គឺទាល់មានតែការចាប់ខ្លួនជនសង្ស័យ ជាជនជាតិ​ខ្មែរទាំង ២នាក់ គឺលោក លី រតនៈរស្មី និងលោក ពេជ្រ គឹមស្រ៊ិន ទៅឲ្យតុលាការថៃ ទើបអាចបំភ្លឺការពិត ជុំវិញឃាតកម្មលោក លិម គិមយ៉ាបាន។ សូមអញ្ជើញស្តាប់បទសម្ភាសន៍របស់RFI ជាមួយលោក លិម តូម៉ាស៍ នៅក្នុងស្ទូឌីយោក្រុងប៉ារីស។ https://rfi.my/BN1r 🇺🇸✈️🔥 ទីភ្នាក់ងារជាតិសុវត្ថិភាពដឹកជញ្ជូនរបស់អាមេរិកបានអះអាងនៅល្ងាចថ្ងៃព្រហស្បតិ៍ ទី៣០ មករាថា គេរកឃើញប្រអប់ខ្មៅទាំងពីររបស់យន្តហោះដឹកអ្នកដំណើរ ដែលបានបុកផ្ទុះជាមួយឧទ្ធម្ភាគចក្រនៅអាកាសយានដ្ឋានRonald Reaganកាលពីយប់ថ្ងៃពុធ ទី២៩ មករា។ នៅក្នុងពេលរង់ចាំការវិភាគសំឡេង និងទិន្នន័យក្នុងប្រអប់ខ្មៅដើម្បីស្វែងរកមូលហេតុដែលធ្វើឲ្យកើតមានគ្រោះថ្នាក់ ក្រុមជួយសង្រ្គោះបាននិយាយថា គេស្រង់បានសាកសពមនុស្ស៤០នាក់ គិតត្រឹមយប់ថ្ងៃព្រហស្បតិ៍ ទី៣០ មករា និងជឿថា មនុស្សទាំងអស់ក្នុងយន្តហោះដែលមានអ្នកដំណើរ៦០នាក់ និងបុគ្គលិក៤នាក់ស្លាប់ទាំងអស់នៅក្នុងសោកនាដកម្ម បូករួមទាំងទាហាន៣នាក់ដែលមានវត្តមាននៅក្នុងឧទ្ធម្ភាគចក្រយោធា។ https://rfi.my/BN1y 🇫🇷🇮🇩🤝 ថ្ងៃ​សុក្រ​ ទី​៣១មករា​​ រដ្ឋមន្ត្រីក្រសួង​ការពារជាតិបារាំង អញ្ជើញ​បំពេញ​ទស្សនកិច្ច​នៅ​ឥណ្ឌូណេស៊ី ហើយ​ប្រទេស​ទាំង​ ២​​ បាន​​​ប្តេជ្ញាចិត្ត​​រឹត​បន្តឹង​កិច្ច​សហការវិស័យការពារជាតិឲ្យកាន់តែស៊ីជម្រៅ។​ ដំណើរទស្សនកិច្ច​របស់​ប្រមុខ​ការពារជាតិ​បារាំង​នៅ​ក្រុង​ហ្សាការតា​ ពេលនេះ ធ្វើឡើង​ក្រោយពី ​​ឥណ្ឌូណេស៊ី បាន​​យល់​​ព្រមផ្ទេរ​​ទណ្ឌិតបារាំងម្នាក់ដែល​​​​ជាប់ទោស​ប្រហារជីវិត​ ឲ្យ​មក​បារាំង​​ កាលពី​សប្តាហ៍​មុន​។ ​https://rfi.my/BN1B