Нима учун Россияда муҳожирларнинг банк ҳисоб рақамлари музлатилмоқда? Ўтган ҳафтадан бери Россиядаги ўзбекистонликлар банк ҳисоб рақамлари музлатилаётганидан шикоят қилишмоқда. Ҳуқуқ ҳимоячилари бунга назорат қилинувчи шахслар рўйхати кучга киргани сабаб бўлиши мумкинлигини айтишмоқда. Уларнинг айтишича, назорат қилинувчи шахслар рўйхатига тушганлар орасида ишдан бўшатилганлар ва чегарадан киритилмаганлар ҳам бор. Бироқ Ўзбекистоннинг Россиядаги элчихонасининг хабар беришича, 30 апрелгача нолегал муҳожирларга амнистия эълон қилингани сабаб, улар миграция қонунларини бузгани учун жавобгарликка тортилмайди. Элчихона бу имкониятдан фойдаланиб, муҳожирларни зудлик билан ҳужжатларини қонунлаштиришга чақиради. Назорат қилинувчи рўйхатга киритилганингизни қаердан билиш мумкин? Агар ушбу рўйхатга тушган бўлсангиз нима қилиш керак? Батафсил материалимизда томоша қилинг. Видеони “Озодлик”нинг “Мигрант Медиа” лойиҳаси тайёрлади. 📌 ЧЕТ ЭЛДАГИ ВАТАНДОШ! Ҳурматли муҳожир, муаммо ёки ютуқларингиз ҳақида бизнинг ижтимоий тармоқлардаги аккаунтларимиз орқали сўзлаб беришни истасангиз @migrantmedia_rferl Телеграм каналига ёзинг. #migrantmediacentralasia