Водий рақамларда: Қирғизистонда ҳам картошка қимматлади. Ўзбекистонга экспорт чекланадими? Ўтган ҳафта охирларида Қирғизистон картошкани экспорт қилишни чеклаш масаласини кўриб чиқаётгани ҳақида маълумотлар тарқаган эди. Агар экспортга чеклов киритилса, Ўзбекистонда картошка яна қимматлайдими? Чунки йил бошида Ўзбекистонда картошка нархи кескин ошиб, экспертлар бунга Қозоғистоннинг Ўзбекистонга бу маҳсулотнинг экспортини олти ойга тўхтатгани сабаб бўлганини айтишган эди. Бугунги лавҳамизда шу саволларга жавоб қидириб, Тожикистон, Қирғизистон ва Ўзбекистон бозорларидаги картошка нархларини солиштириб кўрамиз. #ferghanastories