Америкадаги ўзбеклар ва Трампнинг миграция сиёсатига қарши намойишлар Америкада президент Доналд Трамп жорий этган депортация ва рейдларга қарши норозилик намойишлари ўтмоқда. “Мигрант Медиа” лойиҳаси суҳбатлашган АҚШдаги ўзбекистонликлар намойишларга асосан лотин америкаликлар чиқаётганларини айтишмоқда. Уларга кўра, ҳозирча ўзбеклар намойишларга чиқмаган. Сўнгги йилларда АҚШга мигрантлар оқими мисли кўрилмаган даражага етди. Трамп нафақат чегараларни ёпиш, балки барча ноқонуний муҳожирларни мамлакатдан чиқариб юбориш ваъдаси билан сайланди. Бунинг сабабларидан бири сифатида - миллий хавфсизликни таъминлаш зарурати эканлиги айтилмоқда. #migrantmediacentralasia