._*ࢪوايـه أحببتك دون أن أراكى🍒⸙♡»))*_ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏*تمت مشارڪتها من قنوات ميجو*🐥🖤‘‘ *`‏‏تابع قناة حكايه و رواية`📚🩶* https://whatsapp.com/channel/0029VaZMeBQFHWq2c6RIYg3G *`‏‏تابع قناة مٰقـهـٰى الــرٍوآيٰـات`☕🤎* https://whatsapp.com/channel/0029VaeOIp8ADTOF6I5O1G2y *`‏تابع قناة حڪاية و ࢪوآيـة②`📚💙* https://whatsapp.com/channel/0029VaqVr5g6GcGBmMo0VT1x *`‏‏تابع قناة ʂƚιƈƙҽɾ || 𝑀𝒾𝑔𝑜𝑜`💝’’* https://whatsapp.com/channel/0029VarFafkBvvsgJ0is992z *`تابع قناه رُعْبٌ (YH horror)`👻🖤* https://youtube.com/channel/UCD4yRjTfvn9DE1kK9aXytWQ?si=XMDcGut0lTmKHv9a الجزء 4: لحلقة الرابعة:- --------------- فى شقة عاصم البحيرى ---------------------------- بعد ان غادر طارق راويه:- ايه يا بنتى اللى اخرك كدا انتى مش عارفة انى بقلق عليكى سمراء وهى تخلع حجابها:- انا اسفة يا رورو غصب عنى مدام سميحة طلبتنى علشان اعملها مكرونة بالبشمل راويه بضحك:- ههههههه الست دى هتجنن من تصرفتها سمراء:- ليه يا رورو دى طيبة اوى وانا بحبها اوى زى ماما الله يرحمها راويه:- الله يرحمها انا عارفة انك بتحبيها وهى كمان بتحبك .........بس سمراء:- بس ايه قولى راويه:- هى كدا بتضغط عليكى من يوم معملت حادثة وانتى روحتى تزوريها فى بتها وعملتى لها اكل لما كانت ليلى عند ولدها وهى ماسكة فيكى سمراء:- انا بحب اعملها اى حاجه هى عايزها بفرح اوى لما بعمل كدا راويه:- ربنا يفرحك ويبارك فيكى ويحبب فيكى خالقه سمراء:- ههههههه انتى هتشحتى عليا ولا ايه راويه:- امشى ابت من هنا انا غلطانة سمراء بضحك وتبوسها فى خدها حبيبى يا رورو والله خلاص انا هروح انام علشان مش حاسه بنفسى راويه:- ماشى يا قلبى روحى تصبحى على خير سمراء:- وانتى من اهل الجنه بوسى لى لوچى الصبح ---------------------------------- فى شقة سمراء:- بعد ان تركت راويه تدخل الى شقتها وتبداء فى خلع ملابسها وتذهب الى الحمام وتتوضاء وتصلى وتقراء وردها اليومى وتذهب الى السرير لكى تنام ولاكن تعود لها الذكريات فلاش باك:- ------------- سمراء:- ماما هو بابا ماله سامية:- بانفاس متقطعة م ا ف ي ش ي ا ح ب يب تى بابا كو يس سامر:- ماما مالك انتى تعبانة سامية:- بعد ما تأخد نفس طويل حبيبى خلى بالك من اختك وخاف عليها واحميها هى ملهاش غيرك انا وبابا مش هنكون معاكم سامر:- ماما انتى هتكونى كويسة احنا قربنا نوصل وبابا هيكون كويس ان شاء الله رأفت:- انت يا سامر دلوقتى بقيت راجل خلى بالك من اختك واوعه تزعلها ابدآ رأفت اشهد أن لا اله الا الله...........وان محمدآ رسول الله وتذهب الروح الى خالقها سامية:- اااااااااااااه سامر وسمراء:- باااااااااابا سامية بعياط:- سامر امسك نفسك شويه ويلا امشى بسرعة وانتى يا حبيبتى متعيطيش خلى بالك من نفسك ومن اخوكى انتى احلى واطيب بنت فى الدنيا كان نفسى اشوفك وانتى عروسة اكيد هتكونى احلى عروسة وتحضن سمراء جامد وتأخد نفس طويل وتنطق الشهادة وتذهب الى الروح الى خالقها باك ---- سمراء بعياط:- الله يرحمكم سبتونى لوحدى وكمان سامر سافر وسابنى لوحدى يااااااارب خليك معايا قامت فتحت اللاب تتصفح رسائلها ووجدت رسالة من سامر وبعد ما قراءت الرسالة وردات عليها ياها يا سامر كل دى غيبة امته ترجع بقا وحشتنى اوى اوى وبعد شويه تروح فى سبات عميق ---------------------------------------- فى صباح يوم جديد فى مكان جديد فى امريكا فى شقة سامر ------------------ نتعرف على سامر سامر شاب فى الثلاثين من عمره هو فيه شبه كبير من سمراء بلون العيون العسلية والبشرة الخمرية الجاذبة والشعر الاسود الناعم لكن هو يتمتع بالجسم الرياضى والعضلا الرجولية التى تتناسب مع طوله سامر يعيش فى امريكا منذ 3 سنوات ويعمل فى احدى شركات الادوية فهو خريج كلية صيدلة جامعة القاهرة وبعد ان تخرج سافر لكى يعمل دراسات عليا وفى نفس الوقت يعمل ليكتسب خبرة اكتر وبفضل عمه روؤف استطاع ان يجد عمل فى احدى شركات الادوية فى امريكا فهو له معارف كثيرة ويسكن مع شاب مصرى تعرف عليه بعد ان اتى الى امريكا بعد ان استيقظ سامر سامر:- صباح الخير انت صاحى من بدرى ............:- صباح النور لا انا لسه صاحى اعملك قهوة معايا سامر:- اعمل على ما اتوضا واصلى الصبح والبس .........:- بقولك ايه يا سامر سامر:- قول فى ايه مالك مش على بعضك ليه ..........:- انا بفكر ارجع مصر ايه رايك سامر:- والله كانك بتقرا افكارى ..........:- ادا بجد يعنى انت كمان بتفكر تنزل سامر:- هنزل شويه اشوف اختى واطمن عليها وارجع تانى وانت ..........:- انا محتار بصراحة مش عارف اعمل ايه عندى شغل هنا كويس وفى نفس الوقت والدى تعبان وشغل الشركة بيكبر يوم بعد يوم وهو لوحده ومافيش حد معه سامر:- خلاص انزل شوف الدنيا ماشية ازاى وبعد كدا كرر ............:- وانت ناوى على ايه مش كفايك غربة اكتر من كدا انت من يوم ماجيت من 3 سنين وانت منزلتش خالص سامر:- لما انزل هشوف الاحوال هناك ايه ولو لقيت كله تمام هرجع تانى انا هنا ليه وظيفة ومرتب محترم مش عارف هناك هلاقى زيها ولا ايه ...........:- انا ليا علاقات كتير هناك ممكن أشوفلك شركة تبع حد من اللى اعرفهم وتعيش هناك بدل ما تعيش هنا لوحدك سامر:- ربنا يسهل لما انزل هشوف يمكن يحصل فى الامور امور ...........:- كله على الله المهم انا هنزل اشوف اللى ورايه علشان هاخد اجازه طويلة شويه سامر:- خلاص ماشى انا كمان هعمل اجازة ونسافر مع بعض ...........:- اوك يلا سلامه عليكم سامر:- وعليكم السلام ورحمه الله وكل واحد يتجه الى عمله ------------------------------------- عند سمراء بعد ان اسيقظت وصلت فرضها سمراء انا لازم اكلم سامر تمسك الهاتف وتطلب سامر سامر:- ازيك يا احلى اخت فى الدنيا سمراء:- ازيك يا احلى اخ فى الدنيا سامر:- عاملة ايه يا قلب اخوكى سمراء:- الحمد لله بخير انت عامل ايه سامر:- الحمد لله بخير سمراء:- لقيتك كاتب لى ان عندك مفاجئة ايه هى سامر:- مش هقولك سمراء:- ليهةبقى ان شاء الله سامر:- ما انا لو قولت هتكون مفاجئة ازاى سمراء بزعل:- خلاص ماشى المهم طمنى عليك شغلك عامل ايه سامر:- كله تمام الحمد لله اخد خبرة كبيرة جدآ وكمان كسبت ثقت ناس كتير هنا وانتى اخبار شغلك ايه سمراء:- انا كمان شغلى تمام بعمل شغل كتير وصاحب الشركة عنده ثقه كبيرة فيا ومدينى صلاحية لكل حاجه فى الشركة وبعتبرنى دراعه اليمين فى كل حاجه سامر:- انتى طيبة وتستهلى كل خير سمراء:- انا عارفة ان سؤالى دا اتكرر كتير بس لازم اسأل كل مرة ناوى ترجع امته؟ سامر:- والمرة دى هتكون الأجابة غير كل مرة سمراء:- ازاى يعنى سامر:- يعنى الأجابة هتحرق المفاجئة سمراء:- مش فاهمة حاجه سامر:- يعنى انا نازل قريب جدآ وهى دى المفاجئة سمراء:- انت بتتكلم بجد سامر:- اه طبعآ ياقلبى بتكلم جد جدآ كمان سمراء:- طيب امتى هتنزل سامر:- لا لسه مش عارف لما اعرف هقولك سمراء:- خلاص يا حبيبى انا هستنا منك اتصال بمعاد نزولك سامر:- ان شاء الله يا حبيبتى قريب سمراء:- ماشى ياقلبى مع السلامه وخد بالك من نفسك سامر:- خدى بالك انتى من نفسك وسلمى على عاصم وراويه وبوسى لى لوچى سمراء:- يوصل ياحبيبى مع السلامه سامر:- مع السلامه وتغلق الهاتف وتلبس وتخرج لتذهب الى شقة عاصم ------------------------------------------- فى شقة عاصم سمراء ترن الجرس راويه:- حاضر جايه سمراء:- صباح الخير يا رورو راويه:- صباح الخير يا سمورة خير ايه اللى مفرحك كدا اوى على الصبح سمراء:- بفرحة كلمت سامر وقال انه راجع قريب راويه تبادلها الفرحة:- بجد يوصل بالسلامة ان شاء الله وهيجى امته سمراء:- لسه محددش هيجى امته بس المهم ان هو جى راويه:- اخيرآ دا من يوم ماسافر منزلش ولا يوم اجازة سمراء:- الحمد لله بس يارب مايرجع تانى انا خلاص مش قادرة اعيش لوحدى اكتر من كدا راويه :- ياسلام ياست سمرة احنا مش عايشين معاكى سمراء:- لا طبعآ انتى حبيبتى يا رورو بس انا محتاجة سامر جمبى راويه وهى تحضنها:- انا عارفة يا حبيبتى انتى متعلقة ب سامر اد ايه ربنا يخليكم لبعض يدخل عليهم عاصم بعد ان سمع حديثهم عاصم:- يا سلام على الحب وانا فين من الحب دا كله سمراء:- عيب عليك يا عصوم دا انت الحب كله عاصم:- شوف البت البكاشة هتغنى عليا المهم هيرجع امته سمراء:- لسه مش عارف هياخد اجازة ويقولنا عاصم:- يرجع بالسلامة ان شاء الله سمراء وراويه:- ان شاء الله سمراء:- اسيبكم انا وامشى علشان عندى شغل يلا سلام عليكم عاصم وراويه:- وعليكم السلام ورحمه الله بعد ما سمراء مشيت عاصم:-ربنا يفرحك يا سمراء ويرزقك بابن الحلال اللى يسعد قلبك راويه:- يارب صعبانة عليا اوى دايمآ الابتسامة على وشها بس من جواها حزينة عاصم:- انا حاسس بيها نفسى اشوفها مع واحد يسعدها ويعوضها كل اللى هى شافته راويه:- يارب يا عاصم بس هى فى ناس كتير اتقدملها وهى اللى بترفض اخرهم صاحبك المهندس دا عاصم:- تقصدى شريف راويه:- ايو كان ماله بس شاب ومن عيلة ومحترم ومناسب وكمان وسيم عاصم:- نعم ياختى ايه وسيم دى راويه:- ههههههه ايه يا عصوم انا بقول يعنى ان هو شكله مقبول عاصم:- لا والله طيب قفلى على السيرة دى بدل ما اوريكى راويه:- خلاص يا حبيبى بهزر معاك عاصم:- خلاص ماشى يلا انا نازل عايزة حاجه راويه:- سلامتك ياحبيبى مع السلامه ----------------------------- ياتراه مين صاحب سامر؟ وسامر هيعرف ياخد اجازة ولا ايه ؟ ---------------------------------- الجزء 5: الحلقة الخامسة:- --------------------- فى امريكا عند سيف فى شركته سيف:- تعالى يا سامح رامى:- تحت امرك يا فندم سيف:- انا نازل مصر بعد كام يوم وهسيب الشغل تحت ايدك ولو فى حاجه كلمنى رامى:- تحت امرك بس فى حاجه كدا سيف:- حاجة ايه يا رامى ما تتكلم عالطول رامى:- فى واحدة جات امبارح بعد ما انت مشيت وسألت عليك سيف:- مين دى وعايزة ايه رامى:- اسمها ألين وكانت عايزاك انت بالاسم سيف:- طيب انت معرفتش منها اى حاجه رامى:- كل اللى عرفته انها عايزاك فى حاجه شخصية سيف:- طيب هى قالت هتيجى تانى او سابت رقمها رامى:- لا ما سبيتش حاجه كل اللى قالتوا انها هتيجى تانى سيف:- خلاص لما تيجى بلغنى وانا اشوفها عايزة ايه رامى:- اوك تحت امرك عن اذنك سيف:- اتفضل........... سيف مع نفسه ......هتكون مين دى وعايزة ايه (بتنهيده اما نشوف) ------------------------------------- فى مكان تانى فى امريكا ------------------------------ ( بعد الترجمة) سامر:- بعد اذنك يا دكتور انا كنت عايز اخد اجازة الدكتور:- ليه يا دكتور سامر فى حاجه انت مريض ولا ايه سامر:- لا يا دكتور ولا مريض و لا حاجه كل الحكاية انى عايز انزل اشوف أهلى كام يوم كدا وارجع تانى مش هتأخر الدكتور:-اذا كان كدا انا معنديش مانع وانت عايز كام يوم سامر بخجل:- بعد اذنك يعنى اذا كان ممكن شهر الدكتور:- شهر وبتقول كام يوم سامر:- ما حضرتك عارف انا من يوم ما اشتغلت اول مرة هنزل الدكتور:- مع انها اجازة طويلة بس انا موافق علشان دى اول مرة تأخد فيها اجازة بس متأخرش علينا سامر:- انا متشكر جدآ يا دكتور ان شاء الله مش هتاخر الدكتور:- اوك قدم طلب اجازة وانا همضى عليه سامر:- الطلب جاهز اهو اتفضل الدكتور بضحك:- دا انت مستعجل اوى ومجهز كل حاجه سامر:- انا تلميذ حضرتك لازم اكون جاهز عالطول ذى ما حضرتك علمتنا الدكتور:- ههههههه تمام يا دكتور وادى الامضة بتاعتى اهى وناوى تسافر امته سامر:- يومين كدا على ما اجهز نفسى واشترى شوية هداية الدكتور:- اوك ولو محتاج حاج قولى سامر:- شكرآ يا دكتور عن اذن حضرتك الدكتور:- اتفضل مع السلامه سامر:- الله يسلمك ------------------------------------------ ونرجع الى ارض الوطن مرة تانية --------------------------------------- فى شركة الشرقاوى سمراء تدخل الى الشركة وابتسامتها على وجهاها سمراء:- السلام عليكم ورحمه الله ناهد:- وعليكم السلام ورحمه الله وبركاته سمراء:- عاملة ايه يا نهود ناهد:- الحمد لله انتى عاملة ايه سمراء:- الحمد لله بخير ها فى حاجه جديدة النهاردة ناهد:- ما فيش جديد غير الوفد بتاع فرنسا اتصلوا يأكدو على المعاد وانا طلبت منهم يكلموكى على الساعة 12 كدا دا معاد فاضى عندك سمراء:- اوك كدا تمام علشان اجهز كل حاجه قبل ما اكلمهم هاتيلى المواعيد اللى عندك علشان اشوفها واجهز كل حاجه ناهد:- اوك ابعتلك النسكافيه بتاعك سمراء:- ياريت ولو ممكن باكو بسكويت معه يكون تمام ناهد:- تمام حالآ يكون عندك حاجه تانى سمراء:- لا روحى انتى. اه استنى ناهد:- نعم سمراء:- هو محمود بيه جيه ولا لسه ناهد:- لاء لسه زمانه جى سمراء:- اول ما يجى بلغينى فورآ ناهد:- حاضر عن اذنك سمراء:- اتفضلى -------------------------------------------- فى فيلا الشرقاوى ------------------------ جرس التليفون يرن سميحة:- السلام عليكم سيف:- وعليكم السلام ورحمه الله ازيك يا ست الكل سميحة بفرحة:- سيف ازيك يا حبيبى عامل ايه سيف:- انا الحمدالله بخير انتى اللى عاملة ايه يا ست الكل سميحة:- انا بخير طول ما انت بخير وحشتنى اوى يا حبيبى سيف:- انتى اكتر يا امى طمنينى عليكى وعلى بابا عاملين ايه سميحة:- احنا بخير الحمد لله يا حبيبى مش ناقصنا غير اننا نشوفك يا قلبى سيف:- ان شاء الله يا امى هكون عندكم قريب ان شاء الله سميحة:- بجد يا حبيبى سيف:- بجد يا امى انا خلاص ناوى انزل خلال كام يوم سميحة:- ياحبيبى فرحت قلبى ربنا يفرح قلبك ابوك هيفرح اوى لما يعرف سيف:- لا يا امى اوعى تقولى حاجه انا هكلمه واعملها مفاجئة سميحة:- خلاص يا حبيبى اللى تشوفه سيف:- خلاص يا امى اسيبك دلوقتى تأمرى بحاجه سميحة:- الامر لله يا حبيبى تيجى بالسلامة سيف:- الله يسلمك يا امى مع السلامه سميحة:- مع السلامه يا حبيبى بعد انتهاء المكلامة سميحة:- الحمدلله يارب اخيرآ ليلى:- خير ياهانم سميحة:- خير ان شاء الله يا ليلى سيف راجع بعد كام يوم ليلى :- يجى بالسلامة ان شاء الله بس هيسافر تانى ولا يفضل عالطول المرة دى سميحة:- مش عارفة والله يا ليلى ليلى:- لازم ياهانم تعملى حاجه تخليه مايسافرش تانى سميحة:- يعنى اعمل ايه عندك فكرة ليلى:- طبعآ ايه رايك تجوزيه سميحة:- ياريت بس ازاى اجوزه هو صغير هاخده من ايده واروح اجوزه ليلى :- ماهو علشان مش صغير لازم يتجوز سميحة:- وهيتجوز مين بقا ان شاء الله ليلى:- فى بنات كتير وانتوا معرفكم كتير سميحة:- والله فكرة براڤوا عليكى يا ليلى كانت غايبة عنى فين دى وانا عندى العروسة ليلى:- مين دى انا اعرفها سميحة:- اه تعرفيها بس يارب تعجبه وهو كمان يعجبها ليلى :- مين دى واعرفها منين سميحة:- تعرفيها عز المعرفة ليلى :- شوقتينى مين هى سميحة بتفكير:- بكره تعرفى ------------------------------------------- الجزء 6: لحلقة السادسة ------------------ فى شركة الشرقاوى تدخل ناهد على سمراء بعد ان استاذنت ناهد:- الاستاذ مصطفى من الحسابات عايز حضرتك سمراء:- ودا عايز ايه كمان خليه يدخل نشوف عايز ايه ناهد:- حاضر تحت امرك وتخرج ناهد وتقوله ناهد:- اتفضل ادخل يا استاذ مصطفى مصطفى:- شكرا يا ناهد. وبعد ما دخل مصطفى:- السلام عليكم يا انسة سمراء سمراء:- وعليكم السلام خير يا استاذ مصطفى مصطفى بغيظ:- خير ان شاء الله كل الحكاية ان فى ورق عايز امضه منك علشان المرتبات بتاعت الموظفين سمراء:- وانا دخلى ايه دا مش من اختصاصى مصطفى:- محمود بيه هو اللى امر بكدا ان يكون من تخصصك سمراء:- دا اللى هو ازاى يعنى ومن امته مصطفى:- ازاى دى مش بتاعتى من امته من امبارح سمراء:- انا مش فاهمة حاجه خالص انا هكلم محمود بيه وافهم منه مصطفى:- يعنى انا اعمل ايه دلوقتى سمراء:- سيب الورق هنا لما اشوف الموضوع الاول مصطفى:- اوك عن اذنك سمراء:- اتفضل. بعد ما خرج طلبت ناهد فى الهاتف الداخلى سمراء:- ناهد تعالى حالآ ناهد:- حاضر. وتدخل ناهد ناهد ؛- تحت امرك سمراء:- هو ايه اللى حصل هنا امبارح بعد ما مشيت ناهد ؛- مش عارفة انا شغلى معاكى وبس انا بمشى بعدك عالطول سمراء:- يعنى ايه محمود بيه معملش اجتماع امبارح ناهد:- مش عرفة هعرف واقولك سمراء:- يلا بسرعة واقفة ليه ناهد:- تحت امرك............... وبع ما خرجت سمراء تمسك الهاتف وتطلب محمود بيه محمود:- السلام عليكم سمراء ؛- وعليكم السلام محمود ؛- سمراء انا فى الطريق وسايق مش هعرف اكلم و5 وهكون عندك فى الشركة سمراء:- اوك وتغلق الهاتف.... وبعد شويه يعلن هاتفها عن اتصال اخر سمراء:- السلام عليكم سميحة:- وعليكم السلام ورحمه الله سمراء:- عاملة ايه يا ست الكل سميحة:- الحمد لله بخير انتى عاملة ايه يا قلبى سمراء:- الحمد لله بخير سميحة:- كنت عايزاكى تيجى النهاردة سمراء:- خير فى حاجه مهمه سميحة:- لا مافيش بس كنت عايزة اتكلم معاكى شويه سمراء باسف:- لو الموضوع مش مهم ممكن نخليها لبكرا علشان عندى شغل كتير النهاردة سميحة:- لا مافيش حاجه مهمه خلاص وقت ما تكونى فاضية تعالى وانا هستاكى سمراء:- خلاص اوك فى بكرا ان شاء الله هجيلك بعد الشغل بس اوعى تكونى زعلانة منى سميحة:- لايا قلبى دا شغلك وانا عارفة محمود رامى الحمل كله عليكى سمراء:- ولا حمل ولا حاجه دا شغلى سميحة:- خلاص يا حبيبتى اسيبك اناةعلشان معطلكيش اكتر من كدا سمراء:- ولا عطلة ولا حاجه انا تحت امرك فى اى وقت سميحة:- يلا سلام سمراء:- مع السلامه وبعد ان انتهت المكلمة اتجهت الى عملها ---------------------------------------- فى مكان تانى جديد علينا --------------------------------- منى:- يا نرمين انتى يابنت قومى كفايه نوم نرمين:- فى ايه يا ماما على الصبح منى:- صبح ايه يا بنتى احنا بقينا العصر نرمين:- يعنى اقوم اعمل ايه منى:- خالتك اتصلت وبتقول ان سيف راجع بعد كام يوم نرمين:- تقوم تنط من على السرير بابتسامة بجد يا ماما سيف راجع منى:- ايو راجع يلا قومى بقا نرمين :- يا حبيبى يا سيف وحشتنى اوى منى:- خلصى يلا علشان ريحين عند خالتك نشوفها لو عايزة حاجه نرمين :- حاضر انا هلبس بسرعة اهو ------------------------------------- بعد فترة كبيرة فى فيلا الشرقاوى جرس الباب يرن ليلى :- حاااضر نرمين :- ايه ساعة على ما تفتحى ليلى من غير نفس:- اهلا انسه نرمين منى:- سميحة فين ليلى:- جوا فى الصالون نرمين وهى تدخل:- انتى لسه هترغى ليلى :- اتفضلوا سميحة:- مين يا ليلى نرمين:- هاى يا انطى سميحة سميحة:- يابنتى قولى السلام عليكم منى :- ازيك يا سميحة عاملة ايه دلوقتى وتبوسها سميحة:- الحمدلله يامنى انتى اللى عاملة ايه نرمين:- صحيح يا انطى سيف راجع بعد يومين سميحة بابتسامة:- ايو راجع ان شاء الله منى:- يرجع بالسلامة يارب سميحة:- يارب نرمين:- طيب يا انطى انتوا هتعملوا حفلة ولا ايه سميحة:- حفلة ايه نرمين:- حفلة بمناسبة رجوع سيف سميحة:- لما يوصل بالسلامة ان شاء الله نبقا نشوف منى:- بعدين يانرمين مش واقت الكلام دا نرمين:- اوكى يا مامى سميحة:- قوللى يا نرمين نرمين:- نعم يا انطى سميحة:- هو انتى لبسك كله كدا نرمين؛- كدا ازاى يعنى مش فاهمة سميحة:- يعنى يا بنتي لبسيك قصير جدا وضيق مكسم جسمك نرمين:- ماهى دى الموضه يا انطى وبعدين فى بنات كتير بتلبس كده وسيف اكيد هيعجبه البس ده ما هو كل بنات امريكا بيلبسو كده سميحة:- واحنا مالنا ومال بنات امريكا احنا هنا فى مصر نرمين:- ماهنا فى مصر بنات كتير بتلبس كدا سميحة:- اه ماشى ربنا يهديكى قوللى بقا انتى بتعرفى تعملى اكل ايه نرمين:- اكل اكل ايه يا انطى انا عمرى ما دخلت المطبخ ابدآ ولا اعرف اعمل ايه حاجه منى :- اكل ايه يا سميحة وبعدين هما الشغلين لزمتهم ايه سميحة:- اه فعلن عندك حق وبعد فترة طويلة ومملة مشيت منى ونرمين ليلى :- هو انتى يا هانم بتفكرى تجوزى الانسة نرمين ل سيف بيه سميحة:- يالهوى لا طبعآ دى مايصه وماتعرفش تفتح بيت ولبسها مايع زيها وماتعرفش حاجه عن الدين ولا الاخلاق ليلى:- بصراحة ياهانم انتى عايزة واحدة زاى الانسة سمراء ادب واخلاق وتربية وفوق كل دا ست بيت من الدرجة الاولى سميحة:- والله يا ليلى كأنك داخلتى دماغى ليلى:- دا لو حصل يكون سيف بيه حظه من السما سميحة:- ياريت انا مش هلاقى احسن من سمراء ل سيف بس هى ممكن توافق ليلى:-لو ليهم نصيب فى بعض هيكون سميحة:- ربنا يسهل يلا روحى شوفى شغلك ليلى:- حاضر سميحة فى نفسها:- انا لازم اعمل حاجه علشان اوفق الاتنين مع بعض ----------------------------------------- فى امريكا سيف:- انا خلاص خلصت كل حاجه مش فاضل غير تذاكر الطايرة ودى بقا من الشركة عندى سامر:- وانا كمان خلصت كل شئ واشتريت شوية هداية كدا للكل سيف:- وانا كمان اشتريت حاجات بسيطة كدا برضه سامر:- طيب وانت هتجيب التذاكر امته سيف:- انت عايزها امته سامر:- لو ممكن بكرة يكون حلو اوى سيف:- انت تأمر بكرة تكون عندك ونسافر بكرة سامر:- طيب اروح احضر الشنط بقا على كدا سيف:- وانا كمان يلا ----------------------------------- سيف على الفون سيف- الو ايو يا رامى رامى:- ايو يا سيف خير سيف:- احجزلى تذكرتين بكرة على القاهرة رامى:- تذكرتين لمين سيف:- انا وسامر صاحبى رامى :- طيب و الانسة الين سيف:- الين مين رامى :- اللى كانت عايزة تقابلك سيف:- اه افتكرتها طيب هى هيجى الساعة كام رامى:- على الساعة 10 الصبح سيف:- تمام احجز على الساعة1او2 انا عايز اكون فى مصر قبل نص الليل رامى:- اوك هاكد عليك المعاد لما احجز سيف:- تمام يلا تصبح على خير رامى:- وانت من اهله