النهاردة قبل ما اروح للمطار ،حصل معايا موقف غريب لكن فيه حكمة جميلة ! تواصل معايا شاب مصري جميل بخصوص استشارة شرعية، وجاب معاه شريكه سوري اللي جاي من بيئة بدوية ، بعيد تمامًا عن مواقع التواصل الاجتماعي. في البداية، كان بيتكلم عن إن العُرف هو اللي بيحكمهم ، وإننا أي حاجه نتفق عليها خلاص تبقى حلال. لكن لما وضحتله إن الأصل تطبيق الشريعة ولو تعارض العُرف مع الشريعة سنقدم الشرع على العُرف، و في الغالب لو العُرف الصحيح مع الشرع ، ومش بس كده ده كمان أنفع وأعدل في التطبيق العملي لكل الأطراف، المهم ،سبحان الله، في نهاية الجلسة اكتشف إن الشريعة هي الطريق الأفضل للطرفين في توزيع الأرباح والخسائر وضمان رأس المال إلخ . 📌 الشاهد من القصة هنا : إنك مهما كنت بعيد عن مصادر التشريع ، ربنا ممكن يسبب لك الأسباب ويأتي بك من مكان بعيد عشان توصلك المعلومة الصح، المهم انك تقرأ رسايل ربنا لك. وانك ممكن تكون دال على الخير بمجرد إنك تقول لشريكك أو مديرك أو حتى صاحب العمل ، خد بالك من هذا الأمر وحكمه الشرعي وتأخذ على يديه إن كان يفعل أمر محرم وهذا نصرة له ، قال رسول الله ﷺ: "انْصُرْ أخاكَ ظالِمًا أوْ مَظْلُومًا. فقالَ رَجُلٌ: يا رَسولَ اللَّهِ، أنْصُرُهُ إذا كانَ مَظْلُومًا، أفَرَأَيْتَ إذا كانَ ظالِمًا، كيفَ أنْصُرُهُ؟ قالَ: تَحْجُزُهُ -أوْ تَمْنَعُهُ- مِنَ الظُّلْمِ؛ فإنَّ ذلكَ نَصْرُهُ". ولو فهمنا ازاي الشريعة بتراعي مصلحة الناس، هنلاقي إنها أقرب حل عملي ومنطقي لأغلب مشاكلنا. والله أسأل أن يفتح لهذا الدين قلوب العباد والبلد 🤲🏻 #باسم_عليوة #شريعة_أوديت