Basem Elewa - باسم عليوة
5.3K subscribers
About Basem Elewa - باسم عليوة
قناة متخصصة في نشر المنهجية العملية للاقتصاد الاسلامي من خلال نموذج التدقيق الشرعي ومحاسبة زكاة الشركات
Similar Channels
VIDIO FULL ALBUM
قناة الشويلي التعليمية
قناة البورد العربي للتدريب Arab Board chanal
قناة دهريز
قناة مساعد الرشيد
قناة الجرح والتعديل السلفي
قناة جنائز الجوف
رواق العلوم الشرعية والعربية - قناة عامة - ٢٤/٧
قناة شناص
قناة توظيف أطر التعليم
قناة السنة النبوية
قناة دبي الرياضية
قناة خليك ويانة
قناة العمانية
قناة سكناب نيوز
Swipe to see more
Posts
للحصول على الكورس المجاني: محاسبة الزكاة خطوة بخطوة اضغط على اللينك ده 👇🏻: https://go.basemelewa.com/free-zakat-course للحصول على كورس شيت حساب الزكاة المجاني : https://go.basemelewa.com/zakat-free-course2
⚠️ احذر الفخ: صندوق أو خدمة “الفلاني” ذو العائد اليومي المتغير! كتير من الناس بيجيلها عروض مغرية زي: “حط فلوسك وخد عائد يومي مميز يوصل لـ 21.8% سنويًا، وتقدر تسحب فلوسك في أي وقت بدون قيود، والأرباح بتتحسب يوميًا وبتدخل حسابك بشكل منتظم.” وكمان عشان الحلال والحرام، العائد متغير! 😏 طيب تعالوا نفهم الموضوع ده شرعًا ببساطة: 👇 1️⃣ الموديل ده بيشتغل إزاي؟ • بتحط فلوسك في المحفظة أو الحساب. • الشركة بتضمنلك عائد يومي ثابت أو بنسبة تقريبية أو حتى متغيرة. • وتقدر تسحب فلوسك في أي وقت بدون خسارة رأس المال. 2️⃣ فين المشكلة الشرعية؟ • لما يكون فيه عائد مضمون ولو متغير مع ضمان رأس المال، المعاملة دي بتدخل تحت بند “القرض بفائدة”، وده صورة صريحة من الربا المحرم شرعًا. • الإسلام بيشترط في الاستثمار وجود مخاطرة، يعني فيه احتمال ربح أو خسارة. لكن لما الشركة تضمنلك الفلوس + نسبة أرباح (حتى لو متغيرة)، ده يعتبر ربا حتى لو المسمى اختلف. 3️⃣ ليه بعض الناس بتتلخبط؟ • لأن الشركات بتغلف الموضوع بأسماء جذابة زي “عائد تراكمي” أو “أرباح يومية”، لكن الجوهر واحد: عقد فيه ضمان لرأس المال + فائدة = ربا. 4️⃣ طيب إمتى تكون المعاملة حلال؟ ✅ لما يكون العائد مرتبط بأرباح فعلية من نشاط تجاري حلال، مع احتمال خسارة جزء من رأس المال. ❌ لكن لو العائد مضمون ورأس المال كمان مضمون، يبقى ربا القروض. 📍 ده فضلًا عن المجال اللي بيتم استثمار أموال الوعاء الاستثماري فيه (واللي في الغالب بيكون في بنوك تقليدية أو أدوات دين قصيرة الأجل زي أذون الخزانة). 📌 الخلاصة: لو رأس مالك مضمون، يبقى ده قرض، والعائد سواء كان متغير أو ثابت يعتبر نفع مشروط مسبقًا. ⚠️ دايمًا خليك فاكر القاعدة: “كل قرض جر نفعًا مشروطًا مسبقًا فهو ربا.” #اضافه: الكلام السابق لا ينطبق على البنوك الاسلامية العقد عقد وكالة بالاستثمار او مضاربة #باسم_عليوة #شريعة_أوديت #صندوق_الادخار_اليومي
📢 تشرفت بتقديم ولأول مرة : محاضرة عن الضوابط الشرعية للإدارة المالية! الحمد لله، كان لي الشرف بتقديم محاضرة مهمة بعنوان “الضوابط الشرعية للإدارة المالية”، والهدف منها رفع الوعي لدى المديرين الماليين، مديري الحسابات، والمحاسبين بأحكام المعاملات المالية اليومية وفقًا للضوابط الشرعية. 🔹 برعاية: ✅ شركة محاكاة للاستشارات المحاسبية وتأسيس الشركات ✅ مكتب نُسبة محاسبون قانونيون، للزكاة والدخل 💡 لو مهتم بتأسيس شركتك أو تحتاج لخدمات ضريبية والزكاة والدخل في المملكة العربية السعودية؟ أنصحك بالتواصل مع الأستاذ محمد إبراهيم، من الشخصيات الخلوقة وأهل العلم والأمانة – ولا نزكيه على الله. 📞 للتواصل مباشرة معه عبر واتساب: اضغط هنا👇🏻 Wa.me/+966548493947 ✨ وقوله إنك من طرفي وهتحصل على خصم خاص ١٠٪ على جميع الخدمات! 😉 لو مهتم تاخد لينك تسجيل المحاضرة اكتب لي في التعليقات👇🏻 #باسم_عليوة #شريعة_أوديت
https://www.facebook.com/share/p/1AADvpS83g/
دخل معايا استشارة ، شاب يسألني في الزكاة وقالي المدير المالي عندنا في الشركة هو اللي هيفهم منك عشان يحسب الزكاة، و اكتشفت في وسط الكلام انه مسيحي🤷🏻♂️ وسبحان الله ، كان مركز جدًا وبيسأل في كل التفاصيل والمعالجة الزكوية لكل بند في الميزانية ، عشان يطلع التقرير بشكل دقيق ما الدرس المستفاد من هذا الموقف من وجهة نظرك!؟ اكتب لي في التعليقات وهتابع ردودكم 👇🏻 ولو لسه ما أخدتش الكورسات المجانية في حساب زكاة الشركات اكتب لي مهتم في التعليقات🤝 #باسم_عليوة #شريعة_أوديت
حوار متكرر للأسف! هو: “أنا ناوي آخد فلوس من حد وأشغلها في بيع وشراء بضاعة، بس عندي مشكلة صغيرة… مش بعرف أحسب الأرباح والحسابات بتتلخبط معايا!” 🤔 أنا: “خلاص، ما تاخدش فلوس حد ولا تدخلها معاك في الشغل، لأن الشراكة دي مبنية على توزيع الربح بنسبة محددة، وإنت أصلاً مش قادر تحدد الأرباح!” ❌ وخد بالك " الربح يُوزع حسب الاتفاق ،والخسارة على رأس المال ولا يضمن المضارب (مدير الاستثمار) الخسارة إلا في حالة التفريط والتعدي " 📌 الخلاصة: لو مش متأكد من حساباتك، اشتغل لوحدك أو اتعلم الأول ازاي تحسب ربح الأموال اللي هتاخدها من الناس ، عشان بعدها تقدر توزعها . #باسم_عليوة #شريعة_أوديت #المضاربة #الشركات_الحديثة
زكاة المال و شنطة رمضان ! يا جماعة الخير، بعد إذنكم، زكاة المال الأصل فيها إنها تطلع نقود علشان المستحق هو اللي يحدد أولوياته واحتياجاته. ✅ شنطة رمضان؟ دي خليها من الصدقة، لكن مش زكاة إلا في حالة ان المستحق بنفسه أو وكيله (زي الجمعيات الخيرية) هو اللي طلب إن الزكاة تكون مواد تموينية بدل الفلوس او انت سلمتها نقود وهو كوكيل المستحق اشترى مواد تموينية، ساعتها مفيش مشكلة خالص. 💡 ليه؟ لأن الهدف من الزكاة هو تلبية احتياجات الفقير بالشكل اللي يناسبه مش بالشكل اللي احنا شايفينه صح. ⏳ اتأكد إن زكاتك بتوصل لمستحقيها بالطريقة الصح. 🌟 “إنما الصدقات للفقراء والمساكين…” (التوبة: 60) #باسم_عليوة #شريعة_أوديت #زكاة_المال #شنطة_رمضان
هل تعلم أن أهل مكة كانوا أهل التجارة وأهل المدينة أهل الزراعة! قال رسول الله ﷺ: “الوزنُ وزنُ أَهْلِ مَكَّةَ والمِكْيالُ مِكْيالُ أَهْلِ المدينةِ” سبق الإسلام ما تسعى إليه المؤسسات الاقتصادية العالمية مثل (ISO, WTO) في فكرة توحيد المقاييس والمعايير بين الدول لتسهيل التجارة وضمان الشفافية وحماية المستهلك. فكان أهل مكة، أهل التجارة، لعلمهم الأكثر بالموازين عن غيرهم (كالدرهم والدينار، اللذين كانا يُستخدمان في الزكاة). وكان أهل المدينة أهل الزراعة، لعلمهم الأكثر بالمكاييل عن غيرهم (كمقدار الصاع والكيل اللذين كانا معيارًا للكفارات). 📌الفرق بين الكيل والوزن: • الكيل: للأشياء التي تُقاس بالحجم مثل الخضروات، الحبوب، والسوائل، ومعاييره (لتر، صاع، مكيال). • الوزن: للأشياء التي تُقاس بالكتلة والثقل بعيدًا عن حجمها مثل المعادن، اللحوم، السكر، والملح، ومعاييره (جرام، كيلو جرام، رطل) 📍لو عجبتك المعلومة و أول مرة تعرفها، صلي على النبي ﷺ الذي أوتي جوامع الكلم 😍 #باسم_عليوة #شريعة_أوديت #الإعجاز_الاقتصادي_في_القرآن_والسنة
🚨 حكم إنشاء موقع دروبشيبينج وربطه بعلي بابا! سؤال بسيط ومحدد: هل يجوز إنشاء موقع دروبشيبنج على شوبيفاي وربطه بموقع "علي بابا" والبيع من خلاله؟ ✅ الإجابة: الطريقة دي هي النموذج السائد للدروبشيبنج، واللي فيه إشكالية شرعية واضحة، لأنه ببساطة: 1️⃣ أنت بتبيع سلعة مش عندك! يعني المنتج موجود في الصين على علي بابا، وأنت في مصر أو أي بلد، وبتستخدم أدوات إلكترونية تخليك تعرض المنتج على موقعك كأنك التاجر. 2️⃣ العميل يشتري منك مباشرة! العميل يدخل موقعك، يشوف المنتج، يدفع الفلوس ليك، وأنت أصلاً لسه ما اشتريتش البضاعة دي من المورد! 3️⃣ نظام أوتوماتيكي بيشتري بالنيابة عنك بعد ما العميل يدفعلك، الأدوات المربوطة بين موقعك وعلي بابا بتقوم أوتوماتيك بتحويل الفلوس للمورد، وإرسال بيانات العميل، والمورد هو اللي بيشحن للعميل مباشرة، وانت ولا استلمت البضاعة ولا شفتها ولا دخلت في ضمانك. ⚠ المشكلة الشرعية هنا؟ 📌 بيع ما لا تملك! 📌 عدم دخول المنتج في ضمانك قبل البيع! ودي المشكلة اللي أهل العلم تكلموا عنها لما قالوا إن البيع بالشكل دا يدخل في النهي النبوي: “لا تبع ما ليس عندك” وحديث زيد بن ثابت: “نَهَى النبيُّ ﷺ أن تُباعَ السِّلَعُ حتَّى يَحوزَها التُّجَّارُ إلى رِحالِهِمْ” (رواه أبو داود). 🔴 طب إيه الحل؟ لو عايز تشتغل بشكل شرعي، عندك ٣ خيارات: 1️⃣ تملك المنتج قبل البيع 🏬 يعني تشتري المنتجات وتدخلها مخزنك أو تتفق مع المورد إنها تكون في ضمانك قبل ما تبيعها. 2️⃣ العمل كنظام وكالة وليس بيع مباشر 🤝 يعني تقول للعميل بوضوح إنك وكيل عن المورد وليس البائع الأصلي، وتأخذ عمولة محددة متفق عليها. 3️⃣ تحويل الموديل لنظام السمسرة (التسويق بالعمولة - Affiliate Marketing) يعني تكسب عمولتك من المورد مش من العميل ( وينفع تاخد العموله من العميل لو إنت وكيل عن العميل وليس المورد ولكن الأوقع في التطبيق العملي انك تكون وكيل عن المورد، وممكن تكون العمولة موزعة على الطرفين المهم تكون بعلمهما ) ، ويكون دورك تسويقي فقط بدون استلام الفلوس على موقعك. 💡 الخلاصة: ⚠ لو هتبيع منتج مش عندك، ومش داخل في ضمانك قبل ما توصله للعميل، فده نموذج الدروبشيبنج المحرم شرعًا. ✅ أما لو غيرت الموديل ليكون وكالة أو سمسرة أو اشتريت المنتج فعلًا قبل البيع، يبقى مفيش مشكلة شرعية. 📌 لو عايز تفاصيل أكتر عن نموذج الدروبشيبنج الشرعي، اكتب في الكومنتات “مهتم” وهبعتلك القرار الأخير لمنتدى الاقتصاد الإسلامي بشأنه. #باسم_عليوة #شريعة_أوديت #دروبشيبنج